التأجير من البنك الاهلي والمتحده للتأمين

[عابد-]

*
*
*

اولا مبروك عليكم الشهر وكل عام وانتم بالف خير والله يعيننا ويتقبل منا جميعا الصيام والقيام
وثانيا:
رايكم ومشورتكم يالغالين خصوصا المجربين والمتعاملين مع البنك الاهلي والمتحده للتأمين التابعه لشركة عبد اللطيف جميلايهما افضل من ناحية
- نسبة الفائده
- التعامل
-سرعة التمليك بعد انتها مدة التأجير
اخوكم ناوي على سياره وبالتحديد من تويوتا ولاني عارف احد يقول البنك الاهلي افضل واقل فائده واحد يقول المتحده

[mak mak]

البنك الاهلي على حسب ما اسمع فهم الافضل

نسبتهم قليله تقريبا 10 %
ماعندهم اسلوب شركة عبداللطيف اذا تأخر قسط ماتدري الا سيارتك مسحوبه وانا اعتبره هذا الاهم يعني لو انزنق الواحد شهر يطلع الصبح مايلقى سيارته اما البنك الاهلي على حسب ما اسمع من الشباب يقولون نتأخر بالشهر والشهرين والثلاثه ونراضيهم بمكالمة تلفون ويصبرون علينا ونسددهم مره وحده ويعرفونا

وانت ايضا لف وشوف فيه متاجر ومتاجره ايضا يقسطون وهذا افضل من التأجير

[عابد-]

البنك الاهلي على حسب ما اسمع فهم الافضل

نسبتهم قليله تقريبا 10 %
ماعندهم اسلوب شركة عبداللطيف اذا تأخر قسط ماتدري الا سيارتك مسحوبه وانا اعتبره هذا الاهم يعني لو انزنق الواحد شهر يطلع الصبح مايلقى سيارته اما البنك الاهلي على حسب ما اسمع من الشباب يقولون نتأخر بالشهر والشهرين والثلاثه ونراضيهم بمكالمة تلفون ويصبرون علينا ونسددهم مره وحده ويعرفونا

وانت ايضا لف وشوف فيه متاجر ومتاجره ايضا يقسطون وهذا افضل من التأجير

يعطيك العافيه يا mak mak ما قصرت وشكرا على تجاوبك والحقيقه فعلا البنك الاهلي حسب ما تبين لي انه هو الافضل ولكن من الناحيه الشرعيه الله اعلم لانه ما يملك السياره الا بعد ما تقوع معهم العقد يقوم يشتريها على نيتك انت يالمستاجر والمعامله ننتظر يفيدونا الاخوان المجربين ان شاء الله

[ياسر المالكي]

هذا الي يضيق الصدر في الاهلي

فسخ عقد التأجير
يحق للعميل فسخ عقد التأجير (إعادة السيارة) في أي وقت خلال فترة التأجير. وفي هذه الحالة فإن العميل سيكون مطالب بدفع جميع المبالغ المتأخرة والمستحقة علية حتي تاريخ فسخ العقد بالإضافة إلى مبلغ تعويض للبنك جراء إنهاء هذا العقد ويكون علي النحو التالي:

• في السنة الأولى: يجب على العميل دفع مبلغ يعادل أجرة أربعة أشهر.
• في السنة الثانية: يجب على العميل دفع مبلغ يعادل أجرة ثلاثة أشهر.
• في السنة الثالثة: يجب على العميل بدفع مبلغ يعادل أجرة شهرين.
• في السنة الرابعة أو الخامسة: لا يجب على العميل دفع أية مبالغ خاصة بالأجرة الشهرية

بالإضافة إلى المبالغ أعلاه: ستتم مطالبة العميل بكافة التكاليف المتعلقة بحالة السيارة وعداد الكيلومترات بناء على تقييم البنك للسيارة وقت التسليم.

[الديموقراط]

البنك


ولا ابو جميل

[keanureeves676]

شوف بنك الراجحي أو البلاد ، أفضل لك .
بالنسبه لأبو جميل هم أصلاً ينصحونك ، ويقولون البنك أوفر لك و أحسن .
لأن البنك يدفع لهم كاش و يرتاحون من العميل و مطاردته و البهذله اللي تجيهم من بعض العملاء اللي مايخافون الله .

[عابد-]

الله يعطيكم العافيه الجميع واللي انا شايفه بعد رايكم وشوركم ان البنك ارحم من ابو جميل واما سالفة انها العقد من طرف العميل فانا مالي نيه ابد انهي العقد انا ابي اشري سياره لي وللزمن وابي ادفع لهم دفعه اكثر من نص قيمة السياره وابي اقلص مدة العقد الى سنتين او ثلاث بالكثير وافتك منهم في اقرب فرصه