مزيل المخشات (اريده عن تجربه)

[pontiac88]

السلام عليكم ...


شلونكم اخواني ...


قدر الله علي وشريت اكورررد 2007 ولله الحمد والمنه ...


ولكن هناك شي يزعجني دايمن ...


الا وهو المخشات الي على السياره ...

واليوم انا طالبكم ابي شي يوخر هذي المخشات <<<<تراني جربت نير مزيل صبغ الأضافر ولكن ماضبط ...

ماعلينا ابي شي عن تجربه لو سمحتو ...


وبعد لو فيه محلات تسوي طبقه حمايه وياليت اسعاره مع المحلات ...

علماً اني من ساكن الرياض ...

ادري ازعجتكم لكن شسوي السياره جديده ولونها اسود <<<<<يعني لو تكح عليها توصخت وتمشخت بعد ...


ادري ازعجتكم لكن شسوي ...


الله يوفقكم ...


وسلااام

[الملهوف]

الله يعطيك خيره ويكفيك شره


عزيزي حاول انك ماتكثر من استعمال المزيل


لأنه يروح اللمعه عن السياره


والأفضل انك تدخل السياره محل تلميع


بالتوفيق

[pontiac88]

جزاك الله خير اخوي الملهوف ...


وننتظر اراء الباقين ...


وسلااام

[o0 Creative 0o]

بسم الله الرحمن الرحيم

.. تذكرني بنفسي اول ما شريت سيارتي لأن كان لونها اسود ..

.. بس صدقني هي فترة وبعدين تنسى خلاص..يعني انا سيارتي مليانة خدوش صغيرة وصكات ابواب بس اكتشفت ان محد يلاحظها الا انا ..



.. عموماً جرب محلات التلميع..واذا ساكن في الرياض اقولك على محل رخيص شوي..توريه الخدوش ويشيلها ..

.. انا مره شلت عنده خدش طويل من الباب الخلفي للمرايا الجانبية بـ 20 ريال..واستخدم فيها مادة يقول جاية من امريكا وما تنباع ..


.. فانت جرب عند اي محل تلميع قلهم يلمعون مكان الخدش بس يعني مو لازم تلميع كامل ..


.. وسمعت بعد عن محلات تشيل الخدوش بالليزر بس ما جربتها ..


.. يعني صدقني السالفة بسيطة ان شاء الله..وبعد فترة راح تنساها زيي ..


تحياتي
CREATIVE

[FARES__KSA]

تلميع يروح كل المخوش او بالاصح البويه اللي جت على السياره يعني مو تقشير البويه
وبـ 10 او 15 20 حسب الطول
وبالتوفيق