مقياس الهواء في الكفرات

[‪Abdullah_Ali‬‏]

السلام عليكم ورحمة الله
أخواني عندي هايلوكس 2002 عادي
أبغى أعرف مقياس الهواء في الكفرات
في المدينة وفي البر ..
خاصة البر

[أبـوأسـد]

وعليكم السلام ورحمة الله


فيه طريقتين

الأولى أشتر لك معيار هواء أرخص لك وأوفر لك وطبعا خذ نوعية أصلية مثلا الي يباع عند الرماية او السليماني

هذا نفس الي عندي وشاريه من الرماية


الثانية فيه جهاز يركب يقيس معيار الهواء لجميع الاطارات بشكل دائم عن طريق نظام حساسات توضع بكل اطار ويركب على اي سيارة لكن بيكون مكلف وبياخذ شوي من مكان الديكور العلوي بالسيارة وبصراحة ما اشوف له اي ضرورة النوع الاول يكفي, ميزته الوحيدة النوع الثاني انك تشوف اي اختلاف يصير باي لحظة فقط لكن ممكن تنتبه لها اذا شفت اهتزاز او رجه بالسيارة تهدي على طول ماتدعس للسيارة

[techmate]

مشكور أبو أسد سباق لنفع إخوانك

لكن أعتقد يقصد كم ضغط الهواء داخل الإطار في المدينة والبر (حسب مافهمت من سؤاله)

جواب من عندي: بالنسبة للمدينة والبر تجد العيار في دليل المستخدم و في باب السائق
بالنسبة للرمال عادة 15 إلى 20 حسب نعومة وتماسك الرمال

[أبـوأسـد]

مشكور أبو أسد سباق لنفع إخوانك

لكن أعتقد يقصد كم ضغط الهواء داخل الإطار في المدينة والبر (حسب مافهمت من سؤاله)

جواب من عندي: بالنسبة للمدينة والبر تجد العيار في دليل المستخدم و في باب السائق
بالنسبة للرمال عادة 15 إلى 20 حسب نعومة وتماسك الرمال

يبدو انك نبهتني لسؤال الاخ وانا فهمته فهم أخر

ضغط الكفرات مثل ماقال الاخ techmate تحصلها بالباب وبالعادة تكون 32 وعادي تخليها 35

بالبر المتوسط 15 وعادي تخليه 20 اذا الارض سهلة جدا لكن اذا بتطعس الافضل 15 وبالتغاريز (اذا طحت بتغريزة ولا قدرت تطلع منها) أقل شيء تنسم على 10 وممكن 5 اذا مانفع 10 لكن ان وصلت لضغط 10 انتبه تسايف بالموتر (تمشي بشكل مائل) لان هذا اسرع شيء ان الكفر ينفصخ من الجنط وتطيح بمشكلة ثانية ومتعب معالجتها بالبر

بس بشكل عام الي لازم تعرفه المشي على كفر منسم يقلل من عمره الافتراضي سواء بالبر او بالشارع

[صاحب صنعه]

ارض تغريز من 10-15

رمل عادي 25

رمل وازفلت الله يكرمك 35

ازفلت فقط وخاصه خطوط طويله 40

وموفق ان شاء الله

[‪Abdullah_Ali‬‏]

أخي أبو أسد شكراً لك .. أستفدت من ردك كثير وجزاك الله كل خير
أخي techmate أشكرك على إفادتك لي
أخي صاحب صنعة بارك الله فيك - نوع الكفر عندي يوكهاما 40 -35 كثيرة عليها
أنا بالعادة أخلي الكفر الأمامي 30 والخلفي 25 في المدينة .. أما بالبر فأنا أجهل المقياس الحقيقي وغالباً أغرز بسرعة ..على العموم جزاكم الله كل خير وبارك فيكم

[أبـوأسـد]

أخي أبو أسد شكراً لك .. أستفدت من ردك كثير وجزاك الله كل خير
أخي techmate أشكرك على إفادتك لي
أخي صاحب صنعة بارك الله فيك - نوع الكفر عندي يوكهاما 40 -35 كثيرة عليها
أنا بالعادة أخلي الكفر الأمامي 30 والخلفي 25 في المدينة .. أما بالبر فأنا أجهل المقياس الحقيقي وغالباً أغرز بسرعة ..على العموم جزاكم الله كل خير وبارك فيكم

ليه تخلي الخلفي 25 بالمدينة؟

أنت عارف وضع ضغط الكفر أقل من المستوى المطلوب معناه ثبات أقل وقوة كبح أضعف!
الفائدة الوحيدة الي بتحصلها الليونة فقط لكن بحساب الثبات أقل والفرامل أضعف أعتقد شيئين مايستهان به

ياليت تحطها ببالك

[‪Abdullah_Ali‬‏]

أنا أحتجت الليونة عشان الحفريات اللي مالية شوارعنا .. بالإضافة أدنى حفرة والكفر مليان تزعجني " طبعاً إذا منتبهت لها "
فالحقيقة أجهل هالشيئين اللي قلتها أنت "الثبات وضعف الفرامل " في قلة هواء الكفرات .. أشكرك كثير أخوي نورتني ردودك