ما هو سبب حبكم ايها الناس للكوري ؟؟؟

[the best one]

أريد ان اعرف

انا حاولت احب االسيارات الكورية لكن للأسف ما قدرت
=========================================

الكل يحب الكوري مع انه لا جودة لا سلامة لا مواصفات غير اعتيادية



أريد ان اعرف سبب حبكم للكوري؟؟؟؟؟؟؟؟؟؟

[porsche fan]

الكوري لا ينكر احد انه تطور كثييير جداً ..
تصاميمه اصبحت جداً ممتازة , مواصفاته ايضاً نوعاً ما عالية بالنسبة لسعرة ( بالرغم من ان سعر الكوري الحين ارتفع وفقد اكبر ميزه له !! ) , تقريباً هذي اقوى نقاط الكوري

الكوري جودته نوعاً ما عدية , واحنا عندنا سيارة كورية بالبيت والله الجودة ما بقول سيئة ولكن ما بقول ايضاً حلوة , كان ودي تكون الجودة افضل , ايضاً الأمان بالسيارات الكورية جداً سيئ ( اللي يوصل لنا ) , طبعاً بيقول البعض الوكالة تجيبها كذا ولا السيارات الكورية بباقي الدول امانها عالي ومدري ايش , انا متفق معك
لكن وش همني بالسيارات الكورية اللي بالدول الثانية ؟ احنا ما قاعدين تكلم عن نادي ونشجعه ونمدحة بس , صحيح ان الكوري بالدول الثانية امانها عالي لكن ما همني هالكلام ابداً همني اللي قاعد اشوفه قدامي واللي بستخدمه اذا شريت الكوري
للأسف الكوري عندنا سيئ جداً , تخيلو سيارة من هونداي فل كامل وايرباق واحد بس ؟ :/ والسيارة سيارة عائلية طبعاً !!
ادري ان برا الامان فيها ممتاز وست ايرباقات ومدري ايش لكن وش همني ببرا !
اهم شئ بسوقنا , لأن احنا نتكلم عن الكوري بسوقنا ما نتكلم عليه بكوريا ولا بأمريكا ولا نتكلم عن افكار وما الى ذلك , نتكلم عن حالة السيارة اللي جتنا فيها ..!

[the best one]

كلامك صحيح

[mr-hmod]

عني ياغلا اذا بقتني . . . ياباني غير الهوندا ماراح افكر وبعدها يمكن النيسان

اما الكوري/ / غير الكآدينزا((كيا)) . . . والجنسيس ((هونداي))ماراح افكر

لانها اعتقد افضضل شيء بسوق الكوري من ناحيت المكينه والعزل والجودهـ : )

والامريكي / / ماراح اركب غير جي ام سي او شفروليه #

بالاخير يبقى الكوري يتفوق على كل السياراة المذكورة بالفخامه فقطط

ملآحضة// اتكلم عن السياراة اللي بسعر المعقول مو احد يجي يقول وين راحت اللكزس والكادلك. . . الخ

[damar99]

السبب
لآن الكوري عنده سيارات كثيرة منافسة سواء جودة او سلامة او محرك !
مثلا الجينيسيس كوبيه v6
تنافس سيارات الكوبيه v6 بجدارة !
ومن افضل السيارات كوبيه داخلية بالعالم

الأزيرا

الفل فلل تقريبا راح تكون ب 125 ألف
8 ايرباقات
اضاءة داخلية
شكل جدا جميل
مساج تبريد تسخين مقاعد وسقف بانورامي وجدا فخمة السيارة رادار امامي و8 حساسات خلفي وامامي وانوار هالو امامية !


الجينيسيس السيدان ناخذ ال 6 سلندر منها
الفلل طبعا ب 165 الف
مساج تبريد تسخين مقاعد ورادار امامي واعتقد خلفي اوتو هولد بريك الكتروني و 3 كاميرات 1 خلفي و 2 امامي ودفع خلفي 300 حصان وايضا هيدروليك

وتقريبا بسعر الأفالون ! أين الأفالون من هالمواصفات

اعتقد يكفي هالـ3 أمثلة
مابي أدخل في السينتينيال واللكزس وو ....لآن حتى مافيه سيارة من كاديلاك تنافس السينتينيال


تحياتي

[XxTrooKxX]

بالنسبة للشعب السعودي

فراح يكون السبب التصعب للمظاهر وبسعر رخيص

معروف للأسف الشديد ان (بعض) الشعب السعودي الشاب يحب المظاهر والمنقهه
فتحصله يستأجر بانوراما واللا رنج روفر و يفرفر بها بالشوارع الفارهة وقدام اخوياه
واللا هو بالاساس مطفر مقطع أربع

وتحصل أغلب الاحيان يضبط سيارة من زينون وجنوط وتوصل لحد الزوايد الرياضية ويوصل التعديل لحد الدتسن والكرسيدا
بس عشان يمشي قدام الناس بمظهر للأهدافه وتفكيره

وبعض الاشخاص يقول انها هواية ,,,, وهي بالاساس في تفسيري الشخصي
هواية المظاهر وتتحول إلى تعصب

نرجع لمحور الحديث
الكوري الآن مجرد مظهر , جذب شعب يحب المظهر والتكنلوجيا الخداعة
ويا ليت وقفت على كذهــ....
الكوري يصدر لنا سيارات زبالة وانت بالكرامه , فتحصل السوناتا الامريكية غير السعودية
فالامريكي ملغم بوسائل السلامة عكس السعودي
لحد ان السوناتا السعودية مليانة بالمواصفات اللي أسميها خطيرة

ووصل التعصب في الامر ان اغلب الشعب يستهزئ باللي ياخذ سيارة آمنة مثل الفولفو وساب وطقتها

أما الان يمديك تمتلك (مو تستأجر) الكوري فيوفر لنا المظهر الخداع وبسعر رخيص (ومع ذلك السعر مبالغ فيه) فأكيد راح نتعصب له
واللا من متى للسيارات الكورية تاريخ أو أساسات عشان نتعصب لها......؟؟؟؟؟

ومضة الكوري أبدع في حاجة وحدهـ
السيارات الفارهة (سينتينيال - جينيسيس - K9) << يحق لآصحابها التعصب
واللا انا في ردي أقصد الازيرا وكادينزا وتحت

ومضة صغيرة ثانية
معي شفروليه كروز سيارة كورية من طقة 50 ألف ريال
على الاقل فيها مواصفات سلامة ما تتوفر في ام 70 ألف << ما أقصد السوناتا

والله يبعد عنا وعنكم كل مكروهــــ

[mr-hmod]

مافي مقارنه بين الجنسيس والافالون . . . صح نفس السعر
لاكن الجنسيس تتفوق ~

والكامري والسوناتا . . . شوف السوناتا كيف والكامري كيف !

واللكزس ماتصف جنب السنتنيال . . . ابدآ , , , شوف السعر والمواصفات : )

بس مافي مقارنه آبد آبد ~

[أبو عابــد]

أريد ان اعرف

انا حاولت احب االسيارات الكورية لكن للأسف ما قدرت
=========================================

الكل يحب الكوري مع انه لا جودة لا سلامة لا مواصفات غير اعتيادية

أريد ان اعرف سبب حبكم للكوري؟؟؟؟؟؟؟؟؟؟

اول شي اسعار رخيصه مقارنه بالمنافسين مع اني اشوف الاسعار ارتفعت

ثاني شي تصاميم عصريه جميله

اغلب قطع الغيار رخيصه

جودهـ تقدر تقول جيدهـ بس ماتوصل لجودة الياباني