رد: رابطة ملاك مازدا 6 موديل 2014
الأخ / maab
لو الفلـوس عندك كـاش عطه اياها وش المشكلة
الا اذا كنت تفكر بسيارة ثانيه هنا اقول لك لا تعطيهم
لكـن اذا انت مو مستعجل و الفلوس اذا عطيتهم اياها كاش ماتضيق عليك
عطهم الفلوس .. وانتظرها ..
وبصراحة اليـن بدأ يرتفع وممكن سعرها يرتفع بعد العيد هذا والله اعلم
لكن هذا كلام ناس ..وممكن اشاعه مغرضه من التـجار !!
عندك حل ثاني ..وش اقرب مدينه لك ..رح لها او ارسل احد فيها يعطي الوكاله هنـاك عربون و يكتب إيصال بأسمك وتنتظر
رد: رابطة ملاك مازدا 6 موديل 2014
اخوي إرستقراطي
اولا اشكرك على ردك واهتمامك
اخوي المشكلة السيارة لسى ماهي عندهم الدفعة ما وصلت فأخاف ادفع ويمرمطوني بعدين يقولو والله اتأخرت انتظر وانا مابي ادخل معهم في مشاكل فقلت ادفع عربون لاكن ما وافقوا
كمان انا فكرت في الاكورد واحتمال اذا ماجت المازدا بعد العيد اشتريها
رد: رابطة ملاك مازدا 6 موديل 2014
اقتباس:
المشاركة الأصلية كتبت بواسطة إرستقراطي
كابتن سلو
انا اشهد ان السيارة اقتصاديه جدا ً ماشاء الله تبارك الله خصوصا ً الستاندر
عبيتها فل احمر بـ 38 ريال وكانت ماتمشيني الا ثلاثه كيلو حسب شاشة المعلومات
اول ماعبيتها نقزت المسافه إلى 970 كيلو تقريبا ً
انا امس طلعتها بالليل بعد التراويح والان ماشي عليها 150 كيلو ولحد الان فـل مانزل المؤشر ..!!
طبعا ً انا مغير الاعداد وحاطه على متوسط السرعه لاني نفسيا ً انغث
كل ماشفت عداد الكيلوات المتاحه حسب الوقود تنقص !!
انا قبلها كان معي جراند ماركيز و جمس سييرا
الماركيز عطيته اخوي و الجمس ماحركته وكرهته من شريتها
شكله بيعفـن عند البيت وهو ماتحرك ..الله يقطعه ياهو يشرب البنزين ومايقول أح !!
على العموم حاول قدر الامكـان انك تخلص البنزين بسرعه عشان تعبي 95
وتجرب السياره بعده وتشوف اداءها عشان لو فيها خلل بسيط يعدلونه لك
تخبر حنا مقبلين على العشر الاواخر و العيد ومانت فاضي تراجع وكاله بالعشر الاواخر
عجل عجل ياشنب
انا معي الفل كامل واعبيها 95 ب32 ريال اذا كان تانكي النزين مخلص !!
كيف تعبيها ب 38 ؟؟
رد: رابطة ملاك مازدا 6 موديل 2014
HMoooDy95
أنا يوم أعبيها كـان ماباقي بها الا اربعه كيلو او اقل عشان تقطع
يعني اللي فيها مايجي 100 مليلتر من البنزين او اقل ..
يعني الخزان فااااااااااضي على الأخير
و عندنا بحايل لتر البنزين الأحمر بـ 63 هلله .
