قناة السيارات
بسم الله الرحمن الرحيم
كثر الحديث عن برمجة الزنون للسوناتا حيث تعدت الخمسة مواضيع حتى الآن فأحببت أن يكون هذا الموضوع بمثابة الموضوع الجامع لمواضيع الزنون وحبيت أضيف المسجل اللي في الدرج لكن انا حتى الآن ماركبت المسجل لكن عندي أسعار نوعين من المسجل اللي أعرفه وأرجو من الأعضاء اللي عندهم إضافه مفيده أو مرو بتجربة معينه لهذين الشيئين أن يضيفها في هذا الموضوع حتى تعم الفائدة لجميع الأعضاء الغالي في المنتى الرائع
أولا : الزنون
انا من خلال تجربتي ركبت الزنون محولات صينية على سوناتا 4 سلندر قير عادي أول ماكبست 3 مرات طفت السياره وعزمها لك عليه
سمعت بموضوع البرمجه رحت للكهربائي ووصوني عليه ناس مرو بنفس التجربه رحتلها طبعا هو من الجنسية السودانية بس باين عليه واثق من نفسه اسمه عبدالإله ومعروف على مستوى شارع الغرابي قالي راح أسويلك برمجه طبعا لازم يحط مصطلح ثقيل شوي عشان عند الحساب ماتكاسره تقول لاتعب مسكين عادي وأخذ 200 ريال
المهم انا استفسرت كثير عن موضوع البرمجه
البرمجه ياحبايبي الأعضاء مو برمجه بمعناها الصحيح السالفه ومافيها ان يغير الفيوز لحجم أكبر عشان الزنون اذ كان (مثلا )أكثر من 6500 كلفن يتحمل مايطفي
ليش السيارة تطفي إلا عشان يكون ضغط الكهرباء عليها أكبر فما تتحمل السيارة وتطفي لأن وحسب ملاحظتي فيه أعضاء ركبو زنون على سياراتهم ولاطفت وغالب اللي تطفي سياراتهم مركبين صيني محولاتهم لكن المحول الكوري يمشي مع السياره عادي والوكاله يركبون كوري دايما
انا ولله الحمد شريت سوناتا 6 سلندر ورحت أمس وركبت زنون بدون برمجه وبدون أي شي ولاتغير شي كل شي تمام مافيها أي شي الحمد لله
بالنسبه للمسجل في الدرج يركبه التمران على نوعين هي اللي تناسب درج السوناتا
طبعا المسجلين من نوع JVC وكلها MP3 وسي دي واحد فقط الأول مافيه اي ميزة وسعره مايقارب 500 ريال مع تركيبه والثاني يوجد له مدخل يو اس بي وميموري كارد ب 650 ريال شامل التركيب طبعا المهندس اللي بالتمران قالي ان الصوت اتوماتيك بمجرد أن يشتغل السيدي يوقف مسجل الوكاله .
انا صراحه بماأني من عشاق الهيونداي حبيت أفيد جميع حبايبي الغالين من الأعضاء لنتبادل الخبرات في هذا المنتدى الرائع الذي أفاد الكثير من الأشخاص
أرجو من عنده إضافه مفيده يضيفها لنا في هذا الموضوع وإن كان عندي خطأ فمن الشيطان وأرجو أن يصحح وتقبلو تحياتي
رد مع اقتباس