جدول الصيانة الدورية من إعدادي (لومينا وكابرس)

[Revo]

السلام عليكم ورحمة الله وبركاته

في ملف الإكسل هذا

http://www.assayyarat.com/myimages/J...evo_WMsgIw.xls

وضعت لكم الصيانة الدورية اللي أسويها بسيارتي ..
وهي قابلة للخطأ والصواب لأني غير مختص بهذا المجال ..

وأنا ماشي على هالصيانة من 4 سنوات والحمد الله كل شيء تمام
أغلى شيء دفعته هو صيانة 120,000 كلفتني 2,100 ريال سعودي ..

لذا طرحته لكم ..
ليستفيد اللي على النيه من أمثالي ..

وليصححوها ويضيفوا عليها الخبراء من أمثالكم ..

(تنبيه نرجوا الإبتعاد عن الفلسفة الزايدة)

ولكم جزيل الشكر والتقدير

[GM__HOLDEN]

مشكور وماقصررت موضوع ممتاز جدا ً للي يحافضون على سياراتهم من ناحية الصيانات .. السؤال الحين : هل هذي نفس جدول صيانة الوكالة ؟؟

[المارودر 2004]

جزاك الله خير ووفقك الله على هذه البادره الطيبه

وان شاء الله يستفيدون اصحاب الكوابرس واللومينا من جدول المواعيد

[ماركيز-2003]

الله يعطيك العافية ماقصرت

[Revo]

مشكور وماقصررت موضوع ممتاز جدا ً للي يحافضون على سياراتهم من ناحية الصيانات .. السؤال الحين : هل هذي نفس جدول صيانة الوكالة ؟؟

بالنسبة للوكالة كنت أفحص عندهم أول 30,000 وكانوا يعطوني فواتير من 400 الى 700 ريال وماأشوف شيء ملموس كل كلامهم فحص فحص ..
واذا تبي تتفاهم معهم على السعر قالوا حنا وكالة ومايعرف لسيارتك غيرنا

وبعد كذا بديت أسوي الصيانة عند مراكز اي سي ديلكو أرخص بكثيييييييييير
وأحس وأنا أدفع الفلوس أني مقتنع جزئيا بالاسعار ..

على فكرة صيانة 120,000 عند الوكالة سعرها 4700 ريال سعودي ..
يعني تقريبا أكثر من الدبل بالنسبة لـ مراكز اي سي ديلكو اللي سويتها عندهم 2,100 ريال سعودي ..

أما عن جدول الصيانة اللي في الوكالة فهو يختلف عن جدول الصيانة اللي يجي مع السيارة ويقولون حنا أبخص

الجدول هذا أخذته من مشرف يعمل بـ اي سي ديلكو واثناء ماكنت أسولف معه ..
فبعد ماطلعت من عندهم أخذت ورقة وقلم وسجلت اللي قالي ..

لذلك طرحته لكم عشان تصححونها وتزيدوا فيها اذا كان فيه اي نقص ..
ويكون مرجع للكل ويصير الواحد يقدر يسوي الصيانة بأقرب ورشة يثق فيهم ..

ولكم مني تحية

[Revo]

جزاك الله خير ووفقك الله على هذه البادره الطيبه

وان شاء الله يستفيدون اصحاب الكوابرس واللومينا من جدول المواعيد

حياك الله وألف شكر على التقييم

[GM__HOLDEN]

طيب صيانة 60 الف بالوكالة وش يسوون ؟؟

[Revo]

الوكالة ممكن تمر تسأل الصيانة وش يسوون
ثم تعلمنا وش الفرق بينها وبين جدولنا ..

في جدولنا ال 60 الف تبي تفحص فيها :
فحص فلتر الهواء
تغير صفاية بنزين
فحص فحمات
فحص سير الماكينة
تغير بواجي

ويبي يسقط عنك
زيت وفلتر القير
لأنها كل 40 الف

في 120 الف تبي تجتمع عليك كل الصيانة المذكورة ..


أتمنى أسمع ارائكم واقتراحاتكم
تحياتي