مدري هي دبة تلوث ولا الكاتم !!!

[ROTO7]

السلام عليكم


اخواني عندي مشكلة واستفسار بطرحة لكم


انا كنت على خط الرياض الخرج السريع وماشي 160 حد الطبون

وبعدين خففت السرعة عشان المحطة وقفت وانا يوم نزلت من السياره

اسمع صوت يطلع من الشكمان وعوعوعوععوعووع وتحديدا بالكبوت انا قلت يمكن الشكمان يبغى تلحيم وعندي لمبة داخل السياره ولعت مكتوب عليها سيرفس انجل سووون
ويوم وصلت للصناعية بالخرج
شيك حق الشكمانات وقالي هذا عندك الكاتم مسكر ومسدوود وسوى ضغط على الماسوره وانفجرت
قللتلة والحل
قال افكها لك واركب بدالها ماسوره قلت على بركت الله

ووبعد ساعة تقريبا
خلص
واشغل السياره وإلا اللمبة شغالة
وصوت السياره صار يطلع مع فتحت الشكمان
كأنة كابرس قديم وبعدين وانا ماشي مهدي احس ان في ونة من الشكمان تحتي
اخواني وش حلها؟؟؟ تكفوون

[<نمر>]

ايش السيارة و موديلها و هل هي استعمال امريكي او سعودي

بالنسبة للمبة فحص المحرك تاكد بالكمبيوتر ان سببها فقط حساسات الشكمان لانك ازلت دبة الثلوث
و بعد كذا طنشها

[ROTO7]

جمس مودي 99 وراد امريكي

طيب يقولي ان الحساس بمحلة

طيب صار صوت السيار ه مزعج نوعا ما

[ROTO7]

على فكره حط لي مااسوره بدال الدبة

لكن والحل الصوت مزعج هل تنباع دبة التلوث؟ في قطع الغيار ؟
لاني مااا اقدر امشي بهذا الحااال

تكفوون الحل

[<نمر>]

من ناحية الحساس

لقياس التلوث يحتوي الشكمان حساسين اكسجين ( الكلام ينطبق على كلا الجهتين كون المحرك شكل V )
واحد قبل دبة التلوث يقراء نسبة الاكسجين في العادم الخارج مباشرة من السلندرات و هو مهم لضبط نسب الوقود و الهواء و توقيت الشرارة و عمل المحرك بالصورة المثلي و هذا موجود في جميع السيارات حتى المواصفات السعودية و لا غنى للسيارة عنه

الحساس الثاني مثل الاول لكن يجي فقط في الموصفات الامريكية و موقعه بعد دبة التلوث و عمله فقط التاكد من عمل دبة التلوث
المفروض كمية الاكسجين تقل بنسبة معينة بعد دبة التلوث لان نسبة منه تستعمل في اكمال احتراق المواد غير تامة الاحتراق
اذا لم تقل كمية الاكسجين بنسبة محددة يعرف النظام ان دبة التلوث لا تقوم بعملها على الوجه الامثل

انت الان ازلت الدبة سواء فرغتها او قصيتها و حطيت ماصورة فالحساس راح يقراء نفسة قراءة الحساس الي قبل الدبة بمعنى ان دبة التلوث لا تقوم باي عمل فاكيد راح تلوع اللمبة حقت فحص المحرك


من ناحية الصوت
سعر دبات التلوث بالعموم غالي شوي الاصلي اسال عنها و ممكن تدور بديل و طني
يفيدوك الشباب

بالتوفيق

[ROTO7]

مشكوور اخوي نمرر والله يعطيك العافية


احس ان مافي إلا انت ترد على موااضيعي يعطيك الف الف عافية

[فني سيارات]

اعتقد للمبه هي للخدمة القادمة وهي لاتهم بما انك تبدل زيت وتعمل صيانه و الفرق ان في الوكاله يزولون اللمبه بعد تقديم الخدمة

بنسبة اللي حصل لك انك حطيت ماسوره و طبيعي يطلع عندك مثل هذا الصوت ولرجوع الى صوت هادي ركب دبه تلوث جديدة
و السلام

هذا و الله اعلم

[Magellan]

من ناحية الحساس

لقياس التلوث يحتوي الشكمان حساسين اكسجين ( الكلام ينطبق على كلا الجهتين كون المحرك شكل V )
واحد قبل دبة التلوث يقراء نسبة الاكسجين في العادم الخارج مباشرة من السلندرات و هو مهم لضبط نسب الوقود و الهواء و توقيت الشرارة و عمل المحرك بالصورة المثلي و هذا موجود في جميع السيارات حتى المواصفات السعودية و لا غنى للسيارة عنه

الحساس الثاني مثل الاول لكن يجي فقط في الموصفات الامريكية و موقعه بعد دبة التلوث و عمله فقط التاكد من عمل دبة التلوث
المفروض كمية الاكسجين تقل بنسبة معينة بعد دبة التلوث لان نسبة منه تستعمل في اكمال احتراق المواد غير تامة الاحتراق
اذا لم تقل كمية الاكسجين بنسبة محددة يعرف النظام ان دبة التلوث لا تقوم بعملها على الوجه الامثل

انت الان ازلت الدبة سواء فرغتها او قصيتها و حطيت ماصورة فالحساس راح يقراء نفسة قراءة الحساس الي قبل الدبة بمعنى ان دبة التلوث لا تقوم باي عمل فاكيد راح تلوع اللمبة حقت فحص المحرك


من ناحية الصوت
سعر دبات التلوث بالعموم غالي شوي الاصلي اسال عنها و ممكن تدور بديل و طني
يفيدوك الشباب

بالتوفيق

نمر مشكور على الشرح الطيب،،،
سؤالي هل بإمكاني فصل حساسات الشكمان بعد الدبة وتلزيقها بالشاص بحيث يقرأ الكمبيوتر معلومات مضللة وبالتالي فعندها اللمبة لاتٌضيئ
يعني نخلي الحساسات يشمن الهواء الطلق بعد فكهن