محتار بين لكزس es350 او اودي A6

[قويت انساك]

السلام عليكم ورحمه الله وبركاته

ياخوان انا محتاج مشوره بين
1- لكزس es350 cc نص فل طبعا
2- اودي A6 35 TFSI ambition line 190hp

مع العلم ان حدودي 160 الف وتجيب هالسيارتين بالراحه لان الشركه بتعطيني تخفيض على وحده منهم

انا شبه مقتنع باللكزس لانها حقت كرف وقوه في الخط وجربتها مع اخوياي لكن الاودي بعد كسمعه ماعليها كلام بس خايف من مشاكلها بعدين

المهم انا ماعاد لي الا الله ثم انتم

[أبو سعود Q8]

وعليكم السلام ورحمة الله

برأيي الشخصي إذا كانت الاودي 6 سلندر فتوكل على الله واخذ الاودي
أما لو كانت 4 سلندر فلا تفكر فيها واتجه للكزس أو الانفينيتي أو الجنسس

[XAbdulelah]

أطلب تجربة أودي

[flatne]

دامك شبه مقتنع في لكزس توكل على الله وخذها
لو انا مكانك باخذ لكزس سهوله صيانه واسم معروف ومشهور باعتماديته اكثر من اودي

[قويت انساك]

ابو سعود عبدالله
اشكركم على سرعه الرد والاودي بعد مادخلت موقعهم وبحثت طلع الستاندرد وهي 4 سلندر لكن مكتوب حاجه مافهمتها انه ترونيك وممكن تصير 6
بكره ان شاء الله اروح واطلب تجربتها واقولكم وش انطباعي

[رحاااااال]

الغالي قبل ما تقدم على اللكزس او الأودي

جرب الجينيسس فل كامل تقريبا سعرها في بحر 160 الف


بعدها قرر ، لأن بهذا السعر (( 160 الف )) بتاخذ مواصفات وفخامه أكثر من الأودي و اللكزس


الخيار لك ولا تنسى الإستخاره

[قويت انساك]

فلاتن كلامك صحيح لكن حبيت اشوف اراء الناس وماكانت الشورى في شي الا افادت فيه

[mohammed1368]

شوف حبيبي مدامها الاودي اربع سلندر لا تقرب منهاالاودي بتاخذها ستة سلندر وثمانية فعلا جودة واعتمادية ودفع رباعي وكرف ودلع وثبات بس غيره اقل قوطي ما يسوى


ارشح لك اللكزس es افالون مفخم طبعا اريح من الافالون بشوي واعلى جودة بشوي وكرف وكل شيء او تشوفلك لكزس is الصغيرة دفع خلفي ومتعة قيادة