قناة السيارات
من فين ابداء
قولو لي .
حسبي الله عليهم ,,,, حرامية لابعد الحدود
خلونا ندخل في الموضوع
في يوم الخميس الموافق 7/9/1425 هـ
ادخلت سيارتي البولو 2003 ازرق
في الوكالة ( عشان صيانتهم نظيفة ودقيق عملهم )
وكالة ساماكو اللي في حي النسيم على ما اعتقد. ( المركز الرئيسي)
المهم كانت العيوب كتالي:
1/ تنسيم هواء من قزاز السائق.
2/ المسجل لا يعمل.
3/ تانكي البنزين لاينصك جيداً
4/ صوت في الريوس
5/ صوت صفير اثناء الكبس على الفرامل ( والسيارة ماشية)
6/ لمبة السقف خربانة
7/ حامل العصير دخل ولم يخرج ( خرب )
8 / صوت في المكيف عند التشغيل.
9/ صوت داخلي مع المطبات يطلع.
هـــذة العيوب ( ياسلام عيوب بسيطة )
طبعاً استلام السيارة الموظف ( سوداني ) قال لي ان شاء الله تستلم السيارة
يوم الاحد بلكثير .
قلت والله تعامل فضيييييييييع .
طبعاً وديت السيارة صباح الخميس الساعة 10 ( يعني في اول الدوام )
جاء يوم الجمعة طبعاً مافي دوام
جاء السبت
دقيت تلفون عشان اشوف وش عملوا وايضاً اذكرهم بالسيارة
قالي الاخ السوداني بكرة تطلع بس قبل ماتجي رن تلفون علينا
قلت امر ( اسلوبي حضاري الى الان)
يوم الاحد اتصلت الساعة 11 ظهراً عشان نشوف
رد الزوووووووووول بعد مادقيت عشرين مرة مارد علية احد ( لاحظوا معي سؤ المعاملة )
المهم قال لي اليوم مايمديهم لاكن بكرة ويسير خير قلت امر وتدلل
( اسلوبي مع الزووول حلو وكأني اتشحت فية)
راح الاحد
جاء الاثنين موعد التسليم
دقيت الساعة 11 ظهراً قالي لي والله السيارة ممكن تتأخر
انا يوم قالها بطلت الاسلوب الحضاري والدلع
قلت ايش
انت تضحكون علية ,, من يوم الخميس وهي عندكم , وكل يوم تقول بكرة
انا جاي الان قفلت التلفون في وجهة الوسيم .
ركبت تاكسي الساعة 2.00 ظهراً
وعلى الوكالة
المهم لقيت الزووووول
قلت هات مفتاح السيارة قال تعال حاسب قلت ايش السيارة على الضمان
مالها سنة ( يمكن 10 أشهر) والعداد 10784 كليو بس !!
قال لي 300 ريــال
وسوينا تخفيض سارت بــ200 ريال ( والله قهر)
100 ريال حقت تنسيم الهواء
100 تنظيف القماشات.
( قمت النصب والاحتيال ) يعني الضمان كذبة على الشوارب
قلت خلاص اجرب السيارة وادفع
هنـــا تبداء القصة ( البداية مقدمة)
ركبت السيارة والاخ الزوووول معي,, مشيت بالسيارة جميع العيوب سووها عدا
1/ تنسيم الهواء
2/ صوت داخلي مع المطبات يطلع
3/ المسجل.
قلت وش رايك يا أخ ؟؟؟ والله ما أدفع ولا ريال .
قلت فين المسؤول , ابي اكلمة قالوا هذا مكتب المدير,, كلمة
رحت للمدير حصلتة اردني
طبعاً الزووووول كان معاية شرح الوضع كامل ماقصر الزوووول.
قال لي المدير ( تحس انة فاهم ) خلاص خلي السيارة عندنا وبكرة نشوف حل
( قلت السيارة والله احتاجها)
قال لي خلاص أي وقت مر بالسيارة .
اخذت السيارة ومشيت الى بيتي
انتهيا
هههههههههههههههاي لا ياحبيبي مانتهيت
ولكن تدرون وش حصلت ؟؟؟؟
باب السائق ماينصك إلا بقووووووووووووووة
شوفو الوكالة وش سوت !!
لا والمسجل مو حق الشركة يعني طلعت الوكالة مغيرة المسجل الاصلي
الله واكبر عليهم الى هذا الحد من النصب والاحتيال .
والله العظيم ان هذة السالفة حصلت لي.
واللي يبي يتأكد يتصل بي 0506653436
عبدالله.
يا ناس ابعدو عن ساماكو نصيحة لوجه الله .
على فكرة من سؤ التعامل مع العميل
في واحد عندة الطوارق جاي الاخ يستلم السيارة تدرون وش حصل !!
قالوا السيارة غلطنا فيها الطزارق يخلص يوم الاربعاء.
ههههههههههههههههاي والله ضحكت على حالي وحالة
ويوم ركبت السيارة عشان اروح بيتنا شفت صاحب الطوارق مع المدير يتكلم !!
يعني وكالة نصب ..
اخوان اللي مسجل في أي موقع اخر ينشر هذا الموضوع
لأنة حقيقي والله انة حقيقي
واعيد واكرر ابعدوا عن ساماكو
اخوكم القلب
