إقتراحاتكم لسيارة تردد .. حلوة .. عملية .. رخيصه ..

[خط القصيم]

بسم الله الرحمن الرحيم

السلام عليكم ورحمة الله وبركاته

صباح / مساء الخير للجميع

- - -

أحبتي أعضاء منتدى السيارات

كنت زائر دائم لمنتداكم

وهاقد حانت الفرصة للإنضمام إلى كوكبتكم

- - -

قريب إن شاء الله ( أسبوع أسبوعين ) راح أشتري سيارة

أحب أستشيركم وش أشتري ..؟!

أهم شي يكون السعر معقول

أفضل مايتعدى المائة ألف ( 100.000 SR )

أول شي السيارة بشتريها - بوقفها بالشمس -

بس راح أستخدمها طريق من القصيم إلى الرياض والعكس

( يوم الأربعاء الظهر والخميس والجمعه المغرب )

أهم شي السيارة تصبر ثلاث سنوات

أتمنى مايجي أحد يقولي مستعمل - مستحيل -
أتمنى غير شركة تويوتا - إكسبت الأوريون ، ممكن يكون لها لفت نظر -
يهمني الشكل قطع الغيار تكون رخيصه
يهمنى الوكيل تكون خدمته كويسه - مع إني أتوقع إن هذا صعب -
يهمنى الأمان فيها الرساوه القوة

من الخيارات الي أفكر فيها ( ما أعرف ميزاتها كلها أو مواصفاتها ) :

1/ سوناتا . أفكر فيها بقوة .
2/ أزيرا .
3/ كابريس .
4/ لومينا .
5/ ممكن أوريون .

أتمنى تعطونني إقتراحات وسبب إختياركم
أو إزالة من اللي أنا مقترح والسبب

ولكم مني كل شكر وتقدير

لا أستطيع الدخول إلا في الويك إند

[ALTIMALOVER]

و عليكمـ السلامـ و رحمة الله و بركاته :
السيارات اللي انت قلت عليها كلها زينة و تنفع للخطوط لكن نصيحة قبل لا تحط 100000 في السيارة و تكتشف إنها ما تناسبك أنا انصحك تستأجرها و تجرب لو حتى بس يوم واحد
أنا تعجبني السوناتا كشكل خارجي و داخلي و لكن ما ارتحت لركوبها يعني حسيت فيها شيء غريب ماني عارف كيف اوصفه لك, لكن الصراحة إنه ماعجبني. الأزيرا حلوة خصوصاً إذا انك بتآخذ الشكل الجديد لكن وش عيوبها ما احد يدري و الصراحة ما ودي انصحك بالدفعة الاولى, بالنسبة للأوريون هي زينة بس داخليتها نفس الكامري.
و اللومينا و الكابرس أنا للأسف ما عندي خبرة فيها و للأسف ما اقدر افيدكـ فيها.

و بما انك تمسك خطوط ليه ما تشوف الفورد ملك الخطوط قطعها رخيصة و متوفرة بكل مكان و ممتازة بالمدن و الخطوط و شكلها جميل جداً و خراباتها نادرة جداً.

[قاقا]

بالخطوط لاتدور غير الفورد
1- فورد تورس
2- كرلون فكتوريا

[الملك الزاهد]

فورد توروس نص فل

[Road Lord]

الفورد تورس خيار جدا ممتاز

[yaser9999]

كابرس
فورد فكتوريا او ماركيز
فورد تورس