مشكلتي مع فحص السياره

السلام عليكم
كيفكم يا اخوان
انا سيارتي لكزس Ls 400 موديل 92
عندي مشكله بالسياره فيها ثقل لما تمشي وتدعس على دواسة البنزين زيادته لكن ماتنطلق بسرعه وفيها ثقل مو طبيعي والسيارة اغلب الأحيان ينخفض ضغط الهواء عند التوقف عند مطب او اشاره وتطفى وما تقبل الدعسه الفجائية هذي مشاكل السياره ولكن اذا كانت السياره بارده يعني لها فتره طافيه وجئت شغلتها ومشيت تقبل الدعسه الثانيهًً وكل شي فيها تمام الين تسخن السياره آلى الحرارة الطبيعية وتبدا المشاكل وكل ورشه تقول سو البواجي واسلاك البواجي والبوابه الهواء وسويتها كلها وباقي نفس المشاكل المشكله لما أجي أبغى أسوي فحص كمبيوتر يقولون سيارتك موديل 92 ما عندنا نفس الفيش اللي يركب عليها وش الأجل يا اخوان في فحص الكمبيوتر وآخر ورشه قالوا لي الايرماس خربان ولقيت قيمته ب 1490 وخوفي أشتريه ومايطلع منه المشكله كيف الحل مع فحص الكمبيوتر عشان أريح راسي
وآسف ع الاطاله

.
عليكم السلام
في الغالب المشكله عندك ضعف في طرمبة البنزين
حاول تفحص ضغط طرمبة البنزين وفحصها سهله بساعة او نفس الورش الي تعمل تنظيف بخاخات يقدر يعرف
ونصيحه اذا بدلة طرمبة البنزين نظف البخاخات مره واحده
بالتوفيق

هلا اخوي سامي مثل ماقال اخوي altimaemh تأكد من طرمبة البنزين وكمان فلتر البنزين اذا الطرمبه ضعيفه لازم تغيرها وتغير فلتر البنزين وتنظف البخاخات وتتأكد وتغير فلتر الهواء وتتأكد ايضا من البواجي والكويلات وخبرنا ايش صار معك او تروح الوكاله وتفحصها

الله يعطيك العافيه

الله يعطيكم العافيه جميعا