مقارنة بين المجدوعي والوعلان والناغي في المواصفات

[بــنــدر]

السلام عليكم شباب

أبي كل واحد معه سيارة هيونداي يشارك بالموضوع

مثلا ألاحظ في اختلاف في سيارتي الأزيرا بيني وبين بعض الأعضاء
في شكل العدادات وبعض المواصفات
والي شدني لطرح هذا الموضوع ذكر بعض الأخوة الي معاهم أزيرا يقولون أنه بعد
سرعة 120 يبقى الجرس شغال حتى تنزل السرعة أقل من 120
بالنسبة لي أنا اذا عديت 120 اسمع جرس لمدة 5 ثواني مع لمبة الانذار حقت 120 تعطي فلاش
وبعد الخمس ثواني يسكت الصوت وتبقى اللمبة

وطبعا الموضوع مايشمل فقط الأزيرا

بل على جميع سيارات هيونداي
وأبي مقارنة في المواصفات والاسعار والصيانة عشان الكل يستفيد

أخوكم بندر

[كوري و لكن]

بالنسبة لي مع السوناتا ,,

فا هو يظل إلين انزل السرعة أقل من 120

اخوي بغيت اسالك سيارتك من اي وكيل ,,

و ما تدري إذا اقدر اسويها زي سيارتك أو لأ ؟؟

<< سوناتا 2006

حيهم

[عــ,,,ــووول]

هلا والله بندر حبيبي قلبي

يسلمو على الموضوع الحلووو

انا معاي ازيرا 2007 مطلعها من الناغي والله ياقمر الا اليوم اشوف الصيانه مايحتاج

لاني كل يوم اروحلهم واقولهم عندي مشكله على طول يصلحونها

والصيانه حسب كلام الشباب يقولون تحسنت كثير لان سيارتي توها جديده ومادخلتها صيانه

وعندي ورقة بأجور الصيانه رخصو الاسعار صراحه وصارت مره حلووه

اما موضوع العداد فهو مايسكت الا اذا نزلت عن الـ 120 وكلمت واحد بالشركة عن الموضوع هذا وقالي تعال على صيانة 5000 واكلمك واحد يطفيها لك ومستنين الـ 5000 وان شاء الله خير

واي شي ثاني انا حاضر

اخوك

عـسول

[vector]

هلا والله ببندر

بالنسبة لي جرس السرعه مايسكت حتى انزل اقل من 120

وبالنسبة للمواصفات الثانية انا ماقد شفت سياره زي مواصفات سيارتي
يعني مكينة 3.3 مع جلد وجنوط 17 بس بدون فتحة ولا ستاره ولا حساسات

مع اني مار الوكاله قبل فتره ومحصل ازيرا اردى شي مخمل وجنوط 16 وفيها فتحه وحساسات!!!!!!!

مع انها كلها وارد المجدوعي


وتسلم عالموضوع الحلو ياحلو

[fahad101]

يعطيك العافيه خيوو على الموضوع
انا بالنسبه للسوناتا اللي عندي الجرس مايسكت الا تحت 120
وطبعا وردا المجدوعي
اما بالنسبه للصيانة للاسف
هناك عدة ملاحظات
تأخير في عملية الصيانة وحجز المواعيد يعني يمكن يكون موعدك بعد 3 أيام
الصيانة غير جيده يعني بالعربي ادفع رسوم التشييك وبعدها يقلولنك السياره سليمه
ماتحتاج شي لانها مرت علي من قبل اخذود على مبلغ حوالي 500 وقالو مافيها شي السياره
وتفاجات بعد تشيكي في ورشه خارجيه بوجود عدة اعطال
وطبعا غسيل للسياره بعد التشييك انسى مافيه غسيل
وتقبلو تحياتي واعذورني على صراحتي

[هيونداي موتورز]

بالنسبه للصوت في 120 حسب علمي أنها من 2008 صارت 5 ثواني ويسكت
أما من 2007 وتحت لا يبقى يقلقك بالنسبه للسوناتا والألنترا .
أما الأزيرا والأكسنت وغيرها والله ما عندي خلفيه
.
طبعا الكلام هذا يحتمل الصواب والخطء
وأشــكرك جزيل الشكر أخونا بندر على الموضوع المفيد

[WAFEE]

الالنترا حقت الوعلان مسجل سي دي
الالنترا حقت المجدوعي لقيتها عند اوتوستار مخرج 13 بمسجل كاسيت

[Microsoft]

أخوي WAFEE المسجل إلي عند الوعلان

شغل الغرابي (ولد عم أبوجميل)

فاك مسجل المصنعة ومركب هذي الـJVC

------------------

بالنسبة لسيارتي السابقة السوناتا

من ناحية المواصفات ما مثلها .. ما نزل إلا كم حبة وإنقطعت

بالنسبة للسرعة إذا وصلت الـ120 وبديت أتعداها

تطلع رسالة في الشاشة تقول الله لا يهينك هديء السرعة

>> أرنب يمشي مليون

إلا تطلع صفيرة حكم تشق راسك شق

لكن مثل ما قال هونداي موتورز

موديلات الـ 2008 أغلبها تجي بلمبة الـ120