هذه المرة من المجدوعي

[M.W4EVER]

بسم الله الرحمن الرحيم

تتكرر أخطاء وكلاء السيارات عامة أو لنقل استهتار بالعملاء وليس أخطاء والسبب لاحسيب ولا رقيب

لا يوجد وكيل لأي سيارة إلا له عدة أخطاء مع العملاء لكن (( غلطة الشاطر بعشرة أو بألف ))

تكررت المواضيع حول الأخطاء من الوكلاء سواء من الناغي أو الوعلان لكن نادرا مانسمع عن المجدوعي أو بالأصح حتى الآن لم أسمع عن المجدوعي نصف ماسمعة الوكيلين الآخرين

أحد الأقارب قرر شراء سيارة
توجه إلى وكالة المجدوعي فرع 91 وتوكل على الله وشرى إلنترا 1600 سي سي لون أزرق بحري
بمواصفات : فتحة سقف - قير أوتوماتيك - جنوط - كشافات ضباب - ABS - AIR BAG - مسجل سيدي ام بي 3 - تحكم بالمسجل من الدركسون

طبعا قال مندوب المبيعات سعرها قبل الخصم 56000 ريال وبعد الخصم 51000 ريال سألنا عن سبب الخصم هل هو عرض أو ايش بالضبط قال لا لأن السيارة من الدفعة السابقة ومخزنة

أخذنا السيارة ومسكنا فيها طريق الرياض السيارة الحمد لله ولا أروع وأدائها ممتاز وعزلها الصوتي جدا رائع لكن ...
نبي نرفع أو نقصر الصوت من المسجل للأسف مايعمل
عند فحص 1000 كم قلنا لهم إن فيه مشكلة إن التحكم بالمسجل مايشتغل لكن تفاجأنا بالرد التالي :
للأسف سيارتك مغير مسجلها هذا مو مسجلها الأصلي عشان كذا مايتناسب التحكم مع هذا النوع من المسجلات وعشان كذا السيارة جتك بسعر مخفض
طبعا ماراح يفيد أي شي فقالهم صاحب السيارة طيب أنا أبي مسجلها الأصلي قالوا ادفع الفرق اللي هو 3500 ريال قال مو مشكلة يلا ركبوه لي وهذي فلوسكم قالوا لا المسجل مو عندنا


يعني لهالدرجة وصل الاستهتار بالعميل !!
لهالدرجة يعتبرون العملاء ساذجين !!
وين الرقابة ؟؟

والغريب أنها من وكيل له سمعة جيدة فكيف يرضى إنه يقلل من سمعته عشان سبب تافه زي كذا
طبعا صاحب السيارة مر على 5 مدراء وفي النهاية ... الإجابة معروفة حق العميل ضايع ودايم مظلوم

لكن حسبي الله ونعم الوكيل

أنتظر منكم الحلول نشوف وش نسوي

[vector]

لا حول ولا قوة الا بالله

حسبنا الله ونعم الوكيل


يارجال ياخذون 3500 عشان المسجل خربان؟؟

روح لأقرب محل مسجلات وطق لك مسجل سيدي mp3 وكاسيت 1200 ان كثرت

بس ابغى اتأكد منك

انت تقصد تحكم الدريكسون؟؟ ولا المسجل نفسه؟؟

[EPICA 219]

ياساتر من جد وعم وخال بعد مافي أي رقابة عشان كدا يقولوا علينا دول متخلفة أو نامية أو من دول العالم الثالث الوكلاء من حقهم طايحين بديرة بطيخ وإلعب ياعم مافي أي رقابة الله يسهلها بس

[EPICA 219]

ووزارة التجارة مافي أي نوع من الرقابة يسكتونهم بالرشاوة إلي تدسم الشارب

حسبنا الله ونعم الوكيل لا ودولتنا تبغى تتطور والنصب والإحتيال مو راضي يتوقف

[M.W4EVER]

أشكر الجميع على الرد والمرور

لا فيكتور التحكم هو اللي خربان لأنه مايناسب المسجل ولو أنه مسجلها الأصليس على قولتهم كان مافيه مشكلة لكن الغريب مافي أحد مرت عليه نفس هذي المشلكة أبد هل هي تصريفه أو كلام صحيح

و 3500 قيمة مسجلها الأصلي الجديد

[sun light]

السلام عليكم
الله يعينكم ، فعلا شي محزن يعني الواحد يشتري سياره وتكون بالمبلغ الفلاني وياخذها وهو فرحان وبعدين يحس أنه ملعوب عليه !!
بس المفروض أن كل شخص يشتري سياره قبل لايطلع من الوكاله أن يفحص السياره بالكامل ويتأكد من مواصفاتها ومن كل شي من الصدام للصدام ، وأن أكتشف أن في شي ناقص أو خربان في هالحاله يرفض أستلام السياره ويطالب بإرجاع المبلغ ، وراح يشوف كيف التعامل في هالحاله ، يعني من أكثر الأخطاء الشائعه عندنا أن الواحد لما يشتري سياره جديدة يروح الوكاله ويشغلها وعلطول يطلع بها بدون فحص وبدون تأكد من المواصفات وغيرها ( يعني ثقه عمياء ) والكل يعرف حال الوكالات ألي عندنا ، فيجب على الكل أنه يتأكد من مواصفات وسلامة السيارة.
تحياتي.

[M.W4EVER]

^^^^^^^^^

كلامك صحيح

شكرا لك

[الرحال الدولي]

من امن العقوبة اساء الادب


ودام وزارة التجارة نايمة

ماراح يصير اي اهتمام