النترا (2.0) 2010 (صور ونصيحة للي ناوي النترا)

**ابو غانم** · 21-02-2010, 01:39 AM

السلام عليكم ورحمة الله وبركاته

أخواني كثرت التساؤلات حول الالنترا .. انا راح اشرح لكم النوعية اللي اخذها ولد عمتي وانا معه ..
اما الفل مادري عنه ولا اقدر افصل لكم فيه واتوقع سعره من 47 الى 49 الف ..

اختار هو 2.0 الزموه باللون الابيض والقير عادي .. وتكون سياحية .. طيس - بدون ريموت - بدون فتحة سقف ..

داخلية سوداء مع رصاصي - مسجل سيدي - وطبلون ازرق ..
- القزاز كهرباء .. وفيه زرار يرفع وينزل
النور .. بالاضافة المسجل فيه بلوتوث ..

وهنا يبان الطبلون الازرق ..

انا ركبت معه وسقت السيارة شخصيا مع اني فاشل في القير العادي لكن السيارة كانت مريحة جدا ماشاء الله .. وما قدرت اسرع فيها كون انها توها وكالة ولكن من قومتها باين عليها تميز مكينتها ..

بحثت ولقيت لها مقطع مقاومة مع التيما ..

وهذا مقطع وهي نازلة عن طبلونها ما شاء الله :

طبعا الشنطة زي ما انتوا عارفين استبنة وداخل الاستبنة عدة وبجانبها العفريتة وطفاية حريق .. بالاضافة الى مقياس اطارات ..

السيارة قعد يستناها قرابة 3 ايام ..

وكالة الوعلان بطريق خريص مخرج 13 ..

وهذا كروكي للموقع :

http://wikimapia.org/4829219/ar/%D9%...84%D8%A7%D9%86

مع الخصومات والتنزيلات اللي جته صارت السيارة بمبلغ 41600 ريال ..

طبعا ولد عمتي يبي يسوي لها حركات فراح الغرابي يسال عن جنوطها حصلها بـ600 ريال ..

وحساسات خلفية مع الجهاز من الوكالة بـ600 ريال تقريبا ..

انا انصحك بهذا النوع للآتي :-

- مكينة قوية ..

- تدفع 1200 وتركب جنوط وحساسات وبكذا تصير سيارتك نص فل ..

اتمنى لكم التوفيق واتمنى اني افدتكم بتجربتي مع ولد عمتي ..

ما كنت اشوف السيارات الكورية شي .. بس فعلا اثبتت وجودها ..

اي استفسار انا حاضر ..

**KhaledALZahrani** · 21-02-2010, 06:27 AM

وعليكم السلام ورحمة الله وبركاته

الله يعطيه خيرها ويكفيك شرها ...

بالنسبة للون اعتقد الابيض متوفر ويقدر الموظف يعطيك عليه خصم...لأن السعر ممتاز مره

انا سألت عند الوعلان عن 2010 قير عايدي 2.0 بـ45 الف

و 2009 41.500 ريال مع توفر الوان خارجي وداخلي مختلفة

يعطيك العافية على الموضوع وياليت تتأكد من روابط اليوتيوب لأنها لم تظهر

بالتوفيق