قناة السيارات
السلام عليكم ورحمه الله وبركاته
ندخل بالموضوع على طول
في واحد من ربعي عنده قراند مركيز موديل 99 عداد اكتروني
الموتر امريكي ويقفل على 165 والرجال يبي يفتحه
يقول انه سمع في كمبيوتر يبيعونه حق فتح السرعه بس هو مو متأكد من هالمعلومه ولا انا بعد
واذا هالكلام صحيح بكم سعره ووين احصله ؟
اي بعد يقول ان خويه قاله عنده كمبيوتر حق دوريه يفتح لين 240 بس للأسف مايركب عنده لان طبلونه اكتروني
وهذاك حق العدادات العاديه
اللي عنده خلفيه عن هالموضوع ياليت يفيدنا واكون له من الشاكرين
رح الصناعيه .. كلم لك كم كهربائي وبتلقى الحل ...
خذ الامور بتدرج
وأسال الكهربائيين والميكانيكيين ..
ماااااااااااااااا انصحك وانا اخوك الفورد يخونك والله انا مجربه ونفس الموديل تراه خطير وخذ بشوري وانا اخوك
تحياتي
في معظم موديلات الفووووووورد يجي فيها كمبيوتر بالطبلون خلف الدرج
يعني فك الدرج اللي بالطبلون تلاقي الكمبيوتر على اليمين فيه سلك زي سلك اريال السياره اللي يجي بالمسجل أفصله راح تنحل المشكله ولكن الطبلون ماراح ماراح يتعدى سرعته 170 ولكن السياره بتتعدى ذلك وماراح تفصل معاك
ولكن ترى الفورد ما ينسرع فيه لأنه خفيف ومايرسي في الملفات ودى ناس كثير في داهيه
اللهم بلغت اللهم فاشهد
يعطيك ا لعافية أخوي مستر مووون ماقصرت على الخدمة الطيبة
بس اللي مافهمته من أخوي S E N I O R أن الفورد يخون كيف يعني يخون ------->> خاف الولد
ويعطيك العافية أخوي توماهوك على الشرح ماقصرت ووصلت النصيحة ، بس بعد عندي أستفسار بسيط لو سمحت
لو فصلت فيش السلك هذا مايأثر على الموتر ،، أو المكينه بمعنى أصح
وبعدين أنا بفصل الطبلون مو لأني كل يوم بمشي فيه 200 ،، لا ،، حق النحشات بس خخخ
وحق السيارات اللي تحاول تزعط علينا شوي من قد سيارتي يعني
وشاكرين لكم وعساكم ع القوة
تحياتي لكم
سيد الحب
المشاركة الأصلية كتبت بواسطة سيد الحب
يعطيك ا لعافية أخوي مستر مووون ماقصرت على الخدمة الطيبة
بس اللي مافهمته من أخوي S E N I O R أن الفورد يخون كيف يعني يخون ------->> خاف الولد
ويعطيك العافية أخوي توماهوك على الشرح ماقصرت ووصلت النصيحة ، بس بعد عندي أستفسار بسيط لو سمحت
لو فصلت فيش السلك هذا مايأثر على الموتر ،، أو المكينه بمعنى أصح
وبعدين أنا بفصل الطبلون مو لأني كل يوم بمشي فيه 200 ،، لا ،، حق النحشات بس خخخ
وحق السيارات اللي تحاول تزعط علينا شوي من قد سيارتي يعني
وشاكرين لكم وعساكم ع القوة
تحياتي لكم
سيد الحب
مرحبا اخوي
انا اقصد بكلمة يخون انه غير راسي حتى على السرعات المتوسطه 120 تقريبا
لذلك تحس انه راسي وهو غير ذلك <<<<< تراه مجرب الفورد وهي اول سياره وكاله لي انا يعني حقل تجارب بالنسبه لي
تحياتي
أخوي بيخونك من ناحية الزحف صح
هذا الشي معروف
مايسويها إلا المجنون بيزحف عليه في المنعطف إذا كان مسرع
وبعدين السيارة تزحف إذا كنت منزله يعني مطيحه هذا الشي بعد يساعد على الزحف وأنه يخونك مثل ماتقول
أنا منزل نص حبه من قدام وطبعا من ورى هيدرولك منزله شوي يعني أرتفاع بسيط عن قدام
ولا تنسى الدركسووون خفيف مرة أخف من الشفر لووت ،، مثل اللومينا والكابريس ،،،،،،
سرعة 120 ومو راسي وش بقي
ياأخوي إلى سرعة 160 ثباتة طيب
أنا معاك ثباته في المنعطفات يخوّف
والي يشتكي من رساوة الفورد ماركيز أو فكتوريا يركب مساعدات مونرو تعطي ثبات زيادة في الخط والمنعطفات (كلام مجرب)
وأنا أعتبر ثبات الفورد على وزنة وحجمة الكبير ثبات معقول
