المكسيما تطفي .... عقدتني!!!

[Wissam]

شباب
عندي ماكسيما 99
اريد ابيعها
بس فيها مشكلة عقدتني
انا واسوق
على اي سرعة
فجأة تطفي

رحت ورش
قالوا وديها وكالة
وديتها للوكالة
ما اعطوني حل
قالولي 7 تالاف درهم
وحطولي تبديل كلشي إله علاقة بالبانزين!!!
والتكلفة الكاملة لتصليح السيارة 30 الف درهم

انا متأكد انه العلة بشغلة معينة ... لأنها صارت فجأة
حد يفهم ويريحني رحمة لوالديكم!!!

[mooosh]

السلام عليكم

اخوي يمكن في عندك شي يحتر ويفصل

مثلا طرمبة البنزين

وياليت توضح اكثر كيف تطفى

يعني في كهرب بس ما تشتغل

ولا يفصل الكهرب ولا يبقى شي

وهل اذا طفت ورجعت شغلتها تشتغل ولا لا

يعني وضح المشكلة عشان الشباب يفيدونك

تحياتي

[Wissam]

تسلم اخوية
بس ما عرفت شنو يعني طرمبة؟
الي يصير بالضبط
ال RPM ... يبدي فجأة يصعد وينزل ... وبعدين يصير على ال0 وتطفي
بعد ما اشغلها مرة ثانية غالباً ترجع تطفى بسرعة
يعني اظل واقف على جنب
واشغلها واعطيها ريس
اشوف ال RPM ما يعبر ال2 مثلاً حتى لو اعطيها فل ريس ... اضل على هالحالة ... لين يرجع طبيعي ... بعدها اطلع للشارع ... لأن اذا نزلت الجير على ال D ... وهي بهالحالة ... ترجع تطفي :S
بدلت الECT سنسر
وبدلت الكويلات
ونظفت شغلة الها علاقة بالريس
وما انحلت
:S تعقدت منها

[Red95Max]

اذاالار بي ام مايطلع فوق 2 فهوه حساس الكرنك ويجي جهة اليمين فوق الدنمو
واذا شفت الار بي ام يلعب فوق وتحت فعندك مشكله في حساس الهواء mass air sensor ,والاحتمال الثالث
اذا السياره مايجيه مشكله الابعد ماتسخن يعني بعد مشوار طويل فعندك طرمبه البنزين فيها مشكله fuel pump
واقتراحي انك تبدل طرمبه البنزين اول لانها رخيصه تقريبا
وان شاء الله تنحل مشكلتك

[اهلا اهلا]

عندما تحدث المشكله , اعمل بمساعدة من له درايه بذلك .ز
اعمل على فك خرطوم البنزين الذاهب الى البخاخات او الى الكاربوريتر ..

وضع طرف الخرطوم الواصل بالبخاخات او الكاربوريتر والذي عملت على فكه
بداخل قاروره فارغه وحاول شغّل السياره .. اذا لم يخرج بنزين من الخرطوم , فعلى ما يبدو
يكون الخلل من مضخة البنزين او من الكتاوت الكهربائي التابع لمضخة البنزين .

والله اعلم .

[فني سيارات]

الاسعار الي ماعطينك اياها خياليه و الظاهر انهم مش فاهمين الموضوع بالمره

اعتقد ان سيارتك تحتاج الى مضخة بنزين او ان الدبات متسكره من ضربه قويه جاتها من تحت وهذي كل الموضوع

هل بدلت اشياء صغيرة و بسيطه
هل جربت مثلا تبدل فلتر بترول فلتر هواء

[Wissam]

أخ ريد... الRPM وقت المشكلة يطلع وينزل
وبعدين تطفي
والسيارة تطفي بعد اي مسافة بدون تحديد ... احياناً اطلع فيها بالليل .. ما امشي كيلو متر .. وتطفي
ال Air flow sensor كان ضمن الشغلات الي قالوا عنها الوكالة
بس ما اقدر اجرب
لأن سعره غالي ... سعره 1000 درهم برا الوكالة
وانا للحين صرفت حوالي 2000 درهم عليها وما انحلت
غيرت الECT سنسر
وبدلت الكويلات وعددهم 6
ونظفت شغلة الها علاقة بالريس
وبدلت فلتر البانزين

اخ اهلا اهلا ... انا مو ميكانيكي حتى افك هالشغلات :S
بعدين كيف اشغل المحرك بدون ما يوصله بانزين؟!!!!

اخ فني السيارات
نعم بدلت فلتر البترول ... بس ما غيرت فلتر الهوا ... تعتقد من ال Fuel pump ?
وماهي الدبات المتسكرة ؟ ... اعذرني يمكن تختلف المسميات بينا ... فياريت توضحلي

السيارة اريد ابيعها ... كل سعرها يمكن 14 الف بالكثير .. ما اقدر اخسر عليها اكثر :S

في شغلة الي هية Engine tune up ( يعيدون برمجة دخول الهوا والبانزين ) ... ما يسووها بس بالوكالة ... وسعرها 330 درهم
تعتقدون إلها علاقة ؟

[arabicizing]

اخوي خد العلم الأكيد المشكلة في احد الحساسات


ومن كلامك ياخوي انه مايعدي 2 يعني حساس الهواء الفيشة ماهي مشبوكة مزبوط حقت الحساس الا يجي بعد فلتر الهواء تأكد من شبك الفيش بشكل صحيح



اذا كان مزبوط
شوف اذا احد من نسايبك ولا شئ عنده ماكسيما حتى لو كانت 95-99 خد من عنده حساس الهواء

وجربه على سيارتك