قناة السيارات
السلام عليكم ورحمة الله وبركاته
اخواني مكيف الكابرس ls يجي عادي وبدون شاشة والمسجل حقه غير
اقدر اغير المسجل والمكيف اخليه الكتروني واركب الشاشة مثل الـ LTZ ؟
اذا كنت اقدر علطول او يبغا لها ترهيم وواحد فنان ؟ وكم تكلف
ومكينة الـ LS نفسها مكينة LTZ ؟ طبعا 8 سلندر
السيارة موديل 2004
والله يبي لها شغلة وعوار راس
لكن اغلب الي معاهم ال اس اعرفهم مرهمينها اس اس كشكل خارجي اما داخلي شد بلد مالعبوا فيه
من الخارج تقدر تحول الشكل
ولكن من الداخل تكلف كثير
احسب قيمة مسجل الوكاله لل ltz والمكيف والشاشه
الافضل لك من الداخل خلها مثل ماهي
من الخارج عدلها
تحيتي
يسلموو شباب على المرور
بس المكينة نفسها حقت LTZ او تختلف
واذا بغيت اركب الكشافات الي في الصدام من تحت هذي يبغا لها شغله ولا امرها بسيط
واذا بغيت اشغلها يكون ليها زر خآص او كيف ؟
اللي اعرفه انه بسيطه تقدر تركبها في محلات الزينه اللي تبيع انوار كشافات^^ بس مدري شلون طريقه وبالتوفيق
المكينة الي في الكابرس موديلات 2006 اذا كانت LS اوLTZ او رويال فهي نفس بعض ولا تفرق في شي
الي يفرق الاس اس في البرمجة من المصنع لانه يفصل على 244 كلم
بيمنا الباقيات تفصل على 225 كلم
وشغلة الكشافات بسيطة جدا
اعتقد بتكلفك السيارة اذا بتعدلها اس اس شكل خارجي
حول 4000 ريال
يبي لك جنوط مقاس 17 نفس حقت الاس اس تلاقي الحبة ب500 ريال والكفرات كذلك يبي لك دعسة رياضية
وبعدين يبي لك فتحات تهوية في الرفارف وتكلفك كثير اذا كانت اصلية اعتقد حول 450 ريال للقطعة الواححدة
لو تلاقي تجاري يكون احسن
ويبي لك علامات اس اس في البابين الخلفيين والشنطة وعلامة الغزال في غطا قفل الشنطة
ويبي لك تكحل الشمعات الامامية في محلات متخصصة بها الشغلة
ويبي لك تغير الصدام وتاخذ حق اس اس مع الكشافات
اتمنى اني افدتك وفي منتديات اخرى متخصصة بها النوع ممكن تزورها وتستفيد
شوف حبيبي .. تقلب LS الى LTZ صعب جداً وخصوصاً من داخل
اسهل شي انك تقلب LTZ الى SS هذي يبي لك فقط تغير الشكل الخارجي واذا كانت 8 سلندر وخليت الشكل الخارجي اس اس تصير كأنها اس اس وكاله
شكرا اخواني
بس لو فرضنا اني حصلت المكيف والشاشة والمسجل
من تشليح بسعر حلو
اذا ركبتهم تختلف الضفيرة او يركبو علطول
او لازم واحد فنآن ؟
