السلام عليكم ورحمه الله وبركاته.


الرجاء القراءة الى النهايه الموضوع جدي ونحتاج اساميكم واليد الوحده ماتصفق حتى ولو لم تكن مهتم بالسيارات وبسباقات السيارات ..اسمك ينفعنا بعد الله عز وجل.

اخواني وحبايبي اعضاء منتدى السيارات.

بعد ماطفشنا من المخالفات وبعد ماشفنا الاتحاد السعودي لرياضة السيارات مهتم اكثر في الاوتو كروس والرالي..

قررنا ان نراسل الاتحاد السعودي على صفحتهم في الفيس بوك ونسأل ونطمن على اوضاع الحلبه اللي لها 4 سنوات واقفه ماحد تكلم عنها..
او انهم يوفرو لنا يطولات شهريه في اي شارع تختاره اللجنه المنظمه بعييد عن الزحمه..بعيد عن ازعااج العالم والدعاوي اللي بناكلها..

المهم تمت المراسله والحمد لله لقينا تجاوب من احد الاعضاء وطلب منا نجمع اكبر عدد ممكن من الاسامي ونرسلها في صوره خطاب لصاحب السمو الامير سلطان بن بندر الفيصل.

سوبنا صفحه على الفيس بوك لنشوف كم اسم نقدر نجمع..
وان شاء الله راح نحصل على اسماء ابطال في الاوتو كروس والدراق والرالي كمان علشان ندعم الخطاب صح.

بعدها ان شاء الله راح ننتقل للخطوه الثانيه وهي ارسال الخطاب وارفاقه باسمائنا.


**
للمعلوميه كان فيه حمله قديمه قبل كذا ومازبطت لان مجموع الاسامي على حد علمي انه ماتعدى 300 اسم..**

المهم الحلبه توقفت بسبب الديون او بالاصح توقفت وهي بتتم التعديلات اللي تخولها للانضمام الى الحلبات الدوليه FIA ..

ياشباب الله يخليكم نبغى تفاعل في الموضوع هذا مع العلم انو في اكثر من منتدى راح ينزل فيها الموضوع هذا وان شاء الله راح تتم على خير.

كل اللي احتاجه منكم جمع اكبر عدد ممكن من الاسماء سواء من المنتدى او خارج المنتدى ووضعها في صفحه الحمله في الفيس بوك (( الاسم لازم يكون ثلاثي))

الرابط :


JEDDAH RACE WAY


اخوكم في الله سامي الزهراني.

والسلام عليكم ورحمه الله وبركاته.