اااه من صوت ماكينة الكابريس 2002 تكفون نبي حل من اهل الخبره

[Magellan]

خذها من قاصرها ياساري
الصوت مثل ماقلت من تكايات البلوف...
وإذا كانت مو من طرمبة الزيت فمعناتها الله يعينك على تحمل الصوت والتأقلم معه...
التكايات تغييرها يمكن يكلف 3000 ريال، لكن صدقني ماراح تستفيد تبي ترجع مره الثانية ..
وأرضى بالنصيب يرتاح الحبيب

[فني سيارات]

قد يفيدك تغيير نوعيه الزيت حط زيت 20= 50
من ماركات معروفة مثل موبيل او ماينصحك به الوكيل المعتمد

[thamer909]

كان معي كابريس 2001 وكان يطلع معي الصوت لما تطلع على خط وتدعس على السياره يعني الزيت يتحرك يروح الصوت ولما توقف السياره خمس دقايق يطلع مره ثانيه وصار من طرمبه الزيت غيرها وتشوف ممكن انها تشتغل بس الدفع مايطلع الزيت لتكايات
وشكرا

[Mobily]

أخوي ساري

انا كان معي كابريس 2002 وكان فيها نفس المشكلة
على فكرة هالمشكلة موجودة بس بمكاين الـ v8

ان تركتها الحين خليتها اربع الى ست شهور بتزيد معك المشكلة الى ان تصبح كالتالي:

تشغل السيارة الصباح تسمع صوت البلوف لمدة 15-20 ثانية بعدين شوي شوي يروح الصوت (وهذا كله صار معي بالاضافة الى صوت التكايات)

رحت لصاحبي ميكانيكي وغيرلي طرمبة الزيت كاملة لاحظ كاملة وليس ماهو بداخل الطرمبة فقط يعني لازم يفك بكرة الصدر وطرمبة الماء مع الرديترات ثم يفك كارتير الزيت من تحت ويفك طرمبة الزيت ويبدلها مع الشخار (ماسورة سحب الزيت للمضخة)
وراح الصوت شبه كليا
بقي صوت خفييييييييييييييييييييييييييف جدا جدا جدا للتكايات يعني لازم انك تفتح غطى الماكين وتقرب اذنك للمكينة عشان تسمع الصوت

والعملية تكلفك تقريبا 1800 ريال واذا انت بالرياض وتبي تروح لنفس الشخص اللي ساوالي السيارة خبرني

[moood]

حاس فيك وما تنلااام ياساري ،، صحيح فيه أحيان بعض الأصوات تكون غاااامضه مره ،، وصعب تحديدها أو توصيفها ،،

أتمنى ينحل موضوعك لأن فيه ناس هنا ماشاء الله عليها متمكنه في أمور السيارات وانشاء الله ماراح يقصروون معك ،،

أخووكم ،، أبو أحمد2

[ساري*]

الحمد لله وجدنا الحل

انتظرونا

[فرت 96]

أخي ساري حتى لو تغير التكايات لن يذهب الصوت هل تعلم لماذا؟

فيها عيب مصنعي من الوكالة نفسها موديل 2002 و2003 التكايات فيها الله بالخير

وشكرااااااااااااااا