حصريا طريقة فك طبلون الفورد شرح بالصور

[المارودر 2004]

السلام عليكم ورحمة الله وبركاته

الكثير يعاني من اتساخ زجاجة عداد الفورد من الداخل او دخول الغبار وبدال الذهاب للورش ونصبهم وجلدهم بالاسعار
هذي يطريقه فك ديكور الفورد (فكتوريا او ماركيز ) وسويتها على سياره واحد من اخوياي
الطريقه سهله وموضحه ومشروحه بالصور واهم شي فك ديكور التخشيب بحذر لانه كليبسات واذا انكسر اي كلبس راح تطلع اصوات قربعه بالديكور

اهم شي توفر (المفكات)

[المارودر 2004]

والان نبدأ بفك قطعه الديكور الموجوده بها التخشيبه ونفكها مع الجانب وقبل سحبها واخراجها نفصل الفيش الموجود خلفه وبعد فصله نخرج القطعه





والان نفك ديكور التخشيب الموجود بجهة الراكب ونفكه مع الجانب وقبل سحبه نتأكد من فصل فيش الساعه






والان يأتي دور ديكور الطبلون وياتي قطعه كامله من فتحات المكيف عند المسجل وحتى مكان تشغيل انوار السياره ومثبت بمسمارين نفك المسمارين بمفتاح(الحبه 6 او 7)






والان بعد فك مسمارين تثبيت ديكور الطبلون نقوم بسحبها ونفصل الافياش ( في تشغيل الانوار وافياش المسجل والراديو )






والحين بعد فصل الافياش وقبل اخراج ديكور الطبلون للخارج نضع عصا التعشيق على D1 عشان تكون عصا التعشيق للاسفل ويطلع معنا ديكور الطبلون للخارج بسهوله






بعد اخراج ديكور الطبلون راح يكون كذا شكل الديكور واضحه بالصوره مكان افياش المسجل والراديو والساعه






واخيرا نفك المسامير المثبته للزجاجه ثم نقوم باخراج الزجاجه وتنضيفها من الغبار مع الحذر بلمس ابر العداد






بعد الانتهاء من التنظيف نقوم بتركيب الزجاجه
ثم ديكور العداد ونشبك الافياش (افياش الرادو والمسجل والانوار)
ثم نركب ديكور التخشيب ونتأكد من شبك الافياش
وبكذا انتهينا بس اهمم شي مانضيع المسامير ونتعامل بحذر مع الكليبسات
وفك ديكور الفورد كاملا مثل الحالات اللي نحتاج فيها تنظيف ثلاجة المكيف لازم كهربائي لانها مليانه مسامير وكلبسات وتعقيدات

ارجوا اكون افدتكم واذا فيه شي ناقص او ملاحظه ضيفوها

وتقبلوا تحيات اخوكم
المارودر 2004

[arabicizing]

جزاك الله ألف خير

توي من شوي فكيت الطبلون نضفته ورجعته>>قبل ماشوف الموضوع

الموضوع تمام مافي ملاحظات

[Y A S S E R]

دوم مبدع ياالمارودر
أقل شي اسويه تقيم ولو فيه شي يوفي ابداعك كان سويته يامبدع

[sunny_480]

الله يعطيك العافيه

شرح وافي وكامل

مـــــــــــــــــــــــــــــــشـــــــــــــــــ ـــــكـــــــــــــــــــور
وماقصرت

[توماهوك]

والله الشكر قليل في حقك لأن ما احد يقدره ويقدر تعبه الا اللي مجرب اذا فك الطبلون شي مو بهذيك السهوله اللي متصورها البعض فكيف بالتصوير والشرح على الصور هذا مجهود أكثر من رائع
الله يجزاك بالجنه (اخلص عملك لله حتى تؤجر عليه) وبالتوفيق لك ولمن مثلك والى الأمام

[M~أمير بكلمتي~M]

انا اشهد انك ذيبااان وافدت ناس كثيره ويعطيك العاااااافيه

وبصراحه والله بدون مجامله موب غريب عليك وانا بصراحه كم مره افك طبلوني واصلح سياارتي

بيدي اول شئ تعطيك داافع وخبره وتعرف ولا ينضحك عليك في المحلات واهلين الورش

وتوفر فلووسك لان لو بترووح اي كهربااائي قووله بكم بس يفك لك الطبلووون والله شعرك يشيب

من السعر وهي امرها بسيط وسهل

أخوكـ

[أنـــــس]

تقرير وافي وكامل..

أشكرك جزيل الشكر على ماأفدتنا به


يستحق التثبيت