أختـــــــــــــكم متورطه ساعدوني؟؟

[om sa]

السلام عليكم ورحمة الله
انا عندي مشكلة بسيارة طلعتها باسمي من تأجير ...ومالها 8 اشهر ...
اللي حصل سعر السيارة 81000 ودفعت دفعه 5000 ريال والقسط الشهري تمااام 1737
والسداد منتظم .........
انسرقت السيارة وطلعنا بلاغ بالتعويض واننا مالنا ذنب بالسرقه وجدوها بدون كفرات ولا لمبات فقط وتحملها التأمين وطلعها هلاك كلي ...... وارسل شيك للتأجير 70400ريال
رحت اطلع سيارة لقيت اسمي بالبلاك لست علي 9890 راجعت تاجير بالاول قالوا هذي اقساط متأخرة من شهر9 -10 -11 -12 علما بان السيارة انسرقت بشهر 9 وانا مسدده لشهر 8
ولما ناقشتهم قالوا لي بدل استهلاك وشو بدل استهلاك ..
راجعت عقدالتامين في بدل الاستهلاك 2% من كل شهر بس السيارة مسروقه ماعليها شي
وكل شوي يقولون شي ابي افهم لهم حق بصدق تورطت ولاادري وش الحل اللي عنده معلومه لايبخل...................

جعلها الله في ميزان حسناتكم والله انهم غريبين كيف يحسبوها لازم يدفعون الواحد مع العلم اني مارجعتها بكيفي

اختكم تبي رايكم...... وش رايكم يااهل الخبره

[موتر و سيارة]

بخصوص المبلغ اللي دفعتيه في شهر 8 ..

إذا كنتي تسددين عن طريق اقتطاع من راتبك من البناك ..

تقدرين تطلبين كشف حساب عن شهر 8 , وراح يبين إذا تم تحويل المبلغ عن القرض ..

وسيكون دليل قاطع أنهم أخذوا المبلغ وأنكِ سددتي ..

بخصوص التأمين .. يجب قراءة العقود جيداً واستيعاب ما فيها حتى لا سمح الله ذا فيه مشكلة تقدر على ضوء العقد تتصرف ..

2% عن الأستهلالك حسب العقد عن ماذا بالضبط // هل هو عن مجمل قيمة السيارة ؟ أم عن قيمة السداد الشهري ؟

إذا كان عن قيمة السيارة , فعن 81 ألف يكون 1620 درهم أو ريال , وهل 2% عن كل شهر ؟ أو عن مدة واحدة ؟

عموماً يجب عليكي مراجعة العقد اللي وقعتي عليه والتأكد من حقوقكِ وحقوق الشركة ..

لأن العقد شريطة المتعاقدين.

والله يوفقكِ

[O0salman0O]

والله يا اختي انا مره اخذت سياره عن طريق البنك و دفعت عليها قسط واحد بس و انسرقت من السواق .. راجعت الشرطه و خلصت الاوراق و كل شي والتامين عوض البنك مبلغ السياره كامل .. بالنهايه البنك اخذ علي قيمه القسط و اخذ نص الدفعه الاولى و بالاضافه الى قيمه السياره الكامله من البنك .. يعني اللي ابي اوصله لك .. ان لازم يطلعون لهم بـ شي علشان السياره ما تطلع عليهم بربح قليل .. وانتي حاولي تراجعين او تكتبين خطاب الى رئيس الشركه و بيني بالخطاب المبالغ اللي اندفعت للسياره من اقساط و الدفعه الاولى و قيمه الشيك اللي استلموه و قوليله يطيح عنك الاقساط لو على الاقل 5 او 6 اقساط بحيث تطلعين بأقل الخساير .. لان بالنهايه محد بيدخل بـ دوخه الراس الا انتي .. فـ اشتري راحه بالك و روحي للمدير العام مباشره ..

الله يوفقك و يرزقك سياره احسن من اللي عندك

[YaseeR]

هذي مشكلة شركات التأمين من امن العقوبة اساء الادب !!
حتى انظمتهم وشروطهم تكتب بطريقة كلها لف ودوران واحياناً الواحد يقرء الشروط ولاكن يخفى عليه ان المضمون المحتوي تندرج عليه اشياء اخرى

اعطيهم صورة من المحضر حق تقديم البلاغ وبيكون فيه مسجل تاريخ تقديم البلاغ حسب كلامك انتي تقولين انتم مبلغين في شهر 9 واخر سداد كان لك شهر 8
بالنسبة لسدادك مو ضروري يكون سواء استقطاع من الراتب او ايداع او حتى تسليم للفرع نفسه كلها المضمون واحد البنك الي انخصم منة المبلغ كل عملية موجودة عندهم وعلى اي حساب اودع المبلغ

[bo kaled]

المتعارف عليه

ان العقد ينتهي بحالة وفاة المستاجر او حدوث خسارة كلية للسيارة
هذا بند موجود في العقد
السيارة انسرفت بشهر ٨ وتم الابلاغ عنها
ووجدوها بعد ثلاث اشهر
واعتبرت خسارة كلية
ولكت التلف الفعلي للمركبة بداء بتاريخ السرقة
وليس بتاريخ وجود المركبة
هذه نقطة مهمة والوثائق الرسمية تثبت كلامك
ليس معهم حق ولكن بيني لهم النقطة الي ذكرتها فوق
بخطاب رسمي للشركة المؤجرة
وهذه سرقة واضحة من الشركة المؤجرة وليس شركة التامين

وفي نقطة ممكن تحاجين فيها البنك وتطلبين اصلاح السيارة بورشة حيث ان الضرر ليس بالكبير وان اسعار تلوكالة تؤثر سلبا علي

الله يعينك عليهم
والله كنا ابي اشتري سيارة عن طريق الاستاجار
بس من بعد العقد حقهم والظلم
رحت للبنك وسويت اعادة تمويل ارخص منهم

والمصيبة انهم يخلون المستأجر يدفع قيمة التامين للسيارة لمدة خمس سنوات او ثلاث بقيمة وكان السيارة جديدة بمعني
ان سعر السيارة بعد ٣ سنوات ينزل وكذلك قيمة التامين لانه مضروب بالنسبة
بس شركة التاجير او البنك يثبت سعر السيارة للمدة كاملة وخليك تدفعها
يعني نصب مع مرتبة شرف

الله يكون بعونك بس بهدليهم بالخطابات او الايميل
واشتكي علي مؤسسة النقد
بس انتي بالسعودية او بالامارات

[ابوعمار]

نصيحة لا احد يشترى سيارة بنظام التأجير بأختصار شديد البنوك حراميه وشركات
التأمين كلها حرامية ونظام مافي في البلد يحميك او ينصفك حتى مؤسسة النقد
تشتكي الين تدوخ وما راح تطلع بنتيجة ....
الله ينتفم منهم جميعاً نصبو عليا زييك ياأختى راح أخذ حقي منهم يوم القيامة ...حسبي الله ونعم الوكيل