قناة السيارات
السلام عليكم
انا جدد وارجو الافادة حبايبي
عندي ماركيز القير فيه مشكلة وهو ان اول ما اعشق ما يمشي بسرعه يجلس شوي وينتع
ونفس الكلام لو كنت اسوق ورفعت رجلي عن البزين ثم رجعت ادعس يكون فاضي ثم ينتع فجاة
قالوا لي توضيب قير
لكن قالوا لي4000 في ورشة هنا بالجنوب واظن انه مبالغ فيها
ابغى اسالكم بجدة والطايف ماهي افضل الورش
وكم يكلف التوضيب وهل شراء مكينة من التشاليح افضل؟
وكم يستغرق وقت التوضيب
وهل فيه نصايح ثانية؟
شكراااااااااااا
اكتب الموضوع في قسم الورشة هناك الخبراء سوق يساعدوك
عليكم السلام ورحمة الله وبركاته
اخي على اي اساس قالو لك توضيب قير !
زيت القير اذا كان ناقص يتاخر في التعشيق خصوصا اذا عشقت من الفاضي الى D
شوف مستوى زيت القير وزيده وجرب
بخصوصا النتعه وانت تمشي وتوقفت عن الدعست ورجعت
موجوده بشكل طبيعي بالفورد اذا كانت خفيفه وغير ملحوظه
باستثناء اذا كان الكلتش يتأخر ويرجع يبدل بنتعه قويه فهذي مشكلة كلتش القير وتحتاج توضيب
بخصوص التوضيب الافضل انك تبتعد عن القير المستعمل لانك ماتدري كيف كان استعماله او حتى موضب من قبل او كم باقي فيه عمر افتراضي
التوضيب بقطع اصليه افضل
والتوضيب على حسب زحمة الورشه
وغالبا ثلاث ايام
طبعا الورش يميلون لتغير القير لانه اسهل لهم
فقط فك وتركيب
لكن التوضيب ياخذ منهم وقت وجهد
الله يسهل لك وموفق خير
التعديل الأخير تم بواسطة المارودر 2004 ; 19-12-2014 الساعة 07:44 PM
كلام الأخ صحيح ^^^
و لعله نقص زيت لا أكثر.
و التوضيب أحسن من المستعمل.. مع أهمية السؤال عن ورشة ثقة لأنه بعضهم ما يلمس القير و يقول لك وضبت و صارت معي أنا! أو يغير لك كلشتات و زيت و بس! بعضهم ما يعرف يشخص المشكلة و ماشي له 25 سنة على روتين واحد بقلة خبرة.
لكن اسأل عن ورشات جيدة و بتلقى إن شاء الله
رد مع اقتباس