وعداد البنزين وقف عندي على 60 لتر بالتمام والكمال ..و السعر 38 ريال
وعليك الحسبه 60 × 0.63 = 38 ريال
يمكن انت كان فيه شي بسيط من البنزين و البنزين عندكم ارخص
رد: رابطة ملاك مازدا 6 موديل 2014
بسم الله الرحمن الرحيم
اول شئ الف مبروك لكل من اشترى السيارة اخوي/ Ahmadtatاشكرك على فتح هذا الموضع اول نقطة بأتكلم عنها هي البنزين الافضل انك ماتعبيها الا احمر 95 طبعا زي ماتفضل الاخ/ إرستقراطي ان الوكالة ينصحون بهذا وانتبه من المحطات الخايسة الي تخلط بنزين لأني قبل اسبوعين او ثلاثة عبيت السيارة من محطة من المحطات الخايسة وطلع خالط البنزين وبعد فترة ولعت لمبة حساسة المكينة طبعا استغربت وانتظرت لليوم الثاني ورحت للوكالة عشان اعرف اش الحاصل بالظبط دخلتها الصيانة جلست عندهم ساعة ونص يوم رجعت قالولي ان البنزين مخلوط يعني احمر واخضر خله لين يفضى التانكي وعبه من جديد وبتطفى اللمبة وبالفعل والسيارة مافيها الاعيوب بسيطه يعني عندك عزل الهواء لك عليه من بعد 160 كم والبعض لا يعتبره عيب في السيارة ايضا لايوجد حساسات خلفية ممكن يجيني واحد ويقولي الكميرا تقوم بدور الحساسات ولاكن بالنسبة لي الحساسات مهمه من وجهت نظري ومثل مايقولو الزين ما يكمل حلاه وغير ذالك السيارة مميزة بكل ما تحمله الكلمة من معنى وتستحق كل ريال يندفع فيهاوالاخ/maab حاول قدر ماتسطيع انك ماتعطيهم الا عربون لأني طلعت السيارة اقساط ما استلمتها الا وقد بدأ القسط من عشر ايام واسف على الاطالة اتمنى انتكون المعلومات مفيدة.
رد: رابطة ملاك مازدا 6 موديل 2014
#
الرجاء الانتباه من اعطاء الوكالة المبلغ الكامل , هذي مخاطرة واستغفال للعميل , اجل يبونك تعطيهم المبلغ كامل والسيارة مابعد جت ولا يعطونك موعد محدد , لا تعطيهم ابداً المبلغ كامل وانتظر لين ماتوصل , اكتفي بالعربون ان وافقوا , وان ماوافقوا , فلوسك عندك وسياراتهم عندهم , والله لا يحدنا على احد
والله يبارك للجميع , ياليت الاخوان الي يعبون بنزين 91 يعلمونا عن وضع السيارة معهم وبكم يعبون فل
لاني خايف ان المازدا اكثر شيء يناسبها 95 , مع العلم انه كثير ممن اعرفهم سياراتهم ممتازة ويستعملون 91 , وبعضهم يملك : ماليبو 13 وتورس 13 وايدج 12 , وكل سياراتهم ماشية تمام
فـ ودي نعرف اكثر عن المازدا , وماهو شرط ان الي تنصح فيه الوكالة كبنزين انه هو الافضل , بعض الوكالات تسأل موظف يقولك 91 , تسال الموظف الي جنبه يقولك 95 !!
بالتوفيق
رد: رابطة ملاك مازدا 6 موديل 2014
حياك الله يا شارلوك !!
بالنسبه للبـنزين ماعمري عبيت 95 على اي سياره من سياراتي من طلع بنزين 91 !!
لكـن انا قررت ما اعبي المازدا الا 95 ..
اولا ً لان الوكاله نصحونـي بـ هالشي عشان يكون اداء المحرك افضل فقط لا غير .
ثانيا ً ..مافيه فرق بين فل 95 و 91 الا سبع ريالات
مع العلم ان الفل وسط الديره ممكن يمشيك فوق 900 كيلو !!
يعني لو تقطع كل يوم 100 كيلو .. تجلس معك تسع ايام بالراحه وتعبي اليوم العاشر
رد: رابطة ملاك مازدا 6 موديل 2014
حياك يا اخ يزيد
والله فعلا ً كلامك صحيح و اتمنى من الاخـوان يضعون كلامك في اعتبارهم !
يا اخوان لاحد يعبي بنزين الا من المحطات الجديده اللي مضخاتها فيها فلاتر
انتبهوا تعبون من محطات قديمه
ولاحد يقول من فاضي هذي اقرب لي مايضرها ان شاء الله
صدقوني ياما ناس خبطت مكاينهم بسبب بنزين محطات ابو كلب !
جزاك الله خير يا اخ يزيد على تذكيرنا بـ هالنقطه المهمه جدا ً