فورد 2008 ستاندر سعودي حصلته ! لكن سعره هل هو فيه ؟؟؟شريته بـــــ::

[عاشق الأسمر]

السلام عليكم ::

بعد معاناة من البحث عن سيارة فورد 2008 ستاندر حصلته في معارض الرياض

وحصلت 5 سيارات وحطيت العين عليهن ...

المهم ممشاهن فوق ال55 الف .. 4 منهن محدودات ب62 والخامسة حدها 65 الف

لكن مااضمن هل العداد موقف وهل جايهن صدمات ولا رش ؟؟؟

المهم دقيت على الوالد وقال لقيت لك 2008 فضي وداخليه بيج مع شايب وماشي

24 الف حاده ب68 الف ...والشايب معروف ولا يسوقه الا هو .. وش رايكم

اشريه وانا مرتاح ولا ارروح لحقات المعارض ؟؟؟ انتظر ردكم الله يوفقكم ..

[الفاهم2100]

من وجهة نظري الفورد الي ب68 ممشاه قليل ولايعتبر شيء بس تأكد ان السيارة ماجاه حوادث والله يعطيك خيرها ويكفيك شرها

[عاشق الأسمر]

اشكرك على ردك والله يعطيك العافية ... وشكلي بشتري حق الشايب ...

شكرا لاهتمامك ..

[تاون كار2005]

مرحبا أخوي

أذا سيارة الشايب وارد سعودي وعاجبك اللون توكل على الله وخذه

أما أذا أمريكي وحاله حال السيارات 5 الي شفتهن في المعارض

فا هينا اقولك وقف وتشرط باللون وبنسبة لصدمات أو الرشه
أو ممشاها
خذ رقم الشاصي حق السيارة الي عجبتك لونها
وادخل على الموقع العربي واخذ تقرير كامل ومفصل عن حالت
السيارة بأمريكا حتى الممشه يطلعونه لك أنا مجرب هذا الموقع
وموثوق فيه والتقرير 25 ريال تحوله عن طريق بنك الراجحي
ويوصلك التقرير بأميلك بالعربي بأقل من 24 ساعة
http://www.arabvin.info/index.htm

[ابـو الـخـل]

السياره سعوديه ولا امريكيه

كانها سعوديه تستاهل

وكانها امريكيه فهي غاليه شوي

[بي تي كروزر]

خذ الفورد السعودي افضل
ترا موصفات للحر عندنا في تكييف خلف والمكينه ابرد من الامريكي

[عاشق الأسمر]

الله يجزاكم خير والسيارات كلهن نوعهن كراون فكتوريا ستاندر سعودي,,

والظاهر جزمت على حقت الشايب ...الله يعطيكم العافية ...

[تاون كار2005]

بالتوفيق أخوي
والله يعطيك خيرها ويكفيك شرها