قناة السيارات
حياكم ربي
فيه ناس تزعل اذا انتقدت سياراتهم ... وفيه ناس الوضع عنده عادي طقطق على راحتك بس لا تطولها
شخصياً ماعندي مشكلة بالانتقاد والمزح عاااادي جدا ... وممكن أتقبل واحد يقول سيارتك ما يشتريها الا المتخلفين أمثالك
بعضهم يحس ان انتقادك لسيارته يعتبر انتقاد لشخصه ... هذا ممكن لو كان المنتقد جاد ... يقول مثلا .. سيارتك سيارة سرابيت ودشير ...!
اما ان يكون له وجهة نظر بسيارتك .. هذا لا يعني ان فيك مشكلة ..!!
عموما سيارتي نيسان اكستيرا 2015 ...
الله يخلف عليك بس .. فيه احد يشتري اكستيرا !!!!!!!!!!!!!!!!!!!!!!!!
لا عادي عندي ... اهم شي لا يكون هناك فوقيه او تعالي .. يعني يجيني واحد ولد نعمه ويطقطق على سيارتي الي شاريها بدم قلبي وهو شاريها له ابوه .. هنا ازعل
ياما عانيت من الانتقادات
ليه تبيع ياباني وتاخذ كوري
ندخل في نقاشات طويلة ومملة
في الاخير اخليهم يجربونها ويقتنعون
اقبل النقد من شخص فاهم و مستواه عالي في عالم السيارات لكن اذا يجيني واحد ما اغتنى الا سيارة ولا سيارتين بحياته و يتفلسف على راسي قد اصل معاه الى حد الشجار.gif "A120(82)")
هل الاقناع هو بالتجربه فقط ؟المشاركة الأصلية كتبت بواسطة أبو مؤيد
ياما عانيت من الانتقادات
ليه تبيع ياباني وتاخذ كوري
ندخل في نقاشات طويلة ومملة
في الاخير اخليهم يجربونها ويقتنعون
موهب مفترض ان القناعه تكون بالاستخدام الطويل للسياره ايضا ؟
من جانب اخر وش السياره اليابانيه الي كانت معك والسياره الكوريه الحاليه وكم عدد السنوات الي كانت عندك الثنتين ورايك المحايد طبعا وهذا الي اتوقعه منك فيهن ؟
وشكرا
عادي ولو يطولها الين يشبع بعد ههههههه
ليش الزعل بالعكس الطقطقة تولد نتيجة
لكن في بعض الأحيان ينقلب الحال ويكون المطقطق هو المطقطق عليه
وأهم شيء لايتحول الموضوع إلى شخصنة,لأن التعصب الأعمى مضر بالصحة
ياخوي انا عندي فورد و عندي فولكس واجن
و ياما شفت ناس تنتقد الفورد و تنتقد الفولكس واجن ما عندي مشاكل ابدا في هذا الشي
لكن شيء واحد لا اقبله و انت ذكرته
ان يجي واحد يقول مثلا الي يشترون فولكس واجن اغبياء و مخدوعين و من هالكلام
او يجي شخص يقول الي يشترون فورد ما عندهم سالفه
ها الكلام ابدا لا اتقبله نهائيا
انتقد السياره نفسها و خل راعي السياره مالك دخل فيه
16اعجابات
رد مع اقتباس