دخول الماء للسيارة، فورد اكسبلور
السلام عليكم ورحمة الله وبركاته،
معي فورد اكسبلور،
خليجي موديل ٢٠٠٨
دخل فيه ماي،. مشيت بوادي ووصل مستوى الماي لنص الباب،
السيارة على طول بندت"طفت"
طبعا بعد يوم، نزلت زيت المحرك،، وكان فيه ماي، واستبدلته بزيت جديد،
بس لما اشغل السيارة،. يجي صوت بالمحرك او من وين ما اعرف
الصوت الي يطلع " تك تك تك تك"
يعني صوت تكتكه
ايش الحل؟
هل يحتاج استبدل زيت الجير؟
رد: دخول الماء للسيارة، فورد اكسبلور
اكثر الفوردات يا Almahdori فيهم تكتكه اول ما تدق سلف....تقبل مروري
رد: دخول الماء للسيارة، فورد اكسبلور
ما اعتقد انه الماء اثر على السياره ...تقبل مروري
رد: دخول الماء للسيارة، فورد اكسبلور
.
عليكم السلام ورحمة الله
يالغالي مشكلة الماء اهم شي لازم تنبه له عدم دخول الماء من خلال فلتر الهواء لان عن طريقه يدخل الماء للمكينه
ومن خلال كلامك تقول لقيت ماء بزيت المكينه وهذي دلاله دخول الماء عن طريق الفلتر
انصحك بالتالي
1- تنظيف حساس الهواء والكويلات بمنظف الكترونيات
2- تبديل البواجي
والافضل التوجه لورشه لجل عندهم طريق لخروج الماء من المكينه
بالتوفيق
رد: دخول الماء للسيارة، فورد اكسبلور
اقتباس:
المشاركة الأصلية كتبت بواسطة وحيد الشماسية
اكثر الفوردات يا Almahdori فيهم تكتكه اول ما تدق سلف....تقبل مروري
اهلين اخي
لا لا ما فيه
بس لانه الماي دخل من الجزوز
رد: دخول الماء للسيارة، فورد اكسبلور
اقتباس:
المشاركة الأصلية كتبت بواسطة altimaemh
.
عليكم السلام ورحمة الله
يالغالي مشكلة الماء اهم شي لازم تنبه له عدم دخول الماء من خلال فلتر الهواء لان عن طريقه يدخل الماء للمكينه
ومن خلال كلامك تقول لقيت ماء بزيت المكينه وهذي دلاله دخول الماء عن طريق الفلتر
انصحك بالتالي
1- تنظيف حساس الهواء والكويلات بمنظف الكترونيات
2- تبديل البواجي
والافضل التوجه لورشه لجل عندهم طريق لخروج الماء من المكينه
بالتوفيق
اهلا اخي الكريم
شكرا لردك وشرحك
لما نزلت زيت المحرك،، نزل ماي معه كثير،
تقصد البواجي الي هنه البلكات plug او
وصوت الطقطقة الي بالمحرك ما يكون سببه الماي،،
لأنه نفس الشي كان يطلع ما من الجزوز لما شغلنا السيارة
.
رد: دخول الماء للسيارة، فورد اكسبلور
البواجي اللي هي البلاكات
ذكرت موضوعك انه في صوت تك تك تك بعد دخول الماء فما تقدر تجزم بانه صوت المحرك مش سببه الماي طالما الصوت ياك بعد دخول الوادي!!!!
انا اقترح انك تتبع نصيحة الاخ Altimaemh
رد: دخول الماء للسيارة، فورد اكسبلور
ليس شرط ان تكون التكتكه سببها اختلاط الماء بالزيت
احتمال عدم عمل احد السلنرات لاسباب اخرى
انصحك بحصر مصدر العطل على اي سلندر بالضبط ثم البداء بالتشخص جزء جزء(البوجي+الكويل+البخاخ الخ)
بالتوفيق