حســــافة يا شبــاب على الكــابرس

[خالد الحرر]

السلام عليكم

حسافة على الكابرس والله ياشباب
اليوم رحت الوكاله وياريتني مارحت ولا طبيتها
اول ما شفتها ((الكابرس )) قلت وش هالسيارة الحلوة مسكته مرة لكني قربت الا وش اشوف
لا لا لا هذه الكابرس ما اصدق وين الكابرس الحلوه صارت كذا

مثلا من بره تمشي الحال لكن من داخل هذه سياره يابانيه مش سيارة امريكيه ((استراليه ))
الكابرس اول من الداخل وسيعه مره يعني بين المقعد الامامي والمقعد الخلفي ساحة ملعب
اما الجديدة صارت ضيقة
الكابرس اول المقعد الخلفي يتسع لثلاثة ركاب وهم في غاية الراحة حتى يمكن انك تجلس اربعة ركاب بعد
اما الجديدة فيا دوب ثلاثة ركاب لا وكل واحد يبغي يبعد من الثاني من الحرارة الي خبركم
الفرامل اليدويه لم يجدوا لها حل يعني ما زالت بجنب الراكب الامامي
المقعد الامامي الله لا يوريك قعدت عليه كاني قاعد على سرج حصان ولا كنها سيارة فخمه يعني المقعد والله من جد ضيق مره ما تاخذ راحتك فيه تحس انك تتقلب فيه ما تاخذ راحتك
والي جنب السائق تحس كانه طالع الى قدام يعني لا قدر الله انت مسكت ابريك اعرف ان الراكب الي جنبك راح فيها وضرب وجهه الزجاج الامامي وهذا اذا ما راح على الكبوت
لا وازيدكم من الشعر بيت ترى الكابرس الجديدة ما فيها مسجل يعني ما في الاسيدي يعني لو كنت في بر او في خط بعيد وحبيت انك تسمع شي من وين بتدور محطة تبيع سيدي خخخخخخ
او انك مركب واحد من الشباب وقال لك انه منزل اغاني جديده من الانترنت ما نزلت في السوق وذا ما عنده ناسخ اسطوانات من وين بتسمعها بتقول له خلنا نركب سيارة ابوك علشان نسمع الطرب الاصيل خخخخخ
لا والسعر خيالي مره 105000 شدعو الي يسمعكم هذي سياره المانيه او لكزس الحجم الصغير

لا والله من جد يا شباب الكابرس اعفسوه عفاس
الله ينتقم من شركة هـــــــــولـدن
الي سوت كذا
انا الحين متحسف قد شعر راسي اني ما شريت 2003
بس لن ايأس بدور في كل الوكالات يمكن احصل وحده خاشينها



شباب سامحوني اني طولت عليكم وسامحوني على الاستهبال لاني شفت شي يفقع المراره و لوعرف السبب بطل العجب ما ادري صح المثل الي قلته

وعلى العموم يا شباب هذا رأي شخصي يعني يمكن السيارة تعجبكم وانا مش فارض رأي عليكم انتم روحوا شوفوها يمكن انها تعجبكم ويمكن انها ما تعجبكم
ويمكن اني اول مره اشوفها وما بعد تعجبني

سامحوني شباب على الاطاله والسلام ختام

[ام حديجان]

اسمحلي ياخوي خالد

ان موضوع كلامه كثيير بدون فائدة

يعني انا مافهمت وش تبغى .. ما فهمت الا حسافه ولالا ما اصدق وش الهرجه

[**أبو عنتر**]

والله انك صاااادق


ومشكووووووووووووووور

[أكـورد]

أخوي هولدن والي تسوية لعبت بالسيارات لعب الشي الحلو قلبته خايس ماادري وش السياسة الي عندهم أظنهم إلى الأسوا

[عاشق max]

اخوي لازم تشتري كابرس ياخي اشتر هوندا او مكسيما او لومينا او كراون فكتوريا

[أبو يوسف]

.................................................. ...........................
اخوي لازم تشتري كابرس ياخي اشتر هوندا او مكسيما او لومينا او كراون فكتوريا
.................................................. ..........................

[خالد الحرر]

اخوي ((ام حديجان ))
واخوي ((ابو عنتر ))

اقول اللبيب بالاشارة يفهم

انا قاعد افضفض الي بداخلي بعد ما شفت التشويه الداخلي للكابرس الجديد
وش فيك زعلان الله يرضالي عليك

اخوي عاشق واخوي ابو يوسف انا احب الكابرس لكن شركة هولدن عفستها

الف شكر لك اخوي ميوزراتي على شعورك

ولا تزعلون مني ياشباب لاني اريد مؤيدين لي في الموضوع

والف شكر على ردودكم

[بـsssــــررريد]

ن الكابرس الجديده غير مريحة من الداخل حتى المقاعد نفسها الكابرس 2003
احسن من الشكل و الداخل .......الخ
ان الآنوار الخلفية ليست اجمل من ال2003 اما انوار 2004 جميلةمن الامام
ولكن و ان الكابرس الجديده 2004 تختلف بالوساع الداخلي وهي مثل اللومينا
الجديده ولكن اللومينا اجمل من الكابرس
و التغيرات من الخارج اللانوار الامامية والخلفية اما من الداخل من المقدمة مثل المسجل الخ..........
ومن الخلف فالمقاعد نفسها و الكابرس الجديده مثل اللومينا الجديده
وشكرا
تحيـــــــــــــــــــــــــــــــــــات بررريد