مشورتكم في سيدان فخم تحت 150 ألف

[Mohazmi]

السلام عليكم ورحمة الله

يا اخوان ياليت تنصحوني بسيارة سيدان فخمة سعرها مايزيد عن 150 الف

انا ودي بالجنيسس نص فل لكن ممكن الاقيها بذا السعر ؟

[mohamed_]

وعليكم السلام ورحمه الله وبركاته
دامك بتدفع هالمبلغ حرام تحطه بكوري لو كان دفع رباعي حتي
انصحك بالامبالا او الافالون سيارات وسيعه ومريحه واثبتت وجودها
عندي امبالا اذا تبي اي استفسار انا حاضر

[PC Master]

المكسيما الجديدة

بالسعر اللي يناسبك ومواصفات جداً رائعة من مثبت سرعة راداري وسقف بانورامي وكشف النقطة العمياء وكاميرا محيطية 360 درجة وبالطبع نافيغيشن مع شاشة كبيرة، وصرف البنزين للموديل السابق كان ممتاز بالنسبة لـ 6 سلندر ويقولون الجديدة افضل بعد، النور الواطي LED وليس زينون، نظام صوتي متطور من Bose وايضاً مواد داخلية ذات جودة عالية وخصوصاً الكراسي المريحة واللي فيها خاصية التبريد (اظن الكراسي الامامية او فقط كرسي السائق)

عيبها بالنسبة لي مافيها نظام التحذير من مغادرة المسار (او يمكن فيها بس مالاحظته من تجربتي لها)، وصوت الهرن (البوري) كأنه كورولا لكن يمكن تبديله ووضع صوت الموديل السابق، والانوار الخلفية ليست LED بل عادية واشارة الانعطاف هي نفسها انوار البريك، وايضاً القير CVT مادخل مزاجي 100% لكنه بشكل عام جيد

طبعاً انا اتكلم عن الفئة الفل اوبشن بكامل المواصفات

[ARMADA xKINGx]

الماكسيما الجديدة
لكزس es
إنفنتي q70-q50
إمبالا فل
أفالون فل
كيا كوريس
كاديلاك ats
golf gti
بالتوفيق

[super_safari]

مكسيما و أفالون
و إذا ما فيه مشكلة بالمستعمل: الألماني ذو الفئة المتسوطة. يعني مرسيدس E و بي إم الفائة الخامسة.

[techmate]

فخمة بسقف 150 ألف:
لكزس IS250
جينيسيس
ماكسيما فل أوبشن
أفالون بريميوم
إنفينيتي Q50
كيا كوريس
لكزس ES350 CA
كاديلاك ATS أربعة سلندر
كرايسلر V6
تشارجر V8

[مسلوقه]

الجنسيس بلا منازع وذحين راح تصير عليها تخفيضات لانه راح تكون الجنسيس شركة مستقله

[رحاااااال]

لا تحتار الغالي

افضل شركة تعطيك مواصفات مقابل السعر هي الهيونداي

خذ الجينيسس وانت مرتااااااااااح بإذن الله

لا تنسى الإستخاره