كالعادة الجبر و كيا سيراتو 2019 مشلحة من المواصفات
كعادة الوكيل الفاشل دائما (الجبر) تشليح مواصفات السيارات لزيادة الارباح.. الى متى الجشع والاحتكار من وكيل وحيد فقط ...متى شركة كيا تصير مثل هونداي وتريح عملائها من هذا الوكيل وتعمل تعدد للوكالات ... السيراتو 2019 الفل بدون نقاط عمياء وبدون تبريد مراتب ومقعد السائق يدوي وبدون انوار ليد ولا حتى ليد نهاري ومكينة 1600 سي سي وغيرها الكثير وبسعر 70 الف ريال بدون ضريبة والاستاندر 60 الف بدون ضريبة ... خلها تصدي عند الجبر افضل ... الالنترا والمازدا 3 افضل مواصفات وارخص سعر ... اذا فضل هذا الوكيل في جشعة الواضح جدا ..باي باي كيا البديل موجود ...
​https://www.youtube.com/watch?v=pfAQ8hcHBz4
رد: كالعادة الجبر و كيا سيراتو 2019 مشلحة من المواصفات
لاتلوم الوكيل لوم اللي يشتريها
رد: كالعادة الجبر و كيا سيراتو 2019 مشلحة من المواصفات
الي اهم من المواصفات هذه الرادار غير موجود
المفروض ينزل درجات متسلسلة من الستاندر للفل الي يبغى سعر رخيص ومواصفات على قده يحصل والي يبغى الرفاهية ومواصفات اكثر يحصل مبتغاه
بعضهم ساكن في حارة ضيقة ويبغى سيارة عالية المواصفات لكن صغيرة الحجم يحصل مبتغاه بدون مايشتري فئة اكبر تضايقه في المواقف
رد: كالعادة الجبر و كيا سيراتو 2019 مشلحة من المواصفات
من زمان وهذي حركات الجبر . . يبيع النص فل على أنها فل أوبشن
يظن إن الناس مازالوا في عصرالدولة الأموية ولا يدرون عن شي
قلتها قبل كذا وعلقت على تجربة الإعلاميين للسيراتو في دبي
إن اللي جربوها مواصفات كورية . . لن ولن يجبها الجبر إلا إذا دخل معه منافس في وكالة kia
الجبر وده يجيب كوريس بمقاعد مخمل وقير أتوتو عادي لكن مايقدر لأن السيارة تصنف من السيارات الفاخرة فراح يكون مسخرة للجميع
دولتين فقط اللي تجيب كاملة المواصفات : الكويت و الإمارات
رد: كالعادة الجبر و كيا سيراتو 2019 مشلحة من المواصفات
الأهم من هذا كله مواصفات الامان ..
ليته يترك بعض المواصفات الغير مهمة ويجيب 6 ايرباق لكل الفئات حتى الستاندر .!!
رد: كالعادة الجبر و كيا سيراتو 2019 مشلحة من المواصفات
صحيح المواصفات قليلة والسعر مرتفع لكن افضل بكثير من بعض طرازات المنافسين من نفس الفئة شاشة 8 انش ومميزات أبل كار بلاي و أندرويد اوتو تعتبر ميزة جميلة
لكن اختلف معك في مازدا ... اخر موديل لمازدا 3 ذات المواصفات القوية كانت 2015 تجي رادارات وانوار LED ونقط عمياء وغيره وكان سعرها بقرابة 80 الف الان الفل كامل من 2016 حتى الان اشوف حتى مواصفات الكورولا افضل منها بكثير
وحجة الحاج حسين ان سعر مازدا 3 الفل كامل قريبة من سعر مازدا 6 الفل كامل يعني كان سعرها بقرابة 80 الف تقريبا
https://youtu.be/9LqbwbSjcUk
تعتبر سيراتو 2019 سقطة من وكيلها الجبر لكن ايضا تعتبر افضل السيئين مقارنة ببعض وكلاء المنافسين
شكرًا على الخبر
رد: كالعادة الجبر و كيا سيراتو 2019 مشلحة من المواصفات
مشكور عن التقارير
عن السيارات الكورية