محبوبتي الأوبل... أخيراً

[kfu]

أخيراً..............................

باركوا لي شريت أوبل أوميغا 2002 كامل المواصفات (full options) واللون فضي ولالالا أورع وماشي 55.000 الف كم وخذته من معرض في الرياض كان صاحب الموتر وقفه للبيع يوم الأثنين وجيت أنا وعجبني نظافته مررررة والله تقول وكاله وصدقوني ما أبالغ والدليل اني يوم رحت أبغى أفحصه في الجميح قال لي الفني ان (السيارة ذهب وشكل راعيها مدللها أبد).

لالالالا وأزيدكم من الشعر مو بس بيت واحد إلا 100 بيت عليها رقم ما أحد يقدر يقول عليه شيء وعلى فكرة ترى اللي يبغى يشتري ترى أنا مستعد طبعاً الرقم مو الموتر؟؟؟

عاد أبغاكم تباركوا لي على الموتر وتدعوا لي بالتوفيق وإن الله يعطينا خيره ويكفينا شره آمين رب العالمين.

وتراني أنتظر ردودكم وتعليقاتكم وعاد لا تبخلوا علينا ؟؟


تحياتي

[GMC]

الف الف الف مبروك لك اخي الكريم


والله يعطيك خيرها ويكفيك شرها يارب

[ابو الجنوط]

الف الف مبرووووووووك الله يهنيك فيها ويبارك لك فيها ويكفيك شرها

[# OMAR #]

الف مبروك ..

[مجنون أوميغا]

الف الف الف مبروك
الله يعطيك خير ها ويكفيك شرها
والله فرحتلك حيل
يالله عاد تراني ما نسيت باقي الحفله
هههههههههههه امزح معاك
اللهم كثر من اصحاب الوميغا في هذا المنتدي
يمكن يوم يجي يوم ونسوي تجمع حق اصحاب الوميغا
باسم المنتدي

[kfu]

النايم

ابو الجنوط

GMC

مشكورين على تهنئتكم لي بالأوبل الجديدة والله يسلمكم ويخليكم ويوفكم ان شاء الله .

أخوي مجنون الأوميغا

هلا والله ومرحبتين وشكراً جزيلاً على فرحتك لي بالموتر الجديد وإن شاء الله نسوي حفلة تلاقي لمالكي سيارات الأوبل في أي مكان أو أستراحة إن شاء الله في القريب العاجل من أجل التعارف بين بعضنا البعض ولا تخافون المأكولات والمشروبات علي أنا صاحب الأوبل الرصاصي.

تحياااتي للجميع

[مجرد شخص]

ألف مبروووووووووووك
يعطيك خيرها انشالله ..


ممكن سؤال أخوي ..
كم حدود سعرها سيارتك تقريبا ..
لاني شايف 2001 فل اوبشين وابي اعرف تقريبا الاسعار ..

تحياتي

[kfu]

هلا أخوي مجرد شخص

والله عزيزي شريتها بــــ 60 ألف ريال سعودي صحيح أنها غالية بس الموتر اللهم لا حسد يعني يستاهل

تحيااااتي