هل لكل عمر سياره؟

[mr.damar]

السلام عليكم ورحمة الله وبركاته



احبابي اعضاء المنتدى سؤالي واضح من عنوانه ولزيادة الوضوح كان عندي شباب في المجلس قام واحد منهم قال انا خاطري اشتري موستنج قام رد عليه واحد ثاني قاله انت عمرك 30 سنه وتبي موستنج.. قاله مافيها شي هاي سياره حالها حال غيرها .


السؤال هنا هل السيارات الاسبورت لها فئه خاصه من الاعمار؟ يعني الموستنج والكورفيت وغيرها من الاسبورت محدده اعمار الشباب اللي يستعملونها؟



سؤال للجميع وارجوا المشاركه..


تقبلوا تحياتي

[Mashari]

أبدا الي قال الكلام هذا جاهل مع احترامي

من قال إن الشباب يروح ولا يرجع

أنا بأم عيني شايف هنا في الرياض رجال عمره في الخمسين مع خويه ونفس العمر

وراكبين نيسان Z350 كشف مو كوبيه

قل لخويك يشتري الموستنج ولا يهتم ، ويرمي كلام الناس في أقرب وادي

[mr.damar]

أبدا الي قال الكلام هذا جاهل مع احترامي

من قال إن الشباب يروح ولا يرجع

أنا بأم عيني شايف هنا في الرياض رجال عمره في الخمسين مع خويه ونفس العمر

وراكبين نيسان Z350 كشف مو كوبيه

قل لخويك يشتري الموستنج ولا يهتم ، ويرمي كلام الناس في أقرب وادي

اشكر لك مرورك الراقي على الموضوع وكلام واقعي 100%100

[مهندس جديد]

30 سنه بعده صغير،، ليش مكبر نفسه؟ يقدر يشتري موستنح وكورفت اذا حب....

بخصوص العمر وتحديده للسيارة الي ممكن تركبها،،، اعتقد ان الموضوع مرتبط بشيين مب شي واحد
1- حالة الشخص الاجتماعية
2- عمر الشخص....

يعني......

الشخص العازب راح يحب يركب سيارات رياضية كوبيه او كشف،، بحكم انه ما عنده اسره ولا يهمه عدد المقاعد بالسيارة بكثر ما انه يهمه شكل السيارة ولفت الانظار " وانتوا عارفين قصدي"،، والا اشرايك يا مستر دمار؟

لكن الشخص المتزوج بتحصله مستقر ومتزن ومحتاج لسيارة اقل صخابة، وماهوا محتاج للفت الانظار بحكم انه مرتبط وعنده عايلة....
لذلك تلاحظ في الدول الغربية ان اشخاص في الاربعينات والخميسيان ، عزوب ويفضلون سيارات الكشف.
طبعا لكل قاعدة شواذ وهناك اشخاص متزوجين لكن يميلون لحياة العزوب.....

لكن اختلف مع مشاري...... اعتقد ان مثل ما ملابس الشخص تدل على شخصيته وعمره،، السيارة بعد تعبر عن عمر الواحد وشخصيته... يعني عمرك شفت واحد لابس كجول وحركات او جنز ضيق وعمره 50 سنه او 60؟

واذا كان في شخص راكب كوبيه كشف وعمره في الخمسينيات، فما يعني ان الي شفته امر طبيعي وعادي،، هذي حالة شاذه.......

واتمنى محد يحاول تشويه وتهميش الرئي الاخر حتى يفرض رايه !!!!!!!!!!!!!

[نـاصر]

عادي يارجال ..

وكلام الناس كثيير ..

وهي على الرغبه مو العمر ..

[mr.damar]

30 سنه بعده صغير،، ليش مكبر نفسه؟ يقدر يشتري موستنح وكورفت اذا حب....

بخصوص العمر وتحديده للسيارة الي ممكن تركبها،،، اعتقد ان الموضوع مرتبط بشيين مب شي واحد
1- حالة الشخص الاجتماعية
2- عمر الشخص....

يعني......

الشخص العازب راح يحب يركب سيارات رياضية كوبيه او كشف،، بحكم انه ما عنده اسره ولا يهمه عدد المقاعد بالسيارة بكثر ما انه يهمه شكل السيارة ولفت الانظار " وانتوا عارفين قصدي"،، والا اشرايك يا مستر دمار؟

لكن الشخص المتزوج بتحصله مستقر ومتزن ومحتاج لسيارة اقل صخابة، وماهوا محتاج للفت الانظار بحكم انه مرتبط وعنده عايلة....
طيب ما اختلفنا بس ممكن يكون الشخص هاوي سبورت وعنده سيارتين وحده للبيت ووحده له
لذلك تلاحظ في الدول الغربية ان اشخاص في الاربعينات والخميسيان ، عزوب ويفضلون سيارات الكشف.
طبعا لكل قاعدة شواذ وهناك اشخاص متزوجين لكن يميلون لحياة العزوب.....

لكن اختلف مع مشاري...... اعتقد ان مثل ما ملابس الشخص تدل على شخصيته وعمره،، السيارة بعد تعبر عن عمر الواحد وشخصيته... يعني عمرك شفت واحد لابس كجول وحركات او جنز ضيق وعمره 50 سنه او 60؟

واذا كان في شخص راكب كوبيه كشف وعمره في الخمسينيات، فما يعني ان الي شفته امر طبيعي وعادي،، هذي حالة شاذه.......
معنى كلامك اخوي انه في سيارات مخصصه للشباب وسيارات مخصصه للشياب.

واتمنى محد يحاول تشويه وتهميش الرئي الاخر حتى يفرض رايه !!!!!!!!!!!!!

وجهة نظرك احترمها واقدرها وشاكرلك مرورك المميز والراقي وياهلا بك وغلا

[قصـي الشمري]

يااخوي الغالي لوعمرك 50 وفي راسك موستينج لاتهتم للناس..
الي تبيه توكل وخذه

[mr.damar]

عادي يارجال ..

وكلام الناس كثيير ..

وهي على الرغبه مو العمر ..

كلامك صحيح اخوي ولولا الانظار لابارت السلع

اسعدني مرورك الراقي وياهلا وغلا بك