قناة السيارات
سلام علــيكم جمـــيعا
جيتكم وخابركــم ماتخلون الواحد يحتار ولا ينتظر ماشالله على منتدانا تفاعل وردود تبرد سبد الواحد ,, (مقدمة مالها علاقة بسؤالي والله يشهد)
العلم سلامتكم يالربع انا ابي اشحن سيارتي من الرياض الى مدينة جـده وابيكم تكفون تدلوني على شركة نقليات شغلها نظيف من ناحية السرعة بالتوصيل يعني كم يوم لمين توصل, والعناية بالسيارة, والدقة بالمواعيد, والسعر العادل؟؟
والمعذرة لو كان هالسؤال ماهو بمكانه(يعني له منتدى خاص) او كان مكرر لكن ابي وقفتكم الله يرضى عليكم ,,
^
^
^
الي عنده معلومه لايبخـل بـهـا ولـه دعاء بظـهرالغـيب,,,
اذا تبي نصيحتي ودها لشركة صالح البسامي..
السلطان لنقل السيارات طريق خريص مقابل شركه الجميح للسيارات
او الفايز لشحن طريق خريص او معارض الشفاء
من ناحيتي اتعامل مع البسامي الاخضر
من يوم بدأت اتعامل معهم ماشفت منهم شي سيئ
الاسعار
انا اشحن سيارتي بـ 300 من المدينه الى الخبر
في اعتقادي
البسامي له باع طووووويل في شحن السيارات
و هو الاشهر
بيض الله وجهـك اخوي انا لقيت البسامي وسعيد البسامي الصراحة سمعت واحد من الشباب يقول انحش عن أي بسامي مواعيدهم دمــار. الله يعطيك العافية,,المشاركة الأصلية كتبت بواسطة CapriceLTZ
مشكور يالغالي ,,لاحظت اخوي بعد الاتصال انه في فرق بالسعر بين السلطان والفايز بالنسبة لسلطان رد علي مصري قال نشحن سيارتك ب400 والفايز يقول ب300ريال واحترت بينهم,,
والله يعطيك الف عافيــة,,
رد مع اقتباس