مكسيما 2011 غير صاحبها العكس , توقفت السياره بعدها ولم تعد تستجيب ,سؤال لاصحاب الخبره
احد معارفي عنده مكسيما 2011 السيار ه ماشيه تمام وماتعاني من اي مشكله
السياره ماشيه فوق الـ 200 الف وصار عنده تهريب في صوفة العكس الأيمن وصار للعكس صوت طقطقه خفيف فوداها احد الورش وقالو له يفضل انك تغير العكس
الرجال غير العكس الأيمن كامل اصلي مع صوفة العكس وطلع من الورشه ومشى شوي كل شي طبيعي لكن بعدها بمسافه اصبحت دعسة البنزين ما تستجيب وصار يطلع صوت غريب مع المشي
رجع السياره للورشه وفكو العكس وركبوه مره ثانيه للتأكد من ان تركيبه سليم ولكن ضلت المشكله موجوده والسياره الآن متوقفه وماعاد تمشي نهائياً سواء على الـ d او على الـ R , السياره لاتستجيب .
انا قلت ممكن تكون المشكله الكترونيه وليست ميكانيكه يعني ممكن حساس اوبرمجه او شيء من هذا القبيل لكن الي شككني ان المشكله ميكانيكه انها ما صارت الا بعد تغيير العكس .
الحقيقه اول مره تمر علي مشكلة مثل هذي وسبق ان تم تغيير عكوس وربلات عكوس لعدة سيارات سواء لي او لأحد معارفي ولم يسبق ان واجهنا مثل هذه المشكله
فقلت يمكن احد الاخوه مرت عليه او سمع عن مثل هذي المشكله ممكن يفيدنا ويفيد الرجال الي سألني
وجزاكم الله خير .
رد: مكسيما 2011 غير صاحبها العكس , توقفت السياره بعدها ولم تعد تستجيب ,سؤال لاصحاب ال
السلام عليكم
احتمال عند تركيب العكس تم فصل احد الاسلاك الخاصة بالجير او احد القطع التي تساهم في مشي السيارة
رد: مكسيما 2011 غير صاحبها العكس , توقفت السياره بعدها ولم تعد تستجيب ,سؤال لاصحاب ال
حياك الله
المشكله غريبه
وتغير العكس مايسبب مثل مشكلتك
لاكن اضم صوتي لاخوي صالح بأحتمالية فصل احد الاسلاك
والاقرب في مايخص نظام مانع الانزلاق او الاي بي اس
اما الي متواجد على الهوب او احتمال بما انه العكس اليمين يكون احدى اسلاك الاي بي اس لانه موقعه امام الراكب
فالسؤال الي يفرض نفسه هل لمبة مانع الانزلاق او الاي بي اس والعه او لا ؟
بالتوفيق
رد: مكسيما 2011 غير صاحبها العكس , توقفت السياره بعدها ولم تعد تستجيب ,سؤال لاصحاب ال
حياكم الله اخوتي الافاضل
اتفق معكم بخصوص فصل احد الاسلاك او الفيش الخاصة باحد الحساسات مثل حساس السرعة VSS المتصل بالقير - حساس الكف المتصل بالقير - ( الحساسات المتصلة بالهوبات رغم انه احتمال ضعيف جدا ) .
اكد على حساس السرعة حيث انه قريب جدا من مكان العكوس ومكان العمل , لاحظ الفيديو التالي :
https://www.youtube.com/watch?v=SZuVCf6Z5Fg
بالتوفيق
رد: مكسيما 2011 غير صاحبها العكس , توقفت السياره بعدها ولم تعد تستجيب ,سؤال لاصحاب ال
لا مرت عليه نفس المشكله بنفس نوع السياره وكان الاشكال من العكس ذراعه يدور بوش من داخل تروس القير
فكه مره اخرى وتاكد منه
بالتوفيق
رد: مكسيما 2011 غير صاحبها العكس , توقفت السياره بعدها ولم تعد تستجيب ,سؤال لاصحاب ال
اشكركم اخواني على الردود .