قناة السيارات
السلام عليكم ورحمة الله وبركاته
بداية كنت متردد بين الاكسبلولر والماونتنير خصوصا ان الماونتنير ارخص واكثر تجهيزات
فتوجهت لوكاله فورد وسالت الموظف وش الفرق بين الاكسبلولر وليه غالي عن الماونتنير قال حاجتين :
1- الاكسبلولر فيه دبل ثقيل
2- سبب ارتفاع سعرة هو اسم الوكيل (تماما مثل يوم تشتري جوال نوكيا مشاعل الخليج وتلقاة يفرق عن جوال نوكيا من موزع اخر مع ان الجوال واحد )
انا شريت الماونتنير لانه يفرق بالسعر والفخامه والله سيارة رزة تمشي 180 ماتحس انك تمشي بالاضافه الى استهلاك الوقود منخفض مقارنه بالجيوب المشهورة اما سبب نزوله فهو ليس عيب فكل ما اصبح الموتر مرتفع عن الازلفت ازداد نسبه انقلابه في اي لحظه وايضا تستطيع رفعه بتغير الاطارات او المساعدات (نظام التعليق )
حقيقه من زود حبي للسيارة اخذتها للبر وطلع معي واحد مشهور في الجيوب والله انه يتفاجأ من امكانياته وراحته حتى بالمطبات والحفر تحس ان السيارة يبقى لها شوي وتتكلم والله تتحس الطريق وتشوف الانظمه تشتغل كأنك بطيارة مجهزة بــ اعتى العتاد لمواجه ظروف الطريق 0
حينما سرنا قلت اجربه في منعطفات بمنطقه الشفا بالطائف شديده الانحدار اول شيء احسسته وانا نازل مع هذا المنحدر طقطقه على دواسه الفرامل ثم تظهر لنبه برتقاليه الشكل عليها صورة سيارة منزلقه وهذا مايسمى بادفانش تراك لتزيد من ثبات السيارة وعدم تزحلقها من المنحدرات الصخريه ثما سرنا بالنزول الى ان وصلنا الى القاع وعند العوده والبدء في الصعود احسست دفع المحرك المتناغم مع الهيكل وتذكرت كلام الاخوة عندما قالو ان عزمه ضعيف وخشيت انه لايستطيع الصعود لكن تفاجأت بقوة كامنه تدفعنا الى الاعلى مع بعض الملاحظات التي كنت اسال عنها صديقي لماذا يفحط وهو يصعد في بعض المنعطفات وكان يضحك قال اما ان الاطارات لاتناسب الصخور او تحتاج الى دف لوك (قفل الدفرنس الوسطي ) او ان ان دعستك ثقيله
وفي اليوم التالي ذهبنا الى منطقه رمليه لتجربته
كلي حماس واخذنا بالصعود والنزول وحقيقه كان ماعليه كلام في الرمل المتوسط والخفيف الى ان وصلنا الى منطقه سقطنا فيها والسبب اننا كنا نمشيء على مهلنا والكفرات كان هواها 50 وبالفعل طلعنا منها ولله الحمد واستفدت خبرة تنسيم الكفرات وهذا عامه في اكثر الجيوب (ملاحظه رجعت لكتيب السيارة وجدت انه يقول لابد من اطفاء نظام الثبات ادفنس تراك(زر عليه صورة سيارة متزحلقه ) عند النزول للبر لانه يثقل السيارة ويساعد على تغريزها طبعا بسرعه اقل من 80كم اما اذا زادت السرعه فهو سوف يعمل اتوماتيك دون تدخل منا )
--------- الخلاصه ---------
لكل من اراد ان يشتري سيارة فعليه ان يحدد ماذا يريد منها اذا كان يعيش في الصحراء ولايمسك خطوط الانادرا فالافضل جيب الشاص الشنب لاند كروزر او ربع شراع
اذا كان في المدن ونادرا ينزل البر والمطامر فالافضل له الماونتنير بدون ترردد لانه سيارة فخمه وثابته على الطرقات وتشيل العائله وتوفر بنزين
ملاحظاتي على سيارتي ماونتنير 2007
1- الاطارات غير مصممه للبر مثل اكثر الجيوب
2- يحتاج دف لوك لمن يريد النزول الى الصحاري والكثبان العاليه مثله مثل بقية بعض سيارات الدفع الرباعي الجيوب
3- الوكيل غير منتشره فروعه بشكل كبير
4- مثله مثل السيارات الامريكيه الحرارة تثبت على النصف (يقولون عايدي بس انا مو مقتنع )
5- الفرامل لاتمسك بشكل جيد يمكن لانها دفع رباعي وطبعا هذا عيب الدفع الرباعي بشكل عام 0
---------------
مميزات الماونتنير
1- الثبات على الطرقات وهدوء المقصورة مافيه تنسيم هواء وصوت المحرك ناعم مقارنه بالبليزر 0
2- التحكم بالمقود بشكل سلس ومفيه فراغ وتمايل اثناء هبوب الرياح مقارنه باكثر الجيوب التي تتمايل عند اصدادمها بالهواء وهي على الازفلت لاني ركبت مع واحد لديه جيب مشهور ومن شركه مشهورة والله انه يتمايل في الهواء على الطريق 0
3- خاصيه توفير الوقود سواء في الشوارع او على الطرقات الطويله يكفي انه بنزين 91 تعبيه فل بــ 35ريال ويمشيك من 450 الى 500 كم وهي تعتبر من السيارات الاقتصاديه مقارنه بمثيلاتها 0
4- المكيف جباااار وفيه فتحات تهويه الى اخر المقصورة مما يساعد على سرعه التبريد داخل المقصورة (بعكس اكثر الجيوب التي لاتحتوي على فتحات للمقاعد الخلفيه )
5- وجود ايرباك امامي وجانبي وخلفي 6 ايرباك لحمايه السائق والراكب وحساسات تستشعر اذا يوجد ركاب في الخلف لتفتح بالونات السلامه 0
6- وجود ديكور مذهل داخلي ولمسات فنيه توفر سهوله تنضيفه من الغبار وتوفر المقاعد اما من نوع الجلد او المخمل والتي قل ان نجدها في اكثر سيارات 2007 التي اصبح تشطيبها مجرد قطع تجاريه تتفكك بسرعه
7- استخدامهم لشاص قوي يحيط بالسيارة بالذات في المقدمه تجعلك تحس بالامان ومع ذلك تشعر بخفه السيارة وكانها دفع امامي
8- تفننهم في وضعية المراتب الخلفيه وجعلها تميل الى الوراء بشكل اكثر لراحه الركاب في الخلف (لاني وجدت الباثفايندر ومعظم الجيوب من اشد عيوبه هو ان المراتب لاتميل بشكل مريح للخلف كأنك تركب هايلوكس ورى )
9- ملاحظه يلاحظها من يدخل منعطف بسرعه وهي ان السائق لايندفع الى حضن الراكب من شده الميلان واكتشفت انها بفعل نظام الثبات المركب على السيارة والذي يقلل تسارع بعض الاطارات على حسب احتياجها ويققل من نشوء زيادة القصور الذاتي (dvanceTrac® with Roll
Stability Control (RSC)
وشكرا لكم على التواصل
المشاركة الأصلية كتبت بواسطة أبو نايف 2007
