نصايحكم في سيارة بمبلغ 120 الف ريال
ارغب في سيارة بمبلغ 120 الف ريال ( قد تزيد قليلا ) جديدة مع الاخذ بعين الاعتبار على ما يلي :
1- suv او على الاقل سيدان وسيعه ورحبه
2- توفر انظمة امان عالية من رادار، نقاط عمياء، كاميرات وغيرها
5- شكل جديد لايتغير الا بعد ثلاث او اربع سنوات
3- خدمات مابعد البيع ممتازة لدى الوكيل من ضمان طويل وخدمات صيانة
4- شاشة تدعم ابل كار بلاي و اندرويد اوتو
فترة الشراء خلال شهر بإذن الله
رد: نصايحكم في سيارة بمبلغ 120 الف ريال
السلام عليكم ورحمة الله وبركاته
يفديونك الاخوة باذن الله ، لكن ارى ان تلقي نظرة على فورد تورس الجديدة اعتقد مقاربة لطلباتك والميزانية المحددة والله اعلم
رد: نصايحكم في سيارة بمبلغ 120 الف ريال
رادار وكاميرا ونقاط عمياء صعبه تحصلها على المبلغ اللي معك
رد: نصايحكم في سيارة بمبلغ 120 الف ريال
هلا فيك اخوي بالنسبة اذا تبغى سيارة SUV وبالمبلغ اللي معك تجيب لك جيب HAVAL-H9 وبسعر اقل ان 120 انا شاري السيارة لها سنة وكم شهر فيها جميع المواصفات ماينقصها الا الرادار فقط فيها مراتب جلد وتبريد وتسخين ومساج للسائق والراكب وفيها دبل وديفلوك وجير من 8سرعات ومحرك سعة 2.0L بقوة 251 حصان واضاءة متحركةمع الطريق والنقاط العمياء والمحافظة على المسار والعديد من المواصفات وضمانها 5سنوات و150 الف كيلو وصيانة مجانية لمدة سنة مفتوح الكيلو وخدمة المساعدة على الطريق وخدمة الصيانة السريعة في مراكز فوكس البترولية وراح ينزل منها ديزل بنفس الفخامة والمواصفات وممكن تشوف تجاربة في اليوتيوب في كثير من الدول مافي احد ذمها وفيه واحد اعرفة معه نفس السيارة معدلها ب27 الف وبالنسبة للسيدان ارشح لك الفورد تورس راح تجيب لك فئة ترند اللي هي نص فل مقاعد نصف جلد مع قماش وانا جربت السيارة ممتازة تطورة عن الموديل السابق واصبحت السيارة رسمية واوسع واريح وايضا بقير من 8سرعات ومحرك سعة 2.0L تيربو بقوة 240 حصان
رد: نصايحكم في سيارة بمبلغ 120 الف ريال
التيما sl2.5 ب ١٢٠ الف ريال شامل كل شيء
١- وسيعة وتقدر تاخذ تجربة قيادة عند بترومين وتتاكد من السعة
٢- فيها رادار امامي بكامل تقنياته مثبت السرعة الذكي والتنبيه من الاصطدام الامامي والتحذير والمنع من مغادرة السير و التحذير من النقطة العمياء و٤ كميرات
٣- فيها كاربلاي واندرويد اوتوز
٤- الشكل جديد نازل من عام ٢٠١٩
٥- الوكيل بترومين فيه فروع صيانة سريعة في كل حي وفيه عروض للصيانة وعروض صيانة مجانية ومحلات قطع الغيار متوفرة خارج الوكالة
التيما تنطبق عليها شروطك ١٠٠%
رد: نصايحكم في سيارة بمبلغ 120 الف ريال
هونداي من السيارات المتوفر قطعها
رد: نصايحكم في سيارة بمبلغ 120 الف ريال
حياك الله أخوي وياهلا وسهلا فيك
أنت ماحددت السيارة اللي ترغب في شرائها هل امريكية أو يابانية أو صيني أو كورية والا مو مهم عندك الصناعة ؟؟؟