خطأ عداد السرعة + رجة الدركسون
السلام عليكم ورحمة الله وبركاته
الشهر مبارك عليكم يا اخوان ولو انها متاخره شوي:35::35:
عندي مشكله في سيارتي الا وهي لما اكون ماشي والطبلون الرياضي او العداد الالكتروني يقرا مثلا السرعه 100 غير عن الطبلون العادي اللي بالارقام يكون فرق السرعه تقريبا 15 الى 20 كم واحيانا يرجع من نفسه ويضبط بدون ماسوي شي
وعندي مشكله ثانيه لما اكون ماشي بسرعة 80 الى 110 تقريبا يكون فيه رجه بالسياره والدركسون يلعب ويرج بقوه ونفس السرعه لما اهدي من 110 الى 80 ترجع نفس الرجه لدرجه يمكن ملاحظتها لما تكون بمقعد الراكب وبوضوح
للمعلوميه الرجه تكون مع الدعسه ومع التهدئه ومن 80 الى 110 والعكس لما تكون مهدي سويت ترصيص ارضي بالكميبيوتر وخفت الرجه لاكن لاتزال موجوده وسرعان مارجع لنفس الوضع السابق بعد تقريبا 3 ايام وش الحل ياشباب؟؟؟؟؟؟
رد: خطأ عداد السرعة + رجة الدركسون
تقريبا الكفرات نص عمر يعني تعطيها 60 الى 65% اما بالنسبه للجنوط فالحمد لله مافيها حتى ولو حك بسيط وماسبق ان طجت بحفره مره قويه تستاهل يكون الرجه موجوده بسببها
عالعموم ان شاء الله قريب اغير الكفرات وبيتضح اذا المشكله منها او لا
ماقصرتوا عالردود والله يعطيكم الصحه والعافيه يارب
تحياتي ,,,,,
رد: خطأ عداد السرعة + رجة الدركسون
طلعت المشكله من المقص الايسر للسياره وتم تغير مقص جديد وكاله وراحت الرجه نهائيا:56:
رد: خطأ عداد السرعة + رجة الدركسون
شكرًا لك أخي الكريم.
و ما شاء الله متذكر الموضوع بعد مضي 5 شهور. هذا يعني حرصك على إفادتنا. جزاك الله خير.
رد: خطأ عداد السرعة + رجة الدركسون
الحمد لله على اصلاح الخلل
جزيل الشكر والامتنان للرد والتوضيح لعموم الفائدة
تم تدوين الخلل في ( موسوعة اعطال السيارات )
بارك الله فيك
تحياتي