قناة السيارات
السلام عليكم روحمة الله وبركاته
اولا احب اهنيكم على هالمنتدى النشط و استفدت منه كثير فالشكر موصول لكل الأعضاء و الادارة..
لي تقريبا فترة وانا اشوف بالمعارض والانترنت سيارة اشتريها بنهاية هذا العام.
طبعا مثل ما موجود بالموضوع متردد بين هالثلاث سيارات واي سياره الافضل لي.
Audi A7 Facelift 2015:
انا اميل لهذي السيارة بحكم ان راح احصل خمس سنوات Service package وخمس سنوات ضمان للسيارة والشي الاساسي اني مغرم بشكلها الجديد لكن المشكله الوكيل عندنا يقول ان المتوفر عنده الحين موديل 2015 بدون الفيس لفت تبعها واسأله انا شفت بالنت بجميع مواقع المتخصصه بالسيارات تاكد على نزول السياره في نهاية هذا العام وهو يقولي لا يبيلها سنه كامله على الاقل وانا متاكد ان كذاب الوكيل الي عندنا وان هدفه من كذبه ان يصرف السيارات الي عنده من الA7 قبل الفيس لفت وفي حال مانزل الفيس لفت عندنا بنهايه هذا العام راح اصرف النظر عنها نهائيا.
BMW X5:
صح ان تصميمات شركة الBMW مؤخرا سيئه بوجهة نظري الشخصية لكن الX5 تصميمه حلو بفئته وداخليته جدا فخمه ومنها توه جديد بالشارع وراح يبقى معاي لمده لا تقل عن 6 سنوات لحين صدور الجيل الجديد من الفئه لكن يتوجب علي دفع 24,000 ريال في حال اردت Servive Package وضمان للسيارة لمده خمس سنوات وهالخيار راح اظطر اتوجه له في حال ماوصل الاودي بالفيس لفت بمنطقتنا بنهاية هذا العام.
Maserati Ghibli:
طبعا ما يخفي علينا جميعا اسم مازيراتي العريق وبعوده فئتها جيبلي، صراحة هالسياره ابدا ما كنت حاطها في راسي لكن واحد من الشباب اخبرني عنها بسعر معقول على شركة بحجم مازيراتي، رحت لها الوكالة وجربتها صراحه قيادتها جدا روعه وافضل سيارة تمتعت بقيادتها على الاطلاق وفوقها احصل Service Package على كل شي وضمان للسيارة لمده 3 سنوات، اغرتني الفكرة صراحه لكن بالنهايه يبقى خيار متخوف منه على المدى البعيد اي بعد 3 سنوات ويطيح في كبدي واذا راح ابيعه ماراح ينباع بسهوله وفوقها وارد جدا ابيعه بخسارة كبيرة لو اظطريت
فياليت لو تنوروني برايكم عن هالثلاث سيارات ومحتاج لرايكم بحكم خبرتكم الكبيرة
ميزانيتي بين ال25 وال30 الف ريال
رد مع اقتباس
المشاركة الأصلية كتبت بواسطة BuYousif
