ارتفاع حرارة كابرس 90 ارجو افادتي وشكرا

[كاابرس90]

السلام عليكم ورحمة الله وبركاته

من دون مقدمات طويلة ابي منكم الفزعة شريت قبل شهر كابرس موديل 90 ماشاء الله عليه مكينته والجربوكس ماشاء الله كويسة لاكن الحرارة عندي ترتفع وتوصل فوق النصف اذا كنت ماشيء بها ومشغل المكيف اخوي شاف السيارة وقالي غير تمتيك المروحة وغيرته وفعلن الحرارة ماتوصل النص على الربع اذا شغلت المكيف لاكن اذا مشيت بالسيارة فوق 120 وزود ترفع بسرعة جدا الى النصف وعليه من دون مكيف عاد بالمكيف كيف؟؟؟

المهم قالي شيك على خراطيش الماء ...

انا قريت بعض ردود الاخوان وواضح عليهم الخبرة ماشاء الله ارجو منكم أن تفيدني لان الحرارة عاملة عمايلها قبل اسبوعين ساحت الشدادة الخلفية تبع السير (البكرة التحتية) وانفلت علي السير وقالو الغيها لانها ما لها داعي وش رايكم الغيها ولا لا ...

وايضا الكابرس مرفع من وراء والسيارة في الخط تلعب ومع المطبات كثير قالولي خله وضعيت بلده عشان السيارة ترتاح وانا محتار لان الترفيعة عاجبتني ومعطيتة منظر رائع

بس اهم شي عندي الحرارة اش السبب في رايكم في الليل اشغل المكيف وامشي بسرعة 100 مسافة من جدهـ الى الطائف وما ارتفعت لاكن في النهار ترتفع على طول

ارجو الافادة ممن لديهم كابرس وواجه نفس المشكلة وايضا اذا فيه قطع نغيرها كم سعر الاصلي منها

وشكرا

[كربريتر]

وعليكم السلام
بالنسبه للحراره اتوقع من طرمبة المويه سعرها 75 ريال تقريبا اصلي اي سي دلكو
اما الترفيع انا مرفعه وصحيح ياكل مكبات اذا تبي ترتاح رجعه زي ماكن او ارفه شي بسيط
اما الشداده انشا الله الشباب يفيدونك

[كاابرس90]

وعليكم السلام
بالنسبه للحراره اتوقع من طرمبة المويه سعرها 75 ريال تقريبا اصلي اي سي دلكو
اما الترفيع انا مرفعه وصحيح ياكل مكبات اذا تبي ترتاح رجعه زي ماكن او ارفه شي بسيط
اما الشداده انشا الله الشباب يفيدونك

يعطيك الف عافية أخوي على تجاوبك معي

انت صادفت مثل هاذي المشكلة اقصد الحراره ...


ننتظر بقيت الاخوان يمكن احد صادف نفس المشكلة

[traveller]

صيخ الرديتر وتنسى الحرارة اذا كان رديتر بلادها واذا كان مو اصلي وقديم افضل انك تركب رديتر كندي اسمه مدين اربع صفات وتنسى الحرارة من جد ماتوصل حتى الربع الا مع المكيف الظهرلكن مايضرانك تتفحص المضخة.

[كربريتر]

انا الرديتر اللي عندي 5 رصات وغيرت الطرمبه وغسلت الرديتر والحمد لله طاحت الحراره

[أبو ماجد البشري]

انا معي كابرس89 قبل سنتين اذكر الحراره إذا مشيت 120تصل النصف وكل ما أزيد السرعه ترتفع وفكيت بلف الحراره ,ولم الاحظ عليه اثر صداء وكأنه جديد وشتريت بلف ضغطه 75 درجه
وسويت تجربه جبت قدر ووضعت فيه ماء وحطيت البلفين فيه وولعت النار على القدر البلف الجديد فتح قبل يغلي الماء اما البلف القديم فتح مع غليان الماءفتحه بسيطه لاتكفي لدوران الماء وعرفت ان المشكله من البلف ومن الصعب انك تحكم على بلف الحراره بمجرد النظر وركبت الجديد ومشيت إلى 140 والحراره لم تتعدى الربع .. اخي شيّك على شيك على البلف يمكن مجيم ...

[كربريتر]

انا معي كابرس89 قبل سنتين اذكر الحراره إذا مشيت 120تصل النصف وكل ما أزيد السرعه ترتفع وفكيت بلف الحراره ,ولم الاحظ عليه اثر صداء وكأنه جديد وشتريت بلف ضغطه 75 درجه
وسويت تجربه جبت قدر ووضعت فيه ماء وحطيت البلفين فيه وولعت النار على القدر البلف الجديد فتح قبل يغلي الماء اما البلف القديم فتح مع غليان الماءفتحه بسيطه لاتكفي لدوران الماء وعرفت ان المشكله من البلف ومن الصعب انك تحكم على بلف الحراره بمجرد النظر وركبت الجديد ومشيت إلى 140 والحراره لم تتعدى الربع .. اخي شيّك على شيك على البلف يمكن مجيم ...

[الصارم@#]

انا اقول وديه محل الرديترات
وسوي تغسيل كامل بالجهاز