انا تورطت شريت تورس وكلها مشاكل !!!
السلام عليكم ورحمة الله وبركاته
شريت تورس جديد وخلال يومين وبعد ماقطعت السيارة 200 كيلو صار فيها تقطيع وتفتفه وولعت لمبة
المكيننة (تشك انجن) وديتها الوكالة وعطوني موعد بعد 4 ايام ! قالو هذى اقرب موعد
المهم طلعت منهم ولاعاد اشتغلت السيارة ، رجعت وتهاوشت معهم ودخلو
السيارة الصيانة وصار العطل من الطرمبة وتم استبدالها ، الأن لي يومين من طلعتها من الوكالة ولسى
مامشيت 150 كيلو رجعت ولعت لمبة المكينة والعداد الأن 370 كيلو فقط ، وش الدبرة
مع خمام فورد هل الأخوان الي يملكون نفس السيارة واجهتهم نفس المشاكل
والا انا حالة خاصة هل ابيع السيارة وافك عمري من مشاكل اعظم قد تحصل
مستقبلاً، انا كنت على ثقة ان الأمريكي غير عملي
وكثير المشاكل بعد تجربة مع شفرولية لومينا كانت كلها متاعب ومصائب وخسائر
رد: انا تورطت شريت تورس وكلها مشاكل !!!
بدايتاً الله يكون في عونك
للاسف يالغالي سيارتك هي المضروبه
ولو انا مكانك راح اوقفف السياره عندهم واشتكي وزارة التجاره باسرع وقت ممكن حتى لو استلزمني الامر شهر او شهرين واذا مافي امل بعتها( لان بيعتها بتخسر فيها مبلغ وقدره)
رد: انا تورطت شريت تورس وكلها مشاكل !!!
حاليا مسوين عروض على التورس بـ 86 الف واتوقع السبب ان اغلبها فيها مشاكل وانصدمت ويصلحونها لا ويسمونها عروض تصفية بغيت اشتري امبالا وطلع فيها حكات والحمدالله ع الاستخاره نفعتني نصيحة اشتكي لوزارة التجارة يايستبدلونها لك يايرجعون فلوسك مهزلة وقلة حيا لو في امريكا يقفلون مصنع فورد بكبره اذا ماعوضوك
رد: انا تورطت شريت تورس وكلها مشاكل !!!
انتبه تسكت عن حقك وياجبل لا يهزك ريح
وقف سيارتك عندهم وأتصل على التجارة وجيب لهم الصداااع وخلك صبور وما ضاع حق وراه مطالب
يالله شد حيلك ونا أخوك وعطنا ألنتيجة بعدين
موفق خير
رد: انا تورطت شريت تورس وكلها مشاكل !!!
الاخوان ماقصرو والمشكلة هذي كبيرة والسيارة لسه في التمرين
ودها عندهم وسوي شكوى
بالتوفيق
رد: انا تورطت شريت تورس وكلها مشاكل !!!
السلام عليكم اخوي والله نفس المصيبة انا طلعت دودج تشارجر وبنفس اليوم المكيف تحط ساخن يجي بارد والعكس من جهة السواق السيارة ماشية 200 كيلو رحنا الوكالة وتخانقت مع السوداني والمصري واجا المدير بالعربي قال روح وزارة التجارة يمكن لاني اجنبي كبر راس المهم انا ما طلعت من الوكالة جابولي سيارة بديلة وتوصلنا لحل انو هم بصلحوها بيوم واحد العطل في منظم المكيف وتعال استلمها انا عاطيهم لليوم الساعة 5 المغرب لا تسكت عن حقك اقسم بالله شي مقرف اطلع سيارة ب 100 الف وتاني يوم بالصيانة والله لو اني بجمع الفلوس من على الشجر ما صار الي صار
رد: انا تورطت شريت تورس وكلها مشاكل !!!
عزيزي قدم شكوى لوزارة التجارة وطالب بمبلغ السيارة فقط وليس سيارة بديلة
والوجه من الوجه أبيض مع الامريكي كامل وحول على الياباني أو الكوري افضل لك من وجع الراس والمشاكل
رد: انا تورطت شريت تورس وكلها مشاكل !!!
والله ذكرتني بتجربة اثنين من عيال عمي ... كلهم الاثنين طلعوا لومينا وكلهم الاثنين اشتكوا من تفتفة والسيارة مالها ايام ... ومع الوقت زادت التفتفة وتطورت المشاكل وقعدوا رايحين جايين على الوكالة واخرتها اقتنعوا بالامر الواقع وكملوا السنة بالتفتفة وباعوها برخص التراب .. الخلاصة رأيي المتواضع ان الامريكي له فئاته الخاصة ... الاس يو في الكبيرة والبيك ابات الكبيرة والسيدان الكبير وغير كذا ما نجحوا فيه ... وحتى الجيد منه في السنوات الاخيرة صناعة كوريا ... اذا حاب تاخذ سيدان صغيرة او متوسطة فالحل المثالي هو الياباني او هيونداي