قناة السيارات
السلام عليكم ورحمة الله وبركاته
هذا مكان فلتر البنزين و طرمبة البنزين للكيا أوبيروس من موديل 2004 إلى 2006
ويغير كل 60 ألف كيلو أكثر بشوي 70 أو 80 مافيه مشكله
لازم الموتر يقدر الضروفوالمشاغل
وتغييره فيه صعوبه للكثير ومتوسط للي يفك ويركب على خفيف وللي متمرس سهل .
العده المطلوبه :
1 - سكروب زائد قصير أو مفتاح حبه مقاس 9 أو 8
2 - زراديه عاديه
3 - سكروب زائد قصير
تحذير (( فيه بعض الأشياء تبي شوي إنتباه إذا مافيه خبره في الفك والتركيب الأفضل أن تسلم لفني طرمبات يغيره يمكن ب 50 ريال وهذا أضمن وأريح ومع هذا لازم ينتبه للحلقه السوداء كما سيتم ذكرها في الأسفل )) .
وترى الصور شويه وماهي تفصيليه بشكل كبير في فك الفلتر لأني كنت مستعجل وأبي ألحق على الدوام فأعذروني .
بسم الله نبدأ
أول شي طف السياره تماماً وشل المفتاح من مكانه إحتياط بعدين رح للشنطه ( قبل كذا ألبس لبس ماتبيه ودسوس يكون أفضل ) وشل الفرش وغيره وخل لك مكان في الأستبنه للتحرك براحه أكبر .
وبتشوف غطاء بلاستيكي مثبت بقار ورا المراتب الخلفيه .
( لو تلبس دسوس يكون أفضل ) أرفع الغطاء البلاستيكي من اليمين لليسار بخفيف عشان السلك أفصل سلك الكهرب بعدين اللي الراجع بعدين اللي الأخير بخفيف ( يمكن ينفخ شوي بنزين ) فك الصواميل السته ( يفضل أن تلبس دسوس ) << إمتحاااان , بعدين قبل لاتطلع الطرمبه (( لاتكون تدخن ولايكون معك جوال حتى ولو في جيبك ولاتقرب أي شي يعطي شرار أو حرارته عاليه )) طلع الطرمبه بخفيف وأنتبه للعوامه أفضل شي أنك ترفعها عمودي ألين توصل العوامه قريب من الفتحه أنتضر ألين ينقط البنزين وينتهي بعدين طلع حواف الفلتر الأصفر ولف الطرمبه يسار وطلع العوامه , طالع صورة الطرمبه تحت لأخذ فكره عنها قبل لا تطلعها . الطرمبه وفلتر البنزين والعوامه كلها مع بعض .
بعدين بيطلع هذا المشهد وهنا فضيحه البنزين أخضر
طبعاً ماأستخدم غيره تبيه ولا تروح تبيع نفسها .
هذي صورة الطرمبه مع الفلتر والعوامه بعد ماطلعناها وبجانبها الفلتر الجديد .
فك حسب طريقتك
أو أمش على الخطوات المقترحه الآتيه :
أول شي فك المسمارين الأفقيه وأرفع الفلتر إلى فوق عشان يطلع من الحديده الخضراء من ورا مثل ماهو واضح داخل فيها .
فك اللي الأسود من الفلتر والي كأنه مكبوس وهو اللي تدف فيه الطرمبه البنزين إلى المكينه بعدها فك سلك الكهرب اللي شابك في الطرمبه وهنا إنتبه لاينكسر أضغط القطعه الصغيره في الفيش عشان يتحرر وأنت ضاغط أسحبه بشوي قوه .
(( تقدر تفك العوامه من الصامولتين إذا تبي شوي حريه ))
فك القطعه البيضاء عن الفلتر يفضل أنك تفكها بسكروب سالب أو سكين قويه ترفع بخفيف من كل جهه فيها بإتجاه الجزء من الفلتر اللي ماسكها ألين تتحرر شوي وأمش على الباقي ألين تتأكد أنها كلها متحرره أسحب القطعه مع الفلتر الأصفر وفكها .
وهنا فيه شي مهم جداً فاتني وتبهذلت فيه حلقه سوداء صغيره من الربل ( موضح مكانها في الصوره السابقه ) نسيت أصورها ياإما أنها بتكون في الجزء الأبيض في الأنبوبه الصغيره اللي تدخل في الفلتر أو أنها تكون متعلقه داخل الفلتر وإذا كانت كذلك لازم تطلعها منه بالسكروب وتحطها في الفلتر الجديد .
تخيل بدون هذي الربله الصغيره ماتشتغل السياره مهما سويت لأنها تمنع البنزين من أنه يرتد إلى التانكي مره ثانيه . تراني تأخرت على الدوام وطلبت يوم إجازه عشاني نسيت أركبها أول مره .
طلع الطرمبه دفها من فوق من جهة الفيش وتطلع عادي من تحت وإذا جيت تركبها في
الفلتر الجديد إضغطها بقوه ألين تركب تمام مثل ماكانت قبل .
وأنت تركب الفلتر الجديد تأكد من التالي :
1 - المسامير مثبته تمام .
2 - اللي الكبس راكب زين
3 - سلك الكهرب مثل ماكان راكب في الطرمبه داخل الفلتر
4 - (( الحلقه السوداء من الربل لازم تكون في مكانها ))
5 - القطعه البيضاء مركبه تمام وكل الأجزاء السوداء من الفلتر داخله فيها تمام .
رجع الطرمبه مكانها وثبتها بالمسامير تمام وركب الفيش والليات مثل ماكانت ولاتنسى الحديده الكماشه اللي تثبت اللي الراجع لاينفك .
دق سلف وأنتضر 3 ثواني ثلاث مرات عشان يتعبى الفلتر تمام ويصرف الهواء اللي فيه
أو تقدر تشغل على طول يمكن ماتشتغل بسرعه مثل العاده بسبب الهواء لاكن من ثالث تشغيله لازم تشتغل .
إن شاء الله يكون الموضوع مفيد وأعذروني على قلة الصور
رد مع اقتباس
.gif "A120(60)")
