قناة السيارات
اخواني اصحاب الفوردات فقط !!
تحية طيبه وبعد
حبيت اطرح لسعادتكم ماذا اكتشفت عن راس الكينه للفورد كراند ماركيز 2002
بعد ان كتب الله لي بشراء فورد كراند ماركيز 2002 سعودي ومن غير ان افحصة كمبيوتر فحصته بنفسي واكتشفت ان فيه عيبين فقط وهي :
1// تفتفه خفيفه وانا واقف
2// تفتفه خفيفه جدا وانا امشي ويكتب اذا دعستله ..
ولن اذكر الاسباب واتركها لخبراتكم وراح اذكر السبب بعد ما اشوف من اللي له خبرة والا لا..
اما قصتي مع راس المكينة فهي انني سافرت من ابها الى نجران ثم الى الرياض لزيارة الولد لأنه مريض حيل ادهوله بالشفاء تكفو .. والحقيقة الفورد بيض الله وجه كان 100% معي الين ماوصلت الى الان مافيه مشاكل ..
وعند عودتي وقبل ما اوصل نجران ب 250 كيلو ولعت لمبة ( اتشك انجن ) والله كان عندي عادي لكن اخوي كان معي وعنده خبرة بالفورد
فقال اخي ؟ ليش ولعت
قلت له ! عادي كل الفوردات كذا
قالي اخي ! غير صحيح كانت طافية معاك من جدة الى ابها ومن ابها لرياض وعند العودة اشتغلت
فسألني .. متى غيرت الزيت اخر مره ؟؟
فقلت له ... في جده اي قبل ما اسافر ابها بنص ساعة يعني في المعارض مع السيفون ونوع الزيت ( سوبر جي تي 20/50 ) مع زيت القير نوعه ( موتور كرافت مع الفلتر )
قال لي .. وسافرت من جدة الى ابها
قلت ..صحيح قال لي .. ومن ابها الى نجران ومن نجران الى الرياض وخط العودة من الرياض الى نجران .
قال وهو معصب ومستحقرني .... ليش ما غيرت في الرياض قبل العودة ..
قلت له .. ياخي عادي يمشي معي الزيت 5000كيلو
قال لي .. احسب من جدة ..
حسبناها كتالي من جدة الى ابها 550كيلو من ابها الى نجران 350 كيلو من نجران لرياض 1000كيلو وداخل الرياض 500كيلو من الرياض الى نجران 1000كيلو المجموع = 3400 كيلو بنفس الزيت لكن البناشر يقولون 5000كيلو
قال... الزيوت ماتمشي في الفورد ال 3000كيلو يعني اللمبه ما اشتغلت عبث وقال لي الله يستر لا تجوب الكينه معك وحقها 4000 الى 5000 ريال لكن الحمدلله ماجاه شيء
واول ما وصلت نجران غيرت الزيت والسيفون بزيت ( gtx 10/30 ) ورجعت ابها
وبعد 24 ساعة من وصولي ابها جوابت معي راس المكينه اليمين فقط
وتبدا رحلة البحث عن راس المكينه 2002 فورد ..وراح اكتبها في نقاط لتبديد الاطاله عليكم وملل القراءة .........
1/ يومين في التشاليح بحثاً عنها ...
2/ في تشليح وادي بن هشبل وابها لم اجد طلبي
3/ على كثرة رؤؤس المكاين الا ان 3 طلعت تعبانه والاخرى مايطابق الي عندي ..
4/ سبب عدم المطابقة ؛؛
اولا / راس مكينة 2000 و 99 و 98 مايطابق
ثانيا / التشاليح السودانيين والهنود مره يقولون الموديل 2002 ومره يقولون 2000 وعرفت ان ماعندهم سالفه لأنهم يفكون مكاين الرجيع وينسون موديل المكينه وكل شوي مرجع واحد والله صار عندي خبرة اكثر منهم وعرفت اساميهم عل كثر ما اجيهم .
ثالثا/ غطا راس المكينه لكل فورد عليه استيكر في رقم المكينه وموديله وانا الوحيد في اكثر من 200محل تشليح اللي لاحظت ذلك واتصلت بالمكانيكي وطابت منه يعطيني الموديل لكن قسم بالله جابلي انواع الامراض مره مايعرف انكليزي ومره يعطيني رقم المكينه ومره يقفل جواله او نايم ( شكل ماعنده غير سيارتي ) والله ياني هزاته تهزيء على كيفكم وللمعلومية سوري واسمه ابو الحسن واسم الورشه في ابها الاصاله واطلع للورشه بنفسي على مسافة 40 كيلو وصلت للورشه ورحت للغطا الراس وكان موديله 2002 ورجعت لتشليح وانا متأكد من الموديل وهنا تكمن المفاجأه ...
رابعا/ موديلات 2002 والله انها ميطابق اللي معي او ان المشليحين ماهم تاكدين من موديلات سياراتهم
خامسا / كل موديلات 2002 غير متوفر واللي عنده طلبي يقلي 2000ريال و1000ريال وما تدري يمكن تضيع ساعتين فك وفي الاخير خربان وعندها جتني سبيكه في راسي ..
سادسا/ فقد الامل .. وانا راجع للورشه اجر اذيال الخيبه وراي فكرت في المخارط فريتهم واحد واحد مافيه امل كلها 2000 / 98 وفريت 8ساعات على الورش واخيرا وليس اخراً لقيته وطلعت موديل اللي يطابق سيارتي هو .....2003 والى الان ماني مصدق ليش اقولكم ليش ....
كل قطع الغيار والميكانيكيين والتشاليح يقولون 2001 الى 2002 لحاله و 2003 الى 2007 يجي غير 98 الى 2000 تجي غير لكن ليش ركب عندي وكان الفرق فيها هو ...... اتركه لكم تقولون لي وش الفرق في رؤؤس المكينة في المدويلات من 98 الى 2009...
المهم تاريخ استلام سيارتي من الميكانيكي يوم السبت 18/4/1431 والله اني عايش لحضات رعب من النتيجه..... واعذروني على الاطاله ولكن والله كنت محتاج افطفط عن نفسي واشوف هل من معتبر
والسلام خير ختام
انتضروني اقدم لكم قريبا اسعار طقم الوجيه واسعارها المتفاوته وجوتتها ودور المخارط في صيانة الروس
رد مع اقتباس
المشاركة الأصلية كتبت بواسطة hayoulek
