مـــــســـــــــاعده عاجله

[عاشق الفراااري]

السلام عليكم يا جماعه انا اخوكم من الكويت وحاب اشتري فراري 599 gto
او 458 شنو تنصحوني فيه اشتريها من وين من ايطاليا او من دول الخليج
جديده او استعمال خفيف شرط تكون 2011
اذا في احد يقدر يساعدني بهالموضوع اكون شاكر له واعطيه دوره بالسياره

[عاشق الفراااري]

فيدونا up

[SUPERCHARGED]

اشترها عن طريق الوكاله بحيث لاقدر الله اشتعلت ولا شي
الوكاله تتحمل لان اذكر كم واحد احترقت عليه الفيراري 458 italia بسبب عيب مصنعي او شي مشابه والشركه الام عوضتهم

موفق اخي الكريم

[عاشق الفراااري]

مشكور بس حبيت اسألك ما تنصحني اشتريها من المكتب وما تدري جم سعرها اذا انا اشتريتها من الوكيل شلون اخذها وجم الشحن الله يخليك اذا عرفت سعرها احسبلياها بالكويتي جم يطلع سعرها السياره طبعا

[B A N D A R]

أكيد الأفضل انك تأخذها من الوكيل عشان الضمان والصيانة وإلى ذلك ...

=========

الـ gto 599 تعتبر أعلى فئة من الـ italia 458 .
محرك الـ italia من 8 سلندرات 4.5 لتر بـ 570 حصان وقير 7 سرعات .
محرك الـ GTO 599 من 12 سلندر 6 لتر بـ 670 حصان وقير 6 سرعات .

=========

الـ italia الصراحة أنا أشوفها أجمل من الـ GTO وشكل أجدد و أقل وسعر ( يبدأ من 860 ألف ريال تقريباً ) وكذلك تتميز أن محركها يأتي خلفي وهذهـ ميزة أشوفها تعطي هيبة أكثر للسيارة .


الـ GTO تتميز بـ إنها أقوى أحصنة وأوسع داخلياً وكذلك تتميز بـ وجود المساحة اللي خلف السائق والراكب وهذا بـ سبب أن المحرك يأتي بالأمام وكذلك تتميز بـ إنها أكبر من الخارج ومرتفعة عن الأرض أكثر وسعرها أعلى بـ حدود المليون و450 ألف ريال , حتى لو قلنا الفيراري GTB برضه هي سعرها أعلى من الإيتاليا سعرها يوصل لـ مليون و 200 ألف ريال تقريباً !!

=======

راييء الشخصي // أفضل أنك تأخذ الإيتاليا وتوفر باقي المبلغ .

( إذا ما يهمك توفير المبلغ ) /

أفضل أنك تأخذ الـ لمبورغيني أفينتادور على الـ GTO ..

الأفينتادور تعتبر أفضل منها شكل وقوة ( 700 حصان ) !

وبالتوفيق لك .....

[عاشق الفراااري]

مشكور يالطيب بس حبيت اسألك 458فل اوبشن جم عندكم بسعوديه في الكويت عندنا فل ابشن 85 الف د.ك اصفار جم عندكم

[عاشق الفراااري]

السلام عليكم اخوي بندر ما رديت علي

[B A N D A R]

عليكم السلام ورحمة الله وبركاته .
عذراً أخوي عـ التأخير , بس حبيت اتأكد لك أكثر .

الفيراري إيتاليا 458 حالياً موديلات 2011 الجديدة زاد سعرها ..
860 ألف ريال هذا الكلام قبل أكثر من شهر لما سألت عنها ..

حالياً صار سعرها يبدأ من 924 ألف ريال لـ أقل مواصفات , وطبعاً غير موجودة بـ الوكالة هذه الفئة لكن تجي بـ الطلب من المصنع ..

الموجود حالياً والمعروضة للبيع عندهم بـ الوكالة إيتاليا 458 موديل 2011 صفراء ومن الداخل أسود بـ مواصفات متوسطة وكربون فايبر سعرها بـ حدود مليون 300 ألف ريال سعودي ..

مع العلم أن سعرها قد يوصل للمليون و 500 ألف ريال سعودي لـ أعلى فئة ..

طبعاً الإختلافات بين الفئات حسب كلام الموظف يكون بـ الأوبشن بـ الإضافة إلى كمية الكربون فايبر المستخدم على الأجزاء الداخلية والخارجية وإختلاف تطريز المقاعد والجنوط .. ألخ هذا كل يزيد من السعر ..

هذهـ صور لـ إيتاليا بدون كربون فايبر بالداخل وتطريز مقاعد مختلف :

http://www.cars.com/go/search/detail...c&aff=national

وهذه صور لـ إيتاليا مع كربون فيبر وجنوط مختلفة ومقاعد بـ تطريز مختلف .. ألخ :

http://www.cars.com/go/search/detail...c&aff=national

ويفضل أنك تزور الوكالة حتى تعرف عن الإختلافات أكثر ...

تحياتي لك ,,,,