تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
بسم الله الرحمن الرحيم
من زمان عن كتابة التقارير في المنتدى لكن بسبب ظروف العمل ومشاغل الحياة ابعدتنا شوي لكن كورونا زارتني هذا الاسبوع ومضطر للبقاء في الحجرالمنزلي نسأل الله السلامه لي ولكم من هالفيروس
قلت من الافضل اسوي تقرير عن سيارتي شفروليه امبالا موديل 2015 بعد ان قطعت مسافة 200 الف كيلو خلال 6 سنوات
وهذا التقرير يعتبر امتدادا للتقرير الاول اللي سويته بعد ان مشت سيارتي 100 الف كيلو وهذا رابط التقرير الاول:
https://www.assayyarat.com/forums/t324203.html
يعتبر التقرير الجديد خفيف لطيف ينقل تجربتي الشخصية للسياره بكل حياديه وبدون تعصب
اعتذر عن عدم وجود صور للسياره بحكم مااقدر اطلع من البيت بسبب كورونا ولكن هي نفس هذه الصورة موديل 2015 فئة LTZ تعتبر اعلى فئه في امبالا
راح ابدا من الصيانة :
بعد انتهاء ضمان السياره على ممشى 90 الف كيلو صرت اسوي صيانتها كل 10 الف كيلو في البنشر اللي جنب بيتنا
اشتري من الوكاله فلتر هواء اغيره كل 20 الف كيلو بقيمة 65 ريال تقريبا
وفلتر زيت ( سيفون ) بقيمة 24 ريال مع كل تغيير زيت اسي ديلكو 10 الاف كيلو بتقنية DEXOS
وفلتر المكيف اغيره كل 40 الف بقيمة 165 ريال
وزيت الفرامل اغيره كل 40 الف كيلو
بالنسبة لزيت القير اغيره كل 70 الف كيلو في الوكاله بقيمة 400 ريال
قطع السياره واسعارها:
جيت اغير قطعة الكروم حقت الليد الامامي للسياره لقيت سعرها في الوكاله 550 ريال تقريبا
سحبت عليهم واشتريتها من النت بقيمة 180 ريال شامله الشحن
المساحات اشتريها من الوكاله بقيمة 170 ريال
الزينون احترق اشتريته من امازون للشمعه الوحده بقيمة 280 ريال لان سعره في الوكاله 1150 ريال
الاسطب الخلفي صدمه واحد والسياره واقفه رحت الوكاله نسيت كم قالوا سعره لكن فوق 2000 ريال
رحت اشتريته من كيلو 2 في جده بقيمة 420 ريال
العيوب اللي لاحظتها:
اضاءة السياره سيئه ماتفرش الخط ونصحوني اغير العدسات لكن كسول وماعندي وقت
صوت في الطبلون تحت الشاشة بعد مامشت السياره 190 الف صار يطلع صوت اهتزاز في تخشيبة السيارة
تبريد المراتب وجوده مثل عدمه مامنه اي فايده مجرد مروحه صغيره تحت مرتبة السائق والراكب
واخيرا السياره الحمد لله ماندمت على شرائها ماخليت فيها ديرة او خط فزتها قويه مكينتها كفو وممتعه جدا في القيادة
طبعا تعودت على جنوط 20 وصارت ماتفرق معي صرت استمتع في كل مشوار اطلع فيه بالسياره
اعتذر عن عدم ترتيب الموضوع بالشكل اللائق لكن المهم الفكره وصلت وتفيد أي انسان مقبل على شراء امبالا مستعمل بحكم انها توقف انتاجها من عام 2019
في انتظار اي اسئله او نقاش وتقبلوا تحياتي
رد: تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
قبل كل شئ طهور ان شاء الله ترجع مشافا معافا بالسلامة وماشاء الله تبارك الله سيارة ممتازه افضل بكثير من شقيقتها الكابريس الاسترالية اللي في الاساس هي هولدن سيستمان واختها الثانية كمودور اللي هي اللومينا اللي توقفت في 2010 الصيانة قبل كل شي وفي الوقت المحدد يطيل عمر السيارة المحرك هو نفسه الموجود على الترافيراس والأكاديا واتفق معك الوكلاء يرفعون اسعار قطع الغيار بنسبة 35 بالمئة وليس وكلاء السيارات الامريكية الجميع بلا استثناء لأن هذا هو الربح اللي يتحصلون عليه وحصلت معي وعرفت اتصرف شكرا لك على التقرير المختصر وعقبال النصف مليون كيلو
رد: تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
اقتباس:
المشاركة الأصلية كتبت بواسطة SAHERR
قبل كل شئ طهور ان شاء الله ترجع مشافا معافا بالسلامة وماشاء الله تبارك الله سيارة ممتازه افضل بكثير من شقيقتها الكابريس الاسترالية اللي في الاساس هي هولدن سيستمان واختها الثانية كمودور اللي هي اللومينا اللي توقفت في 2010 الصيانة قبل كل شي وفي الوقت المحدد يطيل عمر السيارة المحرك هو نفسه الموجود على الترافيراس والأكاديا واتفق معك الوكلاء يرفعون اسعار قطع الغيار بنسبة 35 بالمئة وليس وكلاء السيارات الامريكية الجميع بلا استثناء لأن هذا هو الربح اللي يتحصلون عليه وحصلت معي وعرفت اتصرف شكرا لك على التقرير المختصر وعقبال النصف مليون كيلو
.حياك الله اخوي محمد وجزاك الله خير على دعواتك الطيبة
الوكلاء احسن حل اسحب عليهم الا في الشي الضروري
شاكر مرورك محمد
رد: تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
ماشاء الله تبارك الله
عسى الله يبارك لك فيها و في حلالك
سيارة جميلة الامبالا فعلاً ، كيف عزل الهواء و العزل الارضي معاك فيها ؟
و استغربت من الانوار ، واضح انوارها قوية ما توقعت انها ما تضئ الطريق كامل
رد: تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
اقتباس:
المشاركة الأصلية كتبت بواسطة ..][ ح ــياة التــم ــيز ][..
ماشاء الله تبارك الله
عسى الله يبارك لك فيها و في حلالك
سيارة جميلة الامبالا فعلاً ، كيف عزل الهواء و العزل الارضي معاك فيها ؟
و استغربت من الانوار ، واضح انوارها قوية ما توقعت انها ما تضئ الطريق كامل
حياك الله ياسهيل
الله يبارك فيك وفي ايامك
بالنسبه للعزل ممتاز القزاز مدبل وعزل الهواء ممتاز حتى السرعات 130 بعدها يصير جيد
العزل الارضي مع جنط 20 اعتبره جيد الا في الشوارع المسفلته التعبانه يكون مزعج جدا
الانوار قويه لكن في الانتشار على الخط سيئه والسبب في العدسات عشان كذا مااقدر اشغل العالي يفتح لي الخط لان راح اعمي خلق الله ونخاف من الدعاوي
رد: تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
الله يبارك لك فيها سيارة ممتازة بالنسبة للأضاءة الامامية ركب عدسات كيو5 راح يختلف معاك الوضع بصورة كبيرة
رد: تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
اقتباس:
المشاركة الأصلية كتبت بواسطة لايف ستايل
الله يبارك لك فيها سيارة ممتازة بالنسبة للأضاءة الامامية ركب عدسات كيو5 راح يختلف معاك الوضع بصورة كبيرة
الله يجزاك خير وكثير نصحوني بالعدسات هذه وان شاء الله اذا لقيت وقت فاضي احاول اركبه على السيارة
رد: تقرير 2 : تجربتي الشخصية امبالا 2015 بعد 200 الف كيلو في 6 سنوات و 4 شهور
حقيقة تقرير مميز و منصف
الامبالا نوع من الغزلان سريع جدا
وهذه السيارة قوية و سرريتعة على الطرق
ادائها محترم