استفسارت --- > بخصوص مزاد اللوح المميزة في الرياض
بسم الله الرحمن الرحيم
تحية عطرة .. ومساهم الله بالخير
نخش الموضوع دايركت :)
قدر الله علي وطحت بحب الهوندا اكورد
وانشالله اذا ربي كتب لنا الحياة , ابطلع وحدة فل كامل الاسبوع الجاي
وطقت براسي اني اجيب لوحة مميزة
قالولي الشباب راجع مزاد المرور , اسعارهم مرة مناسبة ولوحة تطلعها على يدك
سألتهم ..
وين مزاد المرور ذا فيه ؟؟
قالوا ما ندري !!
الله يجزاكم خير يا شباب الي يعرف اي شئ عنه يا ريت يساعدني
واذا كتبلي الاجراءات من الالف الى الياء راح اكون له من الشاكرين :)
بانتظار ردودكم وتفاعلكم
اخوكم - طارق
رد: استفسارت --- > بخصوص مزاد اللوح المميزة في الرياض
اعتقد ان كل مزاد يسبقه اعلان على جدران ادارة المرور....
اخبر يوم رحت ابغى لوحة طويلة للاكورد لقيت اعلان حق لوحات م م م وارقام مميزة..... بس الكلام هذا قبل سنه تقريبا والله اعلم..
رد: استفسارت --- > بخصوص مزاد اللوح المميزة في الرياض
اتمنى انك تروح ادارة المرور اللي بالرياض وتسأل ...؟؟؟
رد: استفسارت --- > بخصوص مزاد اللوح المميزة في الرياض
تسلم والله اخوي ميدو مشاكل
واعتقد رأيك هو عين العقل :)
تحية عطرة لشخصك الكريم
رد: استفسارت --- > بخصوص مزاد اللوح المميزة في الرياض
سلام انا مطلع لوحه قبل اسبوعين وكانت مميزه بسعر 1300 ريال وترا المزاد كل اثنين من كل اسبوع ويكون كل اسبوع لوحات ثانيه وبس
والله يعطيك خيرها ويكفيك شرها في السياره واللوحه
رد: استفسارت --- > بخصوص مزاد اللوح المميزة في الرياض
8
8
8
تعال تعال :)
اول سؤال انت من الرياض ولا من وين ؟!؟
ثاني سؤال : اي مرور رحت ؟؟
ثالث سؤال : لوحتي القديمة وش اسوي فيها ؟ اسقطها ولا شلون ؟
يعني كيف الاجراءات ؟
>>>>> حسيت اني غثة
تسلم والله اخوي , وسعر اللوحة مرة مناسب
جزاك الله خير وانا بانتظارك
رد: استفسارت --- > بخصوص مزاد اللوح المميزة في الرياض
رد: استفسارت --- > بخصوص مزاد اللوح المميزة في الرياض
معليش على التاخير اخوي
ايه انا من الرياض وطلعتها من دله الي في الشمال
انت تقول انه موترك بطلع بعد اسبوع قل للوكاله لاتتطلعون لوحات للموتري وخذ منهم البطاقه الجمركيه اذا اشتريت اللوحه من المزاد
ثاني يوم الصبح تروح مرور الناصريه تعطيهم البطاقه الجمركيه يعطوك اللوحه واستماره السياره وبس