جينيسيس 2015 Vs كرايسلر 300c 2015 ( ارائكم ؟ )

[D7omBinFaisal]

السلام عليكم

جمعة مباركة يا رب

انا مقبل على شراء احد هالسيارتين بعد فتره
لكن اي واحد منا .. لازم يكون عنده سيارتين محتار فيهم

علما ان السيارة اللي ببالي جينيسيس 2015 نص فل ( v6 )
والكرايسلر 300c v8

انا ماهمني قوة المكينه
ارئكم بالوكيل
السياره تجلس للعمر معك ؟
هل فيها مشاكل السيارتين غير مشكلة الكفرات لانها انحلت بالمجدوعي
واذا اخترتو سيارة قولو وش المميز عن السيارة الثانيه

والله جدا متحير !

[السلطآآآن حسن]

راح اقولك رأيي في السيارتين ثم اختياري و لماذا
الكرايسلر
صراحه هيبه و سياره كلاسيكيه جميييله جداً مع لمسات فخامه
و اذا كان لونها ابيض يكون روعه عليها...
عيوبها من وجهة نظري الستنادر يكون بايخ
اذا ماخاب ظني ان يوجد لها فيس لفت عما قريب
الوكيل بحسب ماشوف هنا في المنتدى غير ممدوح

الجينيسس
سعر مناسب جداً مقارنه بالمواصفات اللي راح تكون متوفره فيها
فخمه جدا و رهيبه من الداخل
لاكن يعيبها من وجهة نظري
فتحات المكيف جداً قبيحه ماحبيتها و ممكن هذي نقطه كثيييير غفلو عنها
قناة فالكون في اليوتيوب تكلم عن فتحاة المكيف




مقابض الابواب بلاستك عادي من الداخل اقصد
الواجهه الماميه للسياره شخصيا ماشوفها جذابه و جميله مثل منافستها كيا كوريس


عموما في النهايه راح اختار الجينيسس رغم الاشياء اللي ماعجبتني شخصياً
لإنها فعلا سياره بطله بالمواصفات
و بالسعر أيضاً

[Laramie]

من ناحيتي أرشح الكرايسلر

خاصة اذا كانت 8 سلندر

حتى لو مايهمك القوة

عزم ال 8 سلندر تنفس طبيعي يعتبر من مواصفات الفخامة

تلقى الموتر نفسه خفيف وفزته قوية وممشاه ناعم.

والسيارتين بالمواصفات مايحتاج. فيهم كل شي

الجينيسس بطله وممكن ارشحها اذا كانت كرايسلر 6 سلندر, ارشح الجينيسس

--------------------

اذا منت مستعجل
انتظر تحديث الكرايسلر 2015

[NA_GH]

رايي جينيسيس
اذا تبي قوة مكينه خذ كرايسلر
اذا تبي مواصفات و دلع خذ الجينيسيس

[لحن المشاعر]

السيارتين اذا استخدمتها بشكل سليم بتعيش معك عمر طويل
لكن فكر مستقبلا .. خدمات مابعد البيع جينسس افضل .. من ناحيه الوكيل وقطع الغيار
كرايسلر سيئه جدا .. وبرضه بعض المناطق وخصوصا المحافظات صعب توفر قطع غيارها
هذي نقطه مهمه لكل شخص يبي موتر كرف واستخدام فتره طويله
فكر بهالنقطه .. وغير هالنقطه كرايسلر اكيد

[أبو مؤيد]

انتظر التحديث القادم من كرايسلر
راح يتم الكشف عنها يوم الأربعاء

بالمواصفات والشكل الحالي

جينيسس تتفوق على الكرايسلر بالمواصفات والقوة والصيانة والضمان

[D7omBinFaisal]

^


انا حاليا انتظر التغيير بالكرايسلر 2015
لان داخلية السيارة ما عجبتني
وبعد اراء الشباب
الان الاختيار تقريبا لجينيسيس .. بس ننتظر الاربعاء وان شاء الله فيه تغيير في داخلية السيارة

[..][ ح ــياة التــم ــيز ][..]

السلام عليكم

الكرايسلر 300 راح تتغير من الداخل

و الي راح يتغير ، ان المراتب راح يكون شكلها مختلف شوي ، مراتب أريح من الحالية
مع ان الحالية ، مريحة للغاية ..

العدادات راح يكون فيها شاشة TFT حجمها 7 انش ، مثل الي في تشارجر و تشالنجر و سيارات مازيراتي .
راح يكون فيه شوية أنظمة جديدة ، أيضاً شكل المقود راح يكون مثل كرايسلر 200 موديل 2015 ..