بخصوص الكمارو والتشالنجر

[Hosainovic]

السلام عليكم ورحمة الله وبركاته

عندي واحد من الربع محتار بين الكمارو والتشالنجر
كمارو اذا كان لونها سلفر قويه
والتشالنجر اذا كانت زرقه وعليها خطين لونهم ابيض وايد قويه


قلتله شوف كل وحده منهم اي سنه بيتغير شكلها
ونبي مساعدتكم يالربع
الكمارو اي سنه يتغير شكلها سواء ss / rs
والتشالنجر سواء srt8 / rt

[GT Blue 5.0]

تشالنجر اللي تتكلم عليها
ازرق وخطين ابيض
او ابيض وخطين ازرق
تراها محدوده
ومخلصه

وده فديو عنها حتى يقول في بديه الفديو

Inaugural Edition




افتكر شفت وحده بالحراج في اميركا لونها ازرق وخطين ابيض نفس اللي في فديو وعارضها بي 50 الف دولار

الفرق انها تجيك داخليه لونها ابيض ومطرزه بالازرق
واللون ده مميز عليها
وجنوط تحسها شوي مكحله

................

بالنسبه للكمارو

لو تصبر على 2012 يقولو فيه تغييرات في داخليه حقتها

يعني زي تحسين الجوده ......

اتمنى اني افدتك

بايو

[Hosainovic]

اخوي عندنا بالكويت تقدر تطلبها طلبيه باللون الي ابيه ( التشالنجر )
واصدار 2012 للكمارو نزل عندنا والي متغير فيها بس السكان

[كومارو2011]

التشالنجر قبيح مدري وش يحبون فيه ! والله كان واقف جمبي وشفته من قريب. ما توقعته كذا !!! والكمارو يعيبها داخليتها سيئه ... من ناحيىة التغييرات والله مقدر افيدك

[شالنجرsrt8]

مرحبا يالغالي تسئل عن الكمارو وتشالنجر اقولك اممممم روح على طول على شركه دوج وتوكل على الله وخذها مارح تخسر يكفي انه ثقيل وقوه وشكل مرعب وانا اتكلم عن تجربه كان معي 2010 قير عادي استخدام الماني وبعته بعد بسعر زين والان معي 2011 لون اسود6.4والله موتر يشق الطريق شق خذه والقلب داعي لك

[GT Blue 5.0]

اخوي عندنا بالكويت تقدر تطلبها طلبيه باللون الي ابيه ( التشالنجر )
واصدار 2012 للكمارو نزل عندنا والي متغير فيها بس السكان

ادري حبيبي

بس اللون الازرق كان اصدار خاص وخلص

اغلب السيارات التشالنجر الللي بده اللون انباعت في اميركا

الالوان المتوفره حاليا

هيا

الاحمر
البرتقالي
الفضي
الاسود
الفسسفوري

واذا تبغى تشوف الالوان ده خش موقع دودج الرئيسي

وهذا الرابط

http://www.dodge.com/en/2011/challenger/index.html

[Road Lord]

التشالنجر اطلق بكثير خصوصا الشكل الجديد من 2011 وانت طالع مكينته 470 حصان

وثقيل وراسي واحسنهم في الشكل وهيبه واكثرهم كلاسيكيه وقربا للمسل القديم

صراحه أفضل المسلز الكار حاليا لو بنتكلم عن SRT8

[porsche fan]

^
بالفعل

التشالنجر من نضري شكلها افضل , شكلها شبابي وفخم بنفس الوقت ولها هيبه بالشارع
الكومارو تحس شكلها شبابي بحت , ما أدري كيف اوصل لك الفكرة اللي عندي , لكن التشالنجر تحسها سيارة رياضية وفخمة بنفس الوقت

بالاضافة انها اكثر كلاسيكية من الكومارو واجمل
والاهم ان داخليتها اريح وجودة المواد افضل


انصحه بالتشالنجر