قناة السيارات
احبتي الكرام .. السلام عليكم ورحمة الله وبركاته ..
عندي مشكله الله يبعد عنكم المشاكل مزعجتني من 3 سنوات والى الان مالقيت لها حل
اخوكم في الله معه كامري 2005 شاريها وكاله وقدر الله علي اني اتعرض لحادث
عباره عن ضربة قويه لرصيف جامد هذا الكلام تقريبا شهر 1 عام 2006 يعني كانت الكامري جديده لدرجه اني اذكر من شده محافظتي عليها ماقد سمعت صوت مسكه الفرامل الا مره او مرتين فقط !!
وحصل لي الحادث المأساوي وقدر الله وماشاء فعل وبعدها خذت الكامري بسطحه ووديتها وغيرت كفراتها كامله ثم وديتها لورشه العضيب وفحصوها فحص كامل وكلفتني حدود 800 ريال من سحب وتغيير مساعدات و جلب ووزن الكتروني وغيرها لكن بعد هذا كله السياره تغيرت سواقتها 100%صار فيها حذفه قويه على اليمين ولازم اميل الدركسون شوي على اليسار عشان تستوي واصلا احس السياره كلها مايله ماخليت شي الا سويته تكفووون دلوني علموني وش اسوي ماودي ابيعها واشتري سياره ثانيه لان مافيها اي عيب باستثناء الحذفه ولله الحمد والمنه وماشاء الله تبارك الله
بإختصار شديد لي 3 سنوات وانا على هالحذفه ماقدرت اصلحها رغم اني دفعت ماوراي ودوني لاصلاحها ولا صلحت للاسف .... احد يقدر يعلمني وش الخلل وين المشكله فيه ليه السياره ماهي راضيه ترجع مثل اول؟؟ او على الاقل تروح الحذفه
آسف على الاطاله و ارجو منكم الافاده ولكم الشكر مقدما..
ويسعدني ان انضم الى اسره هذا المنتدى الرائع
رد مع اقتباس
