ياشباب انا معي فيكتوريا 2009 مشت 2000 كيلو
قبل يومين حكيت بالرصيف بالكفر الخلفي يمين
واليوم احس السياره تحذف يمين هل اوديها للبنشر يشيكون عالكفرات ولا ميزان العضيب
ولا الوكاله لازم وكالة خريص؟ وهل فيه اوراق لازم تكون معي؟
قناة السيارات
ياشباب انا معي فيكتوريا 2009 مشت 2000 كيلو
قبل يومين حكيت بالرصيف بالكفر الخلفي يمين
واليوم احس السياره تحذف يمين هل اوديها للبنشر يشيكون عالكفرات ولا ميزان العضيب
ولا الوكاله لازم وكالة خريص؟ وهل فيه اوراق لازم تكون معي؟
الحكه بسيطه
وديها لاقرب محل ميزان
ويسوي لك وزن للاذرعه والمقصات والدركسون واي شي يحتاج للوزن
اذا كانت تحتاج لذلك
شوف يا أخي
إذا كانت هالحكه بسيطه ما أعتقد أنها بتسبب هالحذفه ،
أحيانا تحس إن السياره تحذف يمين أو يسار بسبب تموج الطريق و هذي لاحظتها بسيارتي ، و علشان تتأكد امش بالسياره في طريق مستوي تماما و بسرعه من 100 إلى 120 و أترك الدركسيون شوي و لاحظ إذا فيه حذفه أو لا .
و لاحظ شي مهم أنه لازم تكون الحذفه واضحه و قويه يعني مو خفيفه لان اي ميلان بالسياره راح تقول انها تحذف لان عندك شك بسبب حكه الرصيف .
إذا طلع عندك حذفه قويه أنصحك روح لمحلات وكالات الكفرات اللي عندهم أجهزه و عماله جيده مثل القوديير الخدمه عندهم أفضل و لا تروح عند بنشري .
بالتوفيق
وديته لميزان العضيب قالولي بتكلف 280 ريال
واخوي يقول لي الدركسون بيصير فاضي التحكم يصير مب زي الوكاله
اخ solid
هل الحذفه اللي عندك قويه يعني تلاحظها أو تحسها بقوه ؟
أقصد مو ميلان خفيف
والله الحذفه يمين كانت قويه
وديتها ميزان العضيب صلحوها ب280 انشاء الله انها تمام
بس احسها فيها حذفه خفيفه يسار
على كل حال
دام إنك وديتها عند الورشه زين ما سويت ، لكن أنا ما أعرف عن العضيب شي .
عاده أنا أروح عند قوديير لأن عندهم عماله فلبينيه ممتازه و عندك التميمي و كيل الفايرستون طبعا في الشرقيه .
على فكره مثل هذي الأعطال اللي تتعلق بالكفرات أو وزن الأذرعه بعض الوكالات ترسل السيارت عند ورش في الصناعيه يعني ما تصلح في داخل الوكاله .
إذا كانت الحذفه مثل ما تقول خفيفه فيمكن يكون الطريق اللي جتك الحذفه فيه متموج فتحس ان السياره تحذف و المشكله في الطريق مو من السياره ، مثل ما قلت لك شف لك طريق مسفلت جديد و متساوي يعني مافيه ميلان إذا لاحظت حذفه شديده و بينه وقتها تحتاج و زنيه أو أن الوزنيه ما ضبطت .
طبعا إذا كانت تحذف بقوه بيتأكل عندك الكفر بسرعه ، يعني بتلاحظ بعد فتره أن الكفر ممسوح من جنب واحد .
بالتوفيق و عل البركه الموتر الجديد
