سؤال ميكانيكي ديناميكي تكنيكي في قوقعية المحرك..

[DaBDoB]

الي يقرا العنوان يقول الحبيب متاثر في برنامج صادووه

هلا والله ومرحباابكم خواني الاعضاء الاعزاء
الحمد الله هاليومين ولله الحمد الامطار وفيرة وخير عندنا وعندكم ان شااء الله
والحبيب الي هو انا
انواع التقطيع واللعب فالبر والفيراكروز مقاومة ماشاااء الله عليها


هذيج المقدمه والسؤال هو ؟

الحين الفيراكروز 3.8 ليتر محرك 6 سلندر مثل ما انتو عارفين
والازيرا كذلك محرك 6 سلندر و3.8 ليتر بعد ...

هل معنى هالكلام ان الاثنين نفس المحرك ونفس حجم القطع الداخلية
ونفس الضغط والعمل..؟؟

طرى في بالي هالسؤال وحبيت اشاركم سؤالي

والله لا هانكم تجاوبوني

[هيونداي موتورز]

هلا أخوي دبدوب
.
المكينه هي نفسها تماما ونفس القطع الداخليه , المكينه مشيوله من الأزيرا وحاطينها في الفيراكروز .
وعندك فلتر الزيت نفسه لو تاخذ حق الأزيرا 3.8 ... وعندك باقي القطع مثل البواجي والأسلاك والحساسات وغيرها .. طبعا الخاصه بالمكينه بغض النظر عن القير لأنه يختلف .

وأن شاء الله الأخوان ما يقصرون معك

[sun light]

نفس كلام أخوي هيونداي موتورز
المكينه نفسها ونفس القطع
أخوي أنتبه لنفسك في البر ولاتتهور كثير

[Microsoft]

على الرغم من تطابق المعلومات الرئيسية

V6 - 3.8 CC

إلا أنه يكون هناك إختلاف في الغالب

في العزم والأحصنة وأمور أخرى دقيقة

بالنسبة للقطع في الغالب تكون متطابقة

في القطع البسيطة (مثل الفلتر )

ولكن تكون مختلفة في قطع آخرى

مهمة في موضوع القوة مثل البواجي

بالنسبة لضغط العمل فحتماً يختلف

عموماً

* هذا السؤال ما يجيب خبره إلا الهيو ..

[بلا حدود]

^
^

طيب وخبرتنا حنا

<< امحق ماعنده سالفه

الهيو خبيرنا مايحتاج نشهد له الله لا يضره بس وينه هاليومين ما ينشاف ... [ ماودك تقرص اذنه يامايكرو ]

دبدوب ودي افيدك بهالشغله لكن ماعندي اي معلومه غير ان في اختلاف اكيد بس بالضبط ما ادري ابداً

[DaBDoB]

هلا والله ومرحبا اسفرت وانورت بالردود الحلوه

مشكورين على الوقوف على الموضووع اخواني وتسلمون عالمعلومات
.... بسسس ....


<==== ما وصل للي يباه هههههههههه

يعني البساتن وعامود الكام والهيد وهالشغلات كلها نفس الحجم ....
الحين هالمكينه فالفيراكروز وماشاء الله ماشااء الله اطير يعني 8 ثواني تقريبا من صفرلـ 100 وبالنسبة لسيارة فورويل مب شوي ...
فمابالكم ونفسها ونفس عزمها في الازيرا الصالون لازم تكون طياره !!!

فهمتوني .... طمنوني وصلتوا للي في بالي ؟؟؟

[بلا حدود]

^
^

شي اكيد وهنا الوزن يلعب دوره

[DaBDoB]

اكتشفت شئ حيرني زووووووووود

الازيرا 263 حصان
والفيراكروز 260 حصان !!!!!

المصدر موقع امسن اوتو

هذا الفيراكروز
http://autos.msn.com/research/vip/Sp...cruz&trimid=-1

وهذا الازيرا
http://autos.msn.com/research/vip/Sp...zera&trimid=-1

عند كلمة
ُEngines and Power