يا جماعه ماهي عيوب الكابرس 96 ناوي اشتري بس ودي اتاكد
وعساكم سالمين
قناة السيارات
يا جماعه ماهي عيوب الكابرس 96 ناوي اشتري بس ودي اتاكد
وعساكم سالمين
عيبها يااخي انها صناعة امريكية ومن GMCواقولها مره ثانية وغير متعصب ومع العلم ان سياتي امريكية موديل 2000
ولماذا لا تكون ميزتها أنها صناعة أمريكية ( وليست أسترالية ) ؟؟ وأنها من GM وليست من شركة أخرى ؟؟
الأخ بدر7: السيارة جبارة وقوية جداً وشديدة التحمل وذات أداء رياضي رائع وراحة ركوب داخلية ممتازة.... فإذا كانت السيارة نظيفة فلا بأس... وقد يعتبر البعض أن استهلاكها للوقود عالي نسبياً مقارنة ببعض السيارات الأخرى وهذا صحيح...
وفقك الله,,,
اخوك خذ لك كابريس ss فل كامل بفتحة وجلد وراح ولونها أخضر زيتي وراح تعرف ويش معنى كابريس " نصيحة مني "
وهذي صورة :- رهيييييب بكل معنى الكلمة والاليت كابريس يعود يوما لاخبره بما فعل الـ ss
اشكركم جميعا على الرد واتمنى مشاركة المزيد ممن جرب هذا الموديل
أخوي bader7 الكابرس 94م 95م 96م كابرس عملاق أقوى سيارة في التحمل والقوة والمتانة
لكن
عندي بعض الاشياء يجب تعرفها زين وهي الكابرس 94م و95م و96م يوهق خاصة في السفر ويمكن يحرجك
في وقت أنت في غنى عنة والاسباب هي :
1- الديلكو وهو خرابة مفاجئ وهو غالي الثمن قيمتة (750 ) ريال غير شغل اليد والمصيبة لو أناك مسافر وخرب عليك ( مصيبة لو معك عائلة )
2- طرمبة البنزين كذلك تحرجك وهي تخرب فجأة من دون مقدمات وهذي مصيبة وأكثر ما يشيل أهل السطحات هو هذا النوع من الكابرس ...والقطع غالية شوي مثل البواجي 130 ريال
3-طرمبةالموية لكن تعطيك مجال تغيرها
والكابرس أنصحك موديل 93م فهو من احسن الموديلات الي يعتمد عليه الواحد في الخطوط وهذة المشاكل لن تراها في هذا الموديل 93م الجبار وكذلك قطع الغيار ببلاش مثل البوجي ( 30 ) ريال شف الفرق بين الموديلات؟؟
من موديل 81م الى 88م ثالث سيور ,,,, ومن 89م الى 2007م سير واحد وهو ألافضل ؟؟
موديل 94م 95م96م مراوح مستقلة وموديل 93م ومادون مراوح مكينة وهو ألافضل ؟
للمزيد أن مستعد
أبو محمد
انا كان معي كابرس موديل 95 كله خرابات في خرابات تدري ليش ؟؟
اول شي انه استخدام امريكي
الشي الثاني مغشوش فيه يعني راعيه مدحه لي وقالي انه افضل من الجديد مع اني مسوي فحص كمبيوتر لكن خرطي الفحص
وقسم اول كم يوم تقريباً اسبوع وش زينه بس بعدها والله من ورشه الى ورشه
انا من اكبر عشاق الكابرس الامريكي الحقيقي وليس الاسترالي لكن اذا بتاخذ اول شي خذ لك سعودي الشي الثاني افحصه عند ورشه متعامل معها وتعرف اللي شغالين فيه وتثق فيهم
والاخ مستشار اللي قلته يالغالي غلط عليك
شف الكداده وش سياراتهم ؟
كوابرس صابونه (الصفرا)
اللي يودي لـجنوب السعوديه وشمالها وغربها وشرقها
جداً جداً تتحمل وممتازه
لكن انصحك ان تتبع التعليمات اللي قلت لك ولك التوفيق
اخـوك مسترجمس